​Ер участкаларидан фойдаланишда давлат назорати самарадорлигини ошириш чора-тадбирлари тўғрисида Ўзбекистон Республикаси Президентининг қарори (ПҚ–138-сон, 21.02.2022 й.) қабул қилинди.

Мазкур қарор билан Кадастр агентлигига қуйидаги вазифалар юклатилди.

💠 Кадастр агентлигига (1097 қисқа рақами) юборилган фотосурат ва видеоёзувлар қонунчилик ҳужжатларида белгиланган тартибда кўриб чиқиш;

💠 Ерга оид ҳуқуқбузарликларнинг мониторингини юритиш бўйича яратилган “Е-YER NAZORAT” автоматлаштирилган ахборот тизимини такомиллаштириш;

💠 “Е-YER NAZORAT” тизимида ер участкалари билан боғлиқ содир этилган жиноятлар бўйича маълумотлар харитаси алоҳида юритиш;

💠 Кадастр агентлиги Бош прокуратура ва бошқа ваколатли органлар билан биргаликда бир ой муддатда “Е-YER NAZORAT” тизимига қўзғатилган жиноят ишлари ҳақидаги маълумотларни киритиш.

💠 “Ўзбеккосмос” агентлиги Кадастр агентлиги, манфаатдор вазирлик ва идоралар билан биргаликда 2022 йил якунига қадар синов тариқасида Тошкент шаҳрининг Мирзо Улуғбек ва Юнусобод туманлари ҳамда Тошкент вилоятининг Қибрай ва Тошкент туманларида ўзбошимчалик билан эгалланган ер участкаларини ҳамда ноқонуний бино ва иншоотларни космик суратларни қайта ишлаш орқали аниқлаш чораларини кўриш;

💠 Кадастр агентлиги ер тоифасидан қатъи назар барча турдаги ер участкалари ҳамда бино-иншоотларга бўлган ҳуқуқларни давлат рўйхатидан ўтказмаслик ҳолатларини аниқлаш, ер участкаларининг ўзбошимчалик билан эгаллаб олинишига ва чегараларини ўзбошимчалик билан ўзгартиришга йўл қўймаслик чораларини кўрсин, ердан мақсадли фойдаланилиши устидан давлат назоратини кучайтириш;

#rasmiy_munosabat

Куни кеча Андижон шаҳрида ерларни ноқонуний эгаллаб бўйича матсеркласс Акмалхожи ҳақида анонс ҳамда Акмалхожига чора кўриладими жаноб анжанлик кадастрчилар? деб берилган мақола юзасидан бошқарма бошлиғи бошчилигида ишчи гуруҳ тузилиб жойига борган ҳолда ижтимоий тармоққа мурожаат қилган аризачининг турмуш ўртоғи М.А (турмуш ўртоғи аризачининг соғлиги яхши эмаслиги сабабли аризани ўрганиш жараёнида иштирок эта олмаслигини билдирди) иштирокидан ўрганиб чиқилди.

Ўрганиш натижаларига кўра, юқоридаги манзилда жойлашган “Андижон агропилла” МЧЖга тегишли бўлган “Маъмурий бинонинг 2-қавати, гараж бино иншоотлари” эгаллаган жами 3741,0 кв.метр ер майдонлари (ери билан бирга) электрон онлайн аукцион платформасига сотувга қўйилган.
Аукцион натижаларига кўра 27.09.2021 йилда берилган ОА 092-058529-сонли БАЁННОМАга асосан сотувга қўйилган юқоридаги объектни фуқаро Қ.М сотиб олиб, ғолиб деб топилган.

Мурожаатчи томонидан тақдим этилган ҳужжатлар асосида сотиб олган ер участкаси натурада аризачининг турмуш ўртоғи М.А. билан биргаликда ўлчовдан ўтказилганда ҳужжатда кўрсатилган 3 741 м.кв майдоннинг 265 м.кв қисми А.А томонидан уй-жой сифатида фойдаланаётганлиги, 480 м.кв қисми йўл учун ажратилганлиги, қолган 2 996 м.кв қисми эса ўз ҳолида турганлиги аниқланди.

Аризачига тегишли бўлган фуқаро А.А томонидан уй-жой сифатида фойдаланаётган майдон ўрганилганида 08.07.2019 йилда "RIELTOR EXSPERT KONSALTING" МЧЖ томонидан тўғридан-тўғри музокаралар ўтказиш йўли билан ташкиллаштирилган 06/07-сонли олди-сотди шартномасига асосан "Агропилла" МЧЖга тегишли юқоридаги 79-манзилдаги 265,5 м.кв, қурилиш майдони 48,01 м.кв, фойдали майдони 37,29 м.кв бўлган "Ёқилғи омбори" бино-иншоотларини фуқаро У.С сотиб олганлиги, кейинчалик, яъни 14.01.2020 йилдаги 179-сонли олди-сотди шарномасига асосан юқоридаги объектни А.А томонидан сотиб олганлиги ва 20.03.2020 йилдаги 96-сонли my.gov.uz ягона интерактив давлат хизматлари портали орқали қилган мурожаати асосида руҳсатнома олиб, турар-жой тоифасида фойдаланаётганлиги маълум бўлди.

Шунга кўра аризада ноқонуний деб кўрсатилган ер майдони юқоридаги ҳужжат ва ҳолатларга кўра аризачининг ер майдони эмаслиги маълум бўлди.

Ўз ўрнида аризада ноқонуний қурилиш деб кўрсатилган ҳолат ҳам жойнинг ўзида ўрганиб чиқилди.

Жумладан, мазкур қурилиш фуқаро К.А томонидан қурилаётганлиги, фуқародан ушбу объектни ҳуқуқий ҳужжатлари сўралганида Андижон шаҳар ҳокимлиги ҳузуридаги ер участкаларини бериш (реализация қилиш) масаларини кўриб чиқувчи комиссиясининг 30.03.2021 йилда 32-рақам билан тузилган Далолатномасини, тегишли мутассадди ташкилотларнинг техник-хулосаларини тақдим этди ҳолос.
Юқоридаги хулосалар асосида шаҳар ҳокимининг ер ажратиш хусусидаги қарори чиқмай қолиб кетганлигини, ҳозирда ушбу ерга 4 хона, яъни 2 та хона кам таъминланган оила учун хомийлик асосида уй ва 2 тасини дўкон сифатида қураётганлигини оғзаки билдирди.

А.К.га ер ажратиш тартиб-тамойиллари тўлиқ тушунтирилиб, бу харакати қонунга зид эканлиги билдирилди ва қонунчиликда белгиланган тартибда “Маъмурий жавобгарлик тўғрисида”ги Кодекснинг 60-моддаси 3-қисмида назарда тутилган ҳуқуқбузарликни содир этганлиги учун А.Кга нисбатан маъмурий баённома расмийлаштирилиб, йиғилган ҳужжатлар Жиноят ишлари бўйича Андижон шаҳар судига юборилди.

Мурожаатчига “Ер Кодекси”нинг 89-модда талаби бўйича Ер хусусидаги низолар тегишли суд томонидан қонун ҳужжатларига мувофиқ ҳал этилиши ҳамда Ўзбекистон Республикасининг “Маъмурий Суд ишларини юритиш тўғрисидаги Кодекси”да белгиланган талаблар бўйича (бу масалада асослантирувчи ҳужжатлар билан) судга мурожаат этиш ҳуқуқи борлиги тушунтирилди.


Telegram | Instagram | Facebook | You tube

​#Andijon #Kadastr #ishchi_guruh

Hududlardagi yer va kadastr nazorati inspektorlari faoliyatini o'rganish va ularga amaliy yordamlar ko'rsatish maqsadida tuzilgan Respublika ishchi guruhining viloyatiga qilgan tashrifi davomida ishchi guruh rahbarlari agentlikning Yer va kadastr nazorati boshqarmasi boshlig'i Murod Fayzullayev hamda Ma'muriy amaliyot boshqarmasi boshlig'i Dilshodbek Omonovlar tomonidan berilgan topshiriqlar ijrosini ta'minlash maqsadida agentlikning Andijon viloyati boshqarmasi tomonidan bir qator ishlar amalga oshirildi.

Jumladan, har bir inspektorga xizmatda foydalanish uchun uslubiy qo'llanma, xatlov ishlarini amalga oshirish uchun kerakli kanselariya maxsulotlari jamlanmalari tayyorlanib, mutaxassislarga yetkazilmoqda.

Telegram | Instagram | Facebook | You tube

#Kadastr_agentligi

⚡️HURMATLI FUQAROLAR HAMDA TADBIRKORLAR!

🔸So'nggi vaqtlarda Yer uchastkalarini olish va foydalanish bo'yicha firibgarlik holatlari ko'p uchrab turgani barchamizga ayon.
🔸Shu sababli Kadastr agentligi fuqarolarimizni ogohlikka chaqiradi.

YER BILAN BOG'LIQ KORRUPSIYA VA TA'MAGIRLIK XOLATLARIGA DUCH KELSANGIZ HUQUQNI MUHOFAZA QILISH ORGANLARIGA YOKI 1097 QISQA RAQAMIGA MUROJAAT QILING!

FIRIBGARLARGA ALDANIB QOLMANG!
📌Ogohlik davr talabi!!!

Telegram Instagram YouTube Facebook Web-sayt

#rasmiy_munosabat


Телеграм ижтимоий тармоғида “Мини футбол майдонлари нега бузиб ташланмоқда” сарлавҳаси остидаги берилган мақола юзасидан қайд этилган ҳолатлар ўрганиб қуйидагилар маълум қилинади.

Ўрганишда Андижон шаҳар Миллий тикланиш кўчаси 53/а манзилда жойлашган мини футбол ўйингоҳига бориб ўрганилганда мазкур ўйингоҳ Нотариал идорасининг 2021 йил 30-сентябр кунги Реестр 4855 рақами билан қайд этилган олди-сотди шартномасига асосан “Бехзод 888” МЧЖга тегишли бўлиб, Давлат кадастрлар палатаси Андижон шаҳар филиалидан №1703401/Р-А2114040 тартиб рақам билан Давлат рўйхатига олинган.

Мазкур ер майдонида “Бехзод 888” МЧЖ томонидан ўзига тегишли бўлган ер майдонида белгиланган тартибда ҳужжатларни расмийлаштирилмаган ҳолда кўп қаватли турар-жойга мослаб қурилиш ишлари бошланганлиги аниқланган.

Андижон шаҳар қурилиш бўлими томонидан мазкур кўп қаватли турар-жой ҳужжатлари ўрганилганда ШНК 2.08.01-19 “Турар-жой бинолари” ва ШНҚ 2.07.01-03 “Шахарсозлик шаҳар ва қишлоқ аҳоли пунктлари ҳудудларини ривожлантириш ва қурилишни режалаштириш” талаблари бўйича ўрганилганда кўп қаватли турар жой қуриш учун талаб этиладиган ер майдони мавжуд эмаслиги яъни болалар ўйингохи, автомобиллар учун тураргох, қариялар учун дам олиш зоналари, ҳамда бино атрофида ёнғин талаблари бўйича майдон йўқлиги жамият рахбарига Андижон шаҳар қурилиш бўлими томонидан ҳуқуқий оқибатлари тушунтирилганлиги сабабли ҳозирда кўп қаватли турар-жой қурилиш ишлари жамият томонидан тўхтатилган.

Шунингдек, Андижон шаҳар Машраб кўчаси 12б манзилдаги 1680.0 кв.метр ер майдонида жойлашган "Ёшлик болалар футболи" МЧЖга тегишли бўлган мини футбол майдончаси 2021 йил 28-апрел кунги Реестр 835-рақам билан қайд этилган олди-сотди шартномасига асосан “BUSINESS-HOUSE“ МЧЖга сотилганлиги маълум бўлди.
“BUSINESS-HOUSE“ МЧЖ томонидан мазкур қурилиш ишларини олиб бориш учун Андижон шахар қурилиш бошқармасининг 03.05.2021 йилдаги 336-сонли рухсатномасига асосан юқоридаги манзилдаги ер майдонига 9-қаватдан кам бўлмаган кўп қаватли турар-жой биноси қуришга рухсат берилганлиги аниқланди.

Telegram | Instagram | Facebook | You tube

Қишлоқ хўжалигидаги ерларни хусусийлаштириб бўлмайди

Кадастр агентлиги ахборот хизмати раҳбари Неъмат Атамуратов ер участкаларини хусусийлаштириш, тадбиркорлик ва уй-жой қуриш учун ер учаткаларини электрон онлайн-аукцион орқали реализация қилиш бўйича аҳоли ҳамда тадбиркорларимиздан келиб тушаётган саволларга жавоб берди.

👉 https://effect.uz/1466

🌐 EFFECT.UZ веб-сайтининг ижтимоий тармоқлардаги саҳифаларига аъзо бўлинг!

Telegram | Facebook | Instagram | YouTube | Sport

#rasmiy_munosabat

Ижтимоий тармоқларда "Андижон шаҳар А.Ҳайдаров кўчасида жойлашган Кадастр идораси, у ерга келган фуқароларга ҳизмат кўрсатишдаги навбатлар ва сансанорликлар бўйича вилоят ЙҲХБдан ҳам баттар аҳволга келиб кетипти" сарловхаси остида мурожаатга расмий муносабат.

Telegram | Instagram | Facebook | You tube

#Андижон вилоятидаги вакант лавозимлар учун очиқ мустақил танлов эълон қилинди

Президент ҳузуридаги Давлат хизматини ривожлантириш агентлиги Андижон вилояти филиали ҳудудий давлат органлари ва ташкилотлари билан ҳамкорликда қуйидаги вакант лавозимларга очиқ мустақил танлов эълон қилади:

🔸Кадастр агентлигининг Андижон вилояти бошқармаси:
— Бошқарманинг Ер ва кадастр назорати бўлими бош мутахассиси;

— Балиқчи туман бўлими бош инспектори;

🔸 Андижон вилояти мактабгача таълим бошқармаси:
— Бошқарманинг Молиялаштириш, бухгалтерия ҳисоботи бўлими бош иқтисодчиси;

🔸 Андижон вилояти маҳалла ва оилани қўллаб-қувватлаш бошқармаси:
— Қўрғонтепа тумани маҳалла ва оилани қўллаб-қувватлаш бўлими Ташкилий-назорат ва таҳлил бўйича етакчи мутахассис;

🔸 Андижон вилояти экология ва атроф-муҳитни муҳофаза қилиш бошқармаси:
— Асака тумани экология ва атроф-муҳитни муҳофаза қилиш бўлими инспектори;

— Пахтаобод тумани экология ва атроф-муҳитни муҳофаза қилиш бўлими бош мутахассиси;

🔸 Асака туман ҳокимлиги:
— Маҳаллаларда молиявий кўмак дастурларини амалга ошириш бўйича бош мутахассис;

🔸 Ўсимликлар карантини давлат инспекциясининг Андижон вилояти ҳудудий карантин инспекцияси:
— Олтинкўл туман бўлими АКТ бўйича етакчи мутахассис;

— Бўстон туман бўлими АКТ бўйича етакчи мутахассис;

— Улуғнор туман бўлими АКТ бўйича етакчи мутахассис;

🔸 Агросаноат мажмуаси устидан назорат қилиш инпсекцияси Андижон вилоят бошқармаси:
— Қўрғонтепа туман бўлими бошлиғи ўринбосари;

🔸 Бюджетдан ташқари пенсия жамғармаси Андижон вилояти бошқармаси:
— Асака тумани бўлими мудири;

🔸 Андижон вилояти бўйича ғазначилик бошқармаси:

— Избоскан тумани бўйича Ғазначилик бўлинмасининг молиявий ресурларни бошқариш, бухгалтерия ҳисоби ва ҳисоботи бўйича бош мутахассиси;

— Шаҳрихон тумани бўйича Ғазначилик бўлинмасининг юридик мажбуриятларни рўйҳатга олиш гуруҳи бошлиғи;

🔸Андижон вилояти қурилиш бош бошқармаси:
— Пахтаобод тумани бўлими бош мутахассиси;

— Пахтаобод тумани бўлими етакчи мутахассиси;

🔸Андижон вилояти Қурилиш соҳасида худудий назорат инспекцияси:
— Ахборот-коммуникация технологияларини жорий этиш бўлими мутахассиси;

🔸Андижон вилояти статистика бошқармаси:
— Бошқарманинг Ишбилармонлик муҳити кузатувлари, тадбиркорликни ривожлантириш статистикаси бўлими бошлиғи;

🔸Андижон вилояти солиқ бошқармаси:
— Бошқарманинг Солиқ аудити шўъбаси давлат солиқ катта инспектори;

— Бошқарманинг Солиқ аудити шўъбаси давлат солиқ бош инспектори;

— Андижон шаҳар давлат солиқ инспекцияси Сайёр солиқ текширувлари шўъбаси давлат солиқ бош инспектори;

— Андижон туман давлат солиқ инспекцияси бошлиғининг биринчи ўринбосари;

— Андижон туман давлат солиқ инспекцияси Сайёр солиқ текширувлари шўъбаси бошлиғи;

— Марҳамат туман давлат солиқ инспекцияси Ҳудудларни ижтимоий-иқтисодий ривожлантириш секторида ишларни ташкил қилиш бўлими бошлиғи;

— Пахтаобод туман давлат солиқ инспекцияси Ҳисобни юритиш ва бюджет даромадларини прогнозлаштириш бўлими бошлиғи;

— Пахтаобод туман давлат солиқ инспекцияси бўлим бошлиғи ўринбосари;

— Шаҳрихон туман давлат солиқ инспекцияси бошлиғи ўринбосари;

— Шаҳрихон туман давлат солиқ инспекцияси Жисмоний шахсларга хизмат кўрсатиш бўлими бошлиғи ўринбосари;

🔸Андижон вилояти молия бошқармаси:
— Асака тумани ҳокимлиги молия бўлими Бюджет ижроси ҳисобчиси ва ҳисоботи шўъба мудири-бош ҳисобчиси;

▶️ Танловда иштирок этиш учун номзодлар Давлат фуқаролик хизматчилари вакант лавозимларининг ягона очиқ портали орқали рўйхатдан ўтишлари, вакант бўлган лавозимга сўралган ҳужжатларни электрон шаклда тақдим этишлари лозим.

❗️Ҳужжатлар 2022 йил 23 февралдан 4 мартгача (шу куни ҳам) қабул қилинади.

🔷 Ҳужжатларни электрон юбориш тартиби бўйича видеоқўлланма

🔷 Ягона идентификация тизими — id.egov.uz'дан рўйхатдан ўтиш бўйича видеоқўлланма

⭕️ Порталнинг расмий канали — https://t.iss.one/vacancy_argos

#OAV #Munosabat #Andijon_viloyati #Kadastr_boshqarmasi

Kadastr agentligi hamda Davlat kadastrlari palatasi Andijon viloyati boshqarmalarining malakali mutaxassislari tomonidan soxaga oid qabul qilinayotgan qaror va farmonlar ijrosi yuzasidan Andijon TRKning "Munosabat" ko'rsatuvida efirga uzatildi.

Telegram | Instagram | Facebook | You tube