Таълим соҳасига юксак хизматини бағишлаган фахрий ёд этилди
••••••••••
“Хотира ва қадрлаш куни” муносабати билан Бўстон туманида “Инсон азиз, хотира муқаддас" мавзусида хотира кечаси ўтказилди.

Унда собиқ халқ депутатлари Бўстон тумани кенгаши депутати, мактаб директори марҳума Цой Галина Тимофеевна ёд этилди.

Ўзбекистон “Миллий тикланиш”демократик партияси Андижон вилояти кенгаши, Бўстон тумани ҳокимлиги ҳамда тумандаги ихтисослаштирилган мактаб ҳамкорлигида ташкил этилди.

Тадбирда марҳуманинг ҳаётига бағишланган ёшлар ва катталар ўртасида учрашув ўрин олди. Унда кун қаҳрамонининг ҳаёт йўли, касбига садоқати, ёш авлодни ватанпарварлик руҳида тарбиялаш борасида олиб борган фидокорона меҳнатлари, депутатлик фаолияти, партияда тутган роли, тумандаги таълим соҳаси ривожига қўшган улкан ҳиссаси тўғрисида таъкидлаб ўтилди.

Цой Галина Тимофеевна хотира музейининг рамзий очилиш маросими ўтказилди. Тадбир якунида иштирокчиларга ташкилотчилар томонидан эсдалик совғалари топширилди.

Маълумот учун, мазкур тадбир Ўзбекистон “Миллий тикланиш”демократик партияси Андижон вилоят кенгаши, Бўстон тумани ҳокимлиги ҳамда тумандаги ихтисослаштирилган мактаби билан ҳамкорлигида ташкил этилди.

Цой Галина ўз ташаббуси билан ихтисослашган хусусий боғча, мактаб, ўрта махсус таълим ва олий таълим муассасини барпо этишни режа қилган эди. Бунда болалар боғчадан бошлаб, олийгоҳгача битта тизим остида таҳсил олишлари кўзда тутилган. Марҳума ҳаёти давомида юртимиздаги янги имкониятлардан фойдаланиб, боғча ҳам мактаб фаолиятини ташкил қила олган ва ўрта махсус таълимни йўлга қўйиш арафасигача меҳнат қилган.

Саҳифа:@andpress

Президент табриги етказилди
••••••••••••••••
Вилоят раҳбари Шуҳратбек Абдураҳмонов Андижон шаҳрида яшовчи 2-жаҳон уруши фахрийсига давлат раҳбари томонидан йўлланган табрикни ўқиб ешиттирди.

9 май “Хотира ва қадрлаш куни” муносабати билан, Андижон шаҳридаги 13-умумтаълим мактабида ташкил этилган тадбирда ушбу санага бағишланган дастурлар, ёшларнинг ватанпарварлик руҳидаги кўргазмали чиқишлари, ҳарбий оркестр ижролари намойиш этилди.

Саҳифа: @andpress