#uchrashuv

Soliq qo‘mitasi qulay ishbilarmonlik muhiti va biznesni qo‘llab-quvvatlash bo‘yicha uchrashuvlar o‘tkazdi

Soliq organlari tomonidan ishni “mahallabay” va “korxonabay” shaklida manzilli tashkil etilishi, soliq toʻlovchilarga qonunchilikka rioya etish va soliq majburiyatlarini bajarishga koʻmaklashish natijasida bugungi kunda 71 387 nafar soliq toʻlovchining tovar aylanmasi 30 foizdan ortiqqa oʻsdi.

Mahalliy budjetlarning daromadi boʻlgan mol-mulk va yer soliqlari tushumi oʻtgan 11 oyda oʻtgan yilning mos davriga nisbatan 28 foizga oʻsdi.

Har bir tadbirkor, fuqaro birgina mobil qurilma (smartfon) orqali “Soliq” mobil ilovasidagi "Soliq biznes" xizmatidan foydalanib, dunyoning qaysi burchagida boʻlishidan qatʼiy nazar, majburiyatini bajarishi, rahbar yoki taʼsischi butun boshli biznesi buxgalteriyasi qanday ishlayotganligini kuzatib borishi, qonuniy ishlayotgan biznes hamkorlarni tanlashi mumkin. Ushbu ilovadan birgina joriy yilning oʻzida 862,1 mln marta foydalanildi.

Raqamli islohotlar natijasida biznes subyektlarining “yashovchanlik” darajasi 3 yildan ortiq faoliyat koʻrsatayotgan ulushi 72 foizga yetdi.

Shuningdek, joriy yilning 1-dekabr holatiga faoliyat koʻrsatayotgan jami xoʻjalik subyektlari soni 561,9 mingtaga, yakka tartibdagi tadbirkorlar soni 290,1 ming nafarga yetdi. 4,3 mln nafardan ortiq fuqarolarimiz oʻzini oʻzi band qilish tizimi orqali mehnat qilishning qonuniy yoʻliga oʻtdi.

Birgina yengil avtomobilda yoʻlovchi tashish faoliyatining oʻzini oʻzi band qilgan shaxslar faoliyat turlariga kiritilishi natijasida ilgari yashirin ishlagan 520,9 mingga yaqin taksi xizmati legallashtirildi.

Тelegram |Facebook |Youtube| Instagram |X| Threads