#qonunchilikdagi_yangiliklar

2022-yil 1-noyabrdan...

👉Tadbirkorlik subyektlari faoliyatida o‘tkaziladigan barcha tekshiruvlar “Yagona davlat nazorati” axborot tizimida ro‘yxatga olinadi.

👉Eksport qiluvchi tashkilotlarga tovarlar (ishlar, xizmatlar)ni realizatsiya qilishdan tushgan umumiy tushumdagi eksport hajmining ulushidan qat’i nazar, foyda solig‘i va AOS bo‘yicha soliq solinadigan bazani kamaytirish ko‘rinishidagi imtiyozlar qo‘llaniladi.

👉O‘zini o‘zi band qilgan shaxslar shug‘ullanishi mumkin bo‘lgan faoliyat turlari 10 taga ko‘payadi.

👉Maishiy texnika mahsulotlarini majburiy raqamli markirovkalashning III bosqichi start oladi: suv isitish qozonlari, konditsioner, sok chiqazgich, blender, mikser, kofe yanchgich, goʻsht maydalagich hamda barcha turdagi lampalar.

👉Birlamchi (ichki) qadoqlarda ishlab chiqarilgan dori vositalari va dorivor angro-mahsulotlarni identifikatsiya vositalari orqali majburiy raqamli markirovkalash tizimi joriy etiladi.

👉Dori vositalari va tibbiy buyumlar ulgurji savdosi bilan shug‘ullanuvchi tashkilotlar “Asl belgisi” MATda ro‘yxatdan o‘tishi va tegishli shartnomani imzolagan holda faoliyat yuritishi lozim.

👉Sirdaryo viloyatining Sardoba, Oqoltin va Mirzaobod tumanlarida favqulodda hodisa oqibatida zarar ko‘rgan baliqchilik, chorvachilik hamda parrandachilik xo‘jaliklarini mol-mulk va yer soliqlarini to'lashdan ozod etish muddati tugaydi.

Тelegram | Facebook | Youtube| Instagram

#Soliq_dayjest

🗓 Haftaning muhim xabarlari:

🔷 Soliq-ko'makchi tamoyili asosida Buloqboshi tumanida amalga oshirilgan ishlar

🔷 Siz korrupsiyaga duch keldingizmi?

🔷 Barcha islohotlar inson qadri uchun...

🔷Hech bir murojaat chetda qolmaydi. Xo'jaobod tumanida sayyor qabul bo'lib o'tdi

❗️👇Bizni ijtimoiy tarmoqlar orqali ham kuzatib boring!👇

Telegram|Facebook|Instagram|YouTube|

#soliq_taqvimi

🗓Soliq to‘lovchi – yuridik shaxsning 2022-yil noyabr oyi uchun kalendari
______________________________
#календарь_налогоплательщика

🗓Календарь налогоплательщика – юридического лица на ноябрь 2022 года

Тelegram | Facebook | Youtube| Instagram

#onlayn_NKM

Vositachilik shartnomasi asosida realizatsiya qilingan tovar onlayn-NKM va virtual kassa chekida qanday aks ettiriladi?

Buning uchun komitent tomonidan quyidagilar bajarilishi lozim:

1️⃣Soliq to‘lovchining my.soliq.uz saytidagi shaxsiy kabinetiga ERI kaliti yordamida kiriladi.
2️⃣Xizmatlar qatoridan “Korxona komissionerlari ro‘yxatini shakllantirish” tanlanadi.
3️⃣“Qo‘shish” tugmasi bosiladi.
4️⃣Ochilgan oynaga quyidagi ma’lumotlar kiritiladi:
▫️ yuridik shaxs STIRi yoki YaTT JShShIRi;
▫️ vositachilik shartnomasi raqami;
▫️MFO;
▫️ hisob raqam;
▫️ shartnoma tuzilgan sana;
▫️ shartnoma amal qilish muddati boshlanish sanasi;
▫️ shartnoma amal qilish muddati tugash sanasi.
5️⃣Shundan so‘ng “Qo‘shish” tugmasi bosiladi.

❗️Har bir vositachi haqidagi ma’lumotlarni alohida kiritish lozim.

Ushbu funksiya soliq organlarida komitent va vositachi soliq bazasini avtomatik aniqlash uchun yaratilgan.

Agar komitent shaxsiy kabinetga vositachilar to‘g‘risidagi ma’lumotlarni yuqoridagi tartibda kiritmasa, vositachi tomonidan realizatsiya qilingan tovarlarning umumiy summasi vositachi soliq bazasida noto‘g‘ri aks etadi.

Tovarlar vositachi shartnomasi asosida realizatsiya qilinganda, vositachi onlayn-NKM va virtual kassa cheklarida ushbu mahsulot nomi ostida komitent STIR/JShShIRini ko‘rsatishi shart.

Komitentning STIR ko'rsatilgan chek ma'lumotlariga asosan, agar komitent o'z vositachisini ro'yxatdan o'tkazgan bo'lsa, chek summasi avtomatik ravishda komitent hisobotida aks ettiriladi. Komitent esa vositachi haqini hisoblab chiqaradi va hisobvaraq-faktura shakllantirish hamda hisobdan hisobga o‘tkazish yo‘li bilan to‘laydi.

Ushbu funksiyani onlayn-NKM yoki virtual kassalarda vositachi mustaqil faollashtiradi yoki dasturini yangilash yuzasidan texnik xizmat ko‘rsatish markazi (TXKM)ga murojaat qilishi mumkin.

Sub-vositachi tomonidan cheklarda ma'lumotlarni aks ettirishi

Тelegram | Facebook | Youtube| Instagram

#11_Noyabr_kasaba_uyushmalari_kuni

11 noyabr – “Kasaba uyushmalari kuni” munosabati bilan O‘zbekiston davlat muassasalari va jamoat xizmati xodimlari kasaba uyushmasi Andijon viloyat Kengashi hamda Andijon viloyati davlat soliq boshqarmasi Birlashgan kasaba uyushmasi hamkorligida “Kasaba uyushmalari faoliyatini rivojlantirish istiqbollari” shiori ostida viloyati davlat soliq boshqarmasi xodimlari bilan ochiq muloqot tashkil etildi.

Ochiq muloqotda tarmoq kasaba uyushmasi Andijon viloyat Kengashi raisi S.Xashimova, viloyat davlat soliq boshqarmasi boshlig‘i birinchi o‘rinbosari Z.Mirzaahmedov, Birlashgan kasaba uyushma qo‘mitasi raisi, qo‘mita a’zolari hamda tuman va shahar boshlang‘ich kasaba uyushma tashkilotlari raislari ishtirok etdilar.

Mazkur ochiq muloqot savol-javob tarzda tashkil etildi va xodimlarni qiziqtirgan mehnat muhofazasi, mehnat qonunchiligi va kasaba uyushmasiga oid savollariga batafsil javob oldilar.

Ochiq muloqot so‘nggida faol qatnashgan ishtirokchilar hamda kasaba uyushmasi a’zolari faxriy yorliq va sovg‘alar bilan taqdirlandilar.

Telegram|Facebook|Instagram|YouTube|

#rasmiy_munosabat

✅Ижтимоий тармоқларда электрон тўлов ташкилотларининг Давлат солиқ қўмитаси билан интеграцияси туфайли уларнинг хизматларида узилишлар кузатилиши мумкинлиги ҳақида хабарлар тарқалди.

Давлат солиқ қўмитаси ушбу хабарларга аниқлик киритган ҳолда қўйидагиларни маълум қилади.

Тўлов тизимлари операторлари ўз тўлов тизимларини онлайн-НКМга мажбурий равишда улаш ва шу орқали солиқ органларининг ахборот тизимларига 2022 йил март ойидан интеграциялашни таъминлаш талаби ўрнатилган.

Ушбу мақсадда тўлов ташкилотлари билан тизимли ишлар амалга оширилиб, жорий йилнинг март ойидан шу кунга қадар 12 маротаба учрашув ташкиллаштирилган.

Аҳоли билан пулли ҳисоб-китобларни амалга оширишда электрон тўлов тизими орқали электрон фискал чек тақдим қилиш тартиби белгиланган.

Хусусан, мавжуд 48 та электрон тўлов ташкилотидан 25 таси фискал маълумотлар операторига интеграцияни тўлиқ якунлаган.

Айтиш жоизки, ҳозирги кунда харидлар учун тўловларни аксарият ҳолларда P2P (картадан картага ўтказиш) қилиш кузатилмоқда.

Мамлакат иқтисодиётини узоқ муддатли ривожлантириш борасида кенг кўламли ислоҳотлар амалга оширилаётган шароитда ахборот технологиялари воситасида истеъмолчилар, тадбиркорлик субъектлари ва давлат солиқ хизмати органларининг уйғунлашган фаолияти алоҳида аҳамият касб этади.

Рақамлаштириш билан боғлиқ амалий тажриба иқтисодий фаолликни ошириш ва қонуний фаолиятни амалга ошираётган тадбиркорларни ҳимоя қилиш таъминланганлигини кўрсатди.

Ўтган йилнинг мос даврига нисбатан харид чеклари сони 185%га харид суммаси эса 176% га ошди. Бу рақамларни яширин иқтисодиётни соядан чиқариш натижалари деб қайд этиш мумкин.

Шу ўринда 1,5 млн нафардан ошиқ фуқаролар ҳуқуқлари кафолатланиши таъминланди (ярим трлн сўм дан ортиқ кешбэк тўланди).

Тelegram |Facebook |Youtube| Instagram |Twitter