#mobil_ilova

Soliq mobil ilovasidan yana bir qulaylik

Soliq mobil ilovasidan Face ID orqali roʻyxatdan oʻtgan foydalanuvchilarning ilovaga biriktirilgan telefon raqamlari ularning JShShIRlariga bogʻlanmoqda.

Endilikda soliq to‘lovchilar mobil ilovadan bir nechta telefon raqamlari orqali foydalanganda ham bitta akkaunt hisoblanadi va barcha keshbek summalari ushbu akkauntda jamlanadi.

Ilovaga biriktirilgan telefon raqamlarining  JShShIRga bog‘lanishi xavfsizlikni yanada kuchaytiradi. Ya'ni foydalanuvchilarning keshbek summalari firibgarlar tomonidan o'zlashtirib olinishi cheklanadi.

Foydalanuvchi boshqa telefon orqali Soliq mobil ilovasida ro‘yxatdan o‘tgan raqam bilan ilovaga kirayotganda ushbu foydalanuvchini akkauntning haqiqiy egasi ekanligiga aniqlik kiritish maqsadida savol oynasi ochiladi. "Ha" tugmasi tanlanganda foydalanuvchi Face ID orqali identifikatsiyadan o'tkaziladi, agar haqiqatdan akkaunt egasi bo‘lsa ilovaga kirishga ruxsat beriladi, "Yoʻq" bosilganda esa foydalanuvchiga akkauntni o'chirib yangi akkaunt ochish taklif etiladi.

Ushbu qulaylikdan Soliq mobil ilovasining yangi versiyasida foydalanish mumkin. Yangilangan ilova yuklab olish uchun tez kunlarda platformalarga joylashtiriladi.

Тelegram |Facebook |Youtube| Instagram |Twitter| Threads