#Savol_javob
#Barqarorlik_reytingi

✍️Tadbirkorlik subyektlari tomonidan “Temir daftar”, “Ayollar daftari”, “Yoshlar daftari” va ijtimoiy reyestrdagi shaxslar, shuningdek, nogironligi bo‘lgan shaxslar bandligi ta’minlanganligi aniqlanadi.

Bunda, tadbirkorlik subyektlari tomonidan jami ishchi-hodimlari sonini 10 foizidan 20 foizigacha “Temir daftar”, “Ayollar daftari”, “Yoshlar daftari”dagi, ijtimoiy reyestrdagi va nogironligi bo‘lgan shaxslar bandligi ta’minlanganda – 5 ball beriladi.

Agar tadbirkorlik subyektlari tomonidan jami ishchi-hodimlari sonini 20 foizidan yuqorisi “Temir daftar”, “Ayollar daftari”, “Yoshlar daftari”dagi, ijtimoiy reyestrdagi va nogironligi bo‘lgan shaxslar bandligi ta’minlangan bo‘lsa – 10 ball beriladi.

Shuningdek, Yer maydonlari va mulk huquqi yoki ijara huquqi asosida ko‘chmas mulk obyektlari mavjudligi (ijara shartnomalari hisobga qo‘yilganligi) aniqlanadi.

Yer maydonlari va ko‘chmas mulk obyektlari:

🔹o‘ziniki bo‘lsa – 10 ball;
🔹ijara shartnomasi bo‘yicha – 7 ball beriladi.

Agarda egaligida ham ijarada ham mavjud bo‘lmaganda, shuningdek ko‘rsatilgan manzilda faoliyat yuritmayotganligi aniqlansa – 5 ball chegiriladi. Reytingni aniqlashda shu kabi bir qator mezonlar nazarda tutilgan.

Telegram|Facebook|Instagram|YouTube|

#Savol_javob
#Deklaratsiya

❗️Soliq to'lovchilarning O‘zbekiston Respublikasining professional va oliy ta’lim tashkilotlarida o‘zining yoki farzandining, shuningdek 26 yoshga to‘lmagan turmush o‘rtog‘ining ta’lim olishi uchun yo‘naltirilgan (to‘langan) ish haqi va boshqa daromadlari summasi soliqqa tortilmaydigan daromadlar sirasiga kiradi.

Mazkur imtiyoz o‘qish uchun tijorat banklari tomonidan ajratilgan ta’lim kreditlarini (foizlari bilan) qoplashga nisbatan ham qo‘llaniladi.

Soliq to‘lovchi jismoniy shaxslar mazkur imtiyozdan quyida keltirilgan ikki xil usulda foydalanishlari mumkin:

🔹Birinchisi, jismoniy shaxs mehnat qilayotgan tashkilot rahbariga ariza bilan murojaat qilib, daromadlarining bir qismini ushlab, professional yoki oliy ta’lim muassasi hisobiga o‘tkazib berilishini so‘raydi. Tashkilot buxgalteriya bo‘limi xodimning arizasi asosida ushlab qolingan summani to‘g‘ridan-to‘g‘ri ta’lim muassasasining hisob raqamiga o‘tkazib beradi va ushbu summani xodimning soliq solinmaydigan daromadlariga tarkibiga olib boradi va soliq ushlanmaydi.

🔹Ikkinchisi, agarda professional yoki oliy ta’lim muassasasiga to‘lovlar bevosita xodim tomonidan amalga oshirilgan bo‘lsa (O‘zbekiston Respublikasi hududida olingan ish haqi va boshqa daromadlar hisobidan), soliq to‘lovchi soliq imtiyozidan yil yakunlari bo‘yicha keyingi yilning 1-aprelidan kechiktirmay taqdim etiladigan deklaratsiya asosida soliq imtiyozlaridan foydalanish huquqiga ega.

Deklaratsiya soliq to‘lovchining yashash joyidagi soliq idorasiga bevosita tashrif buyurish orqali yozma ravishda yoki my.gov.uz portali orqali elektron ko‘rinishda taqdim etilishi mumkin. Taqdim etilgan deklaratsiya asosida hisoblab chiqilgan imtiyoz summasi soliq to‘lovchining hisob raqamiga (plastik kartasiga) o‘tkazib beriladi.

Telegram|Facebook|Instagram|YouTube|X|

#savol_javob

❓Men uyimda turli xildagi meva-sabzavot mahsulotlarini yetishtiraman. Ushbu yetishtirayotgan mahsulotlarimni eksportyor korxonalarga sotsam, olgan daromadimdan soliq to‘laymanmi

Uy xoʻjaligida, shu jumladan dehqon xoʻjaligida yetishtirilgan mahsulotlarni tabiiy va qayta ishlangan holda sotishdan olinadigan daromadlar jismoniy shaxslardan olinadigan daromad soligʻidan ozod etilgan.
*manzarali bogʻdorchilik (gulchilik) mahsulotlari bundan mustasno
👉Soliq kodeksi 378-modda 8-qism

Shuningdek, eksportyor korxonalar meva-sabzavot mahsulotlarini keyinchalik eksport qilish uchun jismoniy shaxslardan sotib olganda, JSHODS boʻyicha imtiyozlar jismoniy shaxslar tomonidan sotilgan mahsulotlar ularga yoki ularning oila aʼzolariga ajratilgan yer uchastkalarida yetishtirilganini tasdiqlovchi hujjat taqdim etilmasdan qoʻllanilishi belgilangan.

Shunga muvofiq, Siz olgan daromadingizdan jismoniy shaxslardan olinadigan daromad soligʻi to‘lamaysiz.
*ushbu dehqonchilik mahsulotlarini boshqa shaxslardan xarid qilib uni keyinchalik boshqa shaxslarga qayta sotish holatlari bundan mustasno
👉“Meva-sabzavot mahsulotlarini eksport qilish tartibi toʻgʻrisida”gi nizomning 7-bandi

Тelegram |Facebook |Youtube| Instagram |X| Threads