#uchrashuv #jamoatchilik_kengashi

Normativ-huquqiy hujjat loyihalari tadbirkorlar bilan muhokama qilindi

Savdo-sanoat palatasida Prezident huzuridagi Tadbirkorlikni qo‘llab-quvvatlash bo‘yicha jamoatchilik kengashi va ekspert guruhlarining yig‘ilishi bo‘lib o‘tmoqda.

Yig‘ilishda Soliq qo‘mitasi Raisi Sherzod Kudbiyev va tuzilma rahbarlari ishtirok etmoqda.

Unda tadbirkorlikka oid 6 ta normativ huquqiy-hujjat loyihalari muhokama qilinmoqda, jumladan:

◾️O‘zbekiston Respublikasi Prezidentining “Mahalla darajasida tashkil etilgan soliq maʼmuriyatchiligi samaradorligini oshirish chora-tadbirlari to‘g‘risida”gi Qaror loyihasi;

◾️Vazirlar Mahkamasining “Vazirlar Mahkamasining 2021-yil 3-avgustdagi 485-son qarori bilan tasdiqlangan Ko‘chma savdoni amalga oshirish tartibi to‘g‘risidagi nizomga qo‘shimcha kiritish haqida”gi Qaror loyihasi;

◾️Vazirlar Mahkamasining 2020-yil 14-avgustdagi 489-son qarori bilan tasdiqlangan “Qo‘shilgan qiymat solig‘i summasi o‘rnini qoplash tartibi to‘g‘risida”gi Nizomga o‘zratirish kiritish to‘g‘risidagi Qaror loyihasi va boshqa hujjat loyihalari kun tartibiga kiritilgan.

Shuningdek, Prezidentning 2024-yil 27-dekabrdagi PF-229-sonli farmoni bilan belgilangan topshiriq ijrosini taʼminlash maqsadida savdo va umumiy ovqatlanish korxonalarini qo‘llab-quvvatlash bo‘yicha takliflar tinglanmoqda.

Soha mutaxassislari takliflarini olish va loyihalarni yanada takomillashtirish maqsadida tashkil etilgan tadbir qizg‘in bahs-munozaralarga boy kechmoqda.

Тelegram |Facebook |Youtube| Instagram |X| Threads

#korrupsiya #uchrashuv

Hammamiz yagona kuch bo‘lib harakat qilsak, albatta, katta ijobiy samaragа erishamiz.

Korrupsiyaga qarshi kurashish bo‘yicha Milliy kengash yig‘ilishida Prezidentimiz korrupsiyaga qarshi kurashish va yashirin iqtisodiyotning qisqartirilishi yuzasidan aniq vazifalarni belgilab berdilar.

Bugun Bosh prokuratura va Soliq qo‘mitasi soliq tushumlarini oshirish, yashirin daromad manbalarini aniqlash hamda soliq tizimida shaffoflikni ta’minlash bo‘yicha topshiriqlar ijrosi yuzasidan yig‘ilish o‘tkazdi. Prezidentimiz ta’kidlaganlaridek,

Yashirin iqtisodiyotga qarshi kurashish — adolatni ta’minlashning asosiy shartlaridan biri.

Mazkur vazifalarni amalga oshirish maqsadida Ishchi guruh tuzildi. Bu guruh soliq ma’murchiligini takomillashtirish va yashirin iqtisodiyotga qarshi kurashishda tizimli chora-tadbirlarni ishlab chiqib, ularning ijrosini ta’minlaydi.

Shuningdek, Ishchi guruhning faoliyati doirasida belgilangan muddatlarda hisobot berish hamda qonunbuzarliklarni bartaraf etish bo‘yicha aniq mexanizmlar joriy etiladi.

Тelegram |Facebook |Youtube| Instagram |X| Threads

#uchrashuv

Ayni vaqtda farmatsevtika korxonalari bilan ochiq muloqot o‘tkazilmoqda. Unda Soliq qo‘mitasi raisi Sherzod Кudbiyev, Raqobatni rivojlantirish va isteʼmolchilar huquqlarini himoya qilish qo‘mitasi raisi Halilіllo Turaxo‘jayev, Savdo-sanoat palatasi raisi Davron Vahobov, Bojxona qo‘mitasi Raisi o‘rinbosari Nodir Musamuxamedov va Prezident huzuridagi Jamoatchilik kengashi aʼzolari ishtirok etmoqda.

Yig‘ilishda farmatsevtika sohasidagi tadbirkorlar faoliyatida duch kelayotgan dolzarb masalalar muhokama qilinmoqda. Qayd etilganidek, ularning yechimi soha rivoji, davlat organlari bilan o‘zaro hamkorlikni yaxshilash, iste’molchilarni sifatli va arzon dori vositalari bilan ta’minlashda muhim ahamiyat kasb etadi.
_____
#встреча

В эти минуты проходит открытый диалог с фармацевтическими компаниями. В нем принимают участие председатель Налогового комитета Шерзод Кудбиев, председатель Комитета по развитию конкуренции и защите прав потребителей Халилилло Турахужаев, председатель Торгово-промышленной палаты Даврон Вахабов, заместитель председателя Государственного Таможенного комитета Нодир Мусамухамедов и члены Общественного совета при Президенте.

На встрече обсуждаются актуальные вопросы, с которыми сталкиваются предприниматели фармацевтической отрасли. Как отмечалось, их решение имеет большое значение для развития сферы, улучшения взаимодействия с государственными органами и обеспечения потребителей качественными и доступными медикаментами.

Тelegram |Facebook |Youtube| Instagram |X| Threads

#uchrashuv #markirovka

Tadbirkorlar referent narx shakllantirish, majburiy raqamli markirovka qoidalarini buzganlik uchun jarimalar qo‘llash, tovar qoldiqlarini realizatsiya qilish, onlayn-NKTdan foydalanish va boshqa masalalarni muhokama qilishdi.

Maʼlumki, Soliq qo‘mitasida real vaqt rejimida isteʼmolchilarga berilgan fiskal cheklar asosida dori vositalari aylanmasi haqida maʼlumot mavjud.

Uchrashuvda tadbirkorlarga cheklarni shakllantirishda yo‘l qo‘yilayotgan xatolar va ularning oqibatlari aniq misollar bilan ko‘rsatib berildi.

Alohida eʼtibor soliq to‘lashdan qochish yashirin iqtisodiyotning rivojlanishiga xizmat qilib, halol tadbirkorlar uchun teng bo'lmagan sharoitlarni yuzaga keltirib, adolatli raqobatga zarar yetkazishi masalasiga qaratildi.

Soliq organlari tadbirkorlar bilan muloqotga doim ochiqligi va tadbirkorlarning takliflarini hisobga olishga tayyorligi taʼkidlandi. Shu bilan birga, bozorning barcha ishtirokchilari qonun talablariga rioya qilishlari shart ekani qayd etildi.

Bildirilgan fikrlar asosida soliq qonunchiligini takomillashtirish va soliq maʼmurchiligini yaxshilash bo‘yicha takliflar tayyorlanadi.

Ishtirokchilar bunday uchrashuvlar davlat va tadbirkorlar manfaatlari o‘rtasida muvozanatni taʼminlashga xizmat qiluvchi yechimlarni topishga yordam berishini taʼkidlashdi.
__________
#встреча #маркировка

Предприниматели подняли вопросы референтного ценообразования, применения штрафов за нарушение правил обязательной цифровой маркировки товаров, реализации остатков товаров, использовании онлайн-ККТ и другие темы.

Как известно, в Налоговом комитете в режиме реального времени доступна информация об обороте лекарственных средств на основе выданных покупателям фискальных чеков.

На встрече предпринимателям наглядно продемонстрировали примеры ошибок, допускаемых при формировании чеков, а также разобрали их последствия.

Особое внимание было уделено тому, как уклонение от уплаты налогов способствует развитию теневого рынка, создает неравные условия для добросовестных участников и подрывает справедливую конкуренцию.

Была подчеркнута открытость налоговых органов к регулярному диалогу с бизнесом и готовность учитывать предложения предпринимателей. При этом отмечено, что соблюдение требований законодательства остается обязательным для всех участников рынка.

На основе высказанных мнений будут подготовлены предложения по изменению налогового законодательства и улучшению налогового администрирования.

Участники отметили, что такие встречи помогают находить решения, которые обеспечивают баланс между интересами государства и предпринимателей.

Тelegram |Facebook |Youtube| Instagram |X| Threads

#uchrashuv

Oltin qidiruvchilar bilan uchrashuv o‘tkazildi

Bugun Tog‘-kon va geologiya vazirligida qimmatbaho metallar bilan ishlaydigan tadbirkorlar, "oltin izlovchilar" bilan ochiq muloqot o‘tkazildi. Unda Soliq qo‘mitasi raisi Sherzod Kudbiyev, Savdo-sanoat palatasi raisi Davron Vaxabov hamda Tog‘-kon va geologiya vaziri Bobir Islomov ishtirok etdi.

Ushbu uchrashuv Prezidentimiz raisligida o‘tkazilgan mahalliy sanoatni qo‘llab-quvvatlashga oid yig‘ilishda berilgan topshiriqlar ijrosini ta’minlash maqsadida tashkil etildi.

Davlat rahbari mamlakatimizda har yili katta miqdorda oltin qazib olinayotganiga qaramay, mavjud imkoniyatlar to‘liq ishga solinmayotganini ta’kidlagan edi.

Shu munosabat bilan, "soyada" faoliyat yuritayotgan ishlab chiqaruvchilarni rasmiylashtirish, yakka tadbirkorlarga tilla buyumlari bilan chakana savdo qilishga ruxsat berish, milliy zargarlik brendlarini yaratish va xorijiy mutaxassislarni jalb etishga doir masalalar muhokama qilindi. Bu uchrashuv hafta boshida chakana savdo bilan shug‘ullanuvchi tadbirkorlar bilan bo‘lib o‘tgan muloqotning mantiqiy davomi bo‘lib, bu gal xomashyo yetkazib beruvchilar bilan alohida fikr almashildi.

Muloqot davomida sohadagi tadbirkorlarni qo‘llab-quvvatlash, ishlab chiqaruvchilarni xomashyo bilan ta’minlash, ruxsatnoma berish jarayonlarini soddalashtirish va nazoratni raqamlashtirish bo‘yicha amaliy takliflar bildirildi. Uchrashuv sohani rivojlantirish va mavjud muammolarni hal etishda yana bir muhim qadam bo‘ldi.

#uchrashuv

Samarqandda barqaror energiya taʼminoti va soliq imtiyozlari samarasi oʻrganildi

Soliq qoʻmitasi Raisi Sherzod Kudbiyevning Samarqand viloyatiga tashrifi doirasida Kattaqoʻrgʻon tumanida barqaror elektr taʼminoti, energiya samaradorligini oshirish va qayta tiklanadigan energiya manbalarini joriy etish yuzasidan amalga oshirilayotgan ishlar tahlil etildi.

Tashrif doirasida aholini uzluksiz va barqaror elektr energiyasi bilan taʼminlash holati oʻrganilib, bu borada koʻrilayotgan chora-tadbirlar, jumladan, infratuzilmani yangilash va tarmoqdagi yoʻqotishlarni kamaytirishga qaratilgan ishlar muhokama qilindi.

Shuningdek, hududlarda joriy etilayotgan yangi energiya nazorat tizimi — transformatorlar holati va ularga ulangan xonadonlar hisobini yuritish imkonini beradigan elektron platforma haqida atroflicha maʼlumot berildi. Bu tizim orqali elektr energiyasidan foydalanish nazoratini kuchaytirish, shaffoflikni taʼminlash va kamchiliklarni aniqlash imkoni yaratiladi.

Bunday tahlil va oʻrganishlar hududdagi energetika infratuzilmasini yaxshilash, qayta tiklanadigan manbalarni joriy etishdagi ijtimoiy-iqtisodiy mexanizmlarni yanada takomillashtirishga xizmat qilishi shubhasiz.

Тelegram |Facebook |Youtube| Instagram |X| Threads