#mol_mulk_soligi
#imtiyoz

Qaysi jismoniy shaxslar mol-mulk solig'ini to'lashdan to‘liq ozod qilingan?

🔹“O‘zbekiston Qahramoni”, Sovet Ittifoqi Qahramoni, Mehnat Qahramoni unvonlariga sazovor bo‘lgan, uchala darajadagi “Shuhrat” ordeni bilan taqdirlangan fuqarolar;
🔹urush nogironlari va qatnashchilari;
🔹harbiy xizmat yoki ichki ishlar organlaridagi va O‘zbekiston Respublikasi Milliy gvardiyasidagi xizmatning boshqa majburiyatlarini bajarish chog‘ida yaralanganligi, kontuziya yoki mayib bo‘lganligi oqibatida yoxud frontda bo‘lish bilan bog‘liq kasallik tufayli halok bo‘lgan harbiy xizmatchilarning hamda ichki ishlar organlari va O‘zbekiston Respublikasi Milliy gvardiyasi xodimlarining ota-onalari hamda beva xotinlari (beva erlari). Beva xotinlarga (beva erlarga) soliq imtiyozi faqat ular yangi nikohdan o‘tmagan taqdirda beriladi;
🔹energiya resurslarining amaldagi tarmoqlaridan to‘liq uzib qo‘yilgan turar joylarda qayta tiklanadigan energiya manbalaridan foydalanuvchi shaxslar qayta tiklanadigan energiya manbalari o‘rnatilgan oydan e’tiboran uch yil muddatga;
🔹yetim bolalar va ota-ona qaramog‘idan mahrum bo‘lgan bolalar. Mazkur imtiyoz yetim bolalarga va ota-ona qaramog‘idan mahrum bo‘lgan bolalarga davlat tomonidan ajratiladigan uy-joy uchun ular 23 yoshga to‘lguniga qadar amal qiladi.

Kimlar mol-mulk solig'ini to'lashdan qisman ozod qilingan?

Quyidagi jismoniy shaxslarning mulkida bo‘lgan mol-mulk 60 kv.m doirasida soliq solishdan ozod qilingan:

🔸10 nafar va undan ortiq bolalari bor ota-onalaridan biri;
🔸pensionerlar;
🔸I va II guruh nogironligi bo‘lgan shaxslar.

Yuqorida ko‘rsatilgan shaxslar soliq imtiyozini olishga bo‘lgan huquqini tasdiqlovchi hujjatlarni soliq solish obyekti joylashgan erdagi soliq organlariga mustaqil ravishda taqdim etadi.

Soliq imtiyozlari mulkdorning tanloviga ko‘ra faqat 1 yashash uchun mo‘ljallangan ko‘chmas mulk obyektiga tatbiq etiladi, qayta tiklanadigan energiya manbalaridan foydalanuvchi shaxslar bundan mustasno.
👉 Soliq kodeksi 421-modda

Тelegram |Facebook |Youtube| Instagram |X| Threads

#munosabat

⏺Ayni daqiqalarda "O‘zbekiston" telekanalida "Munosabat" ko‘rsatuvining Tadbirkorlarning barqarorlik reytingi joriy etilishiga bag‘ishlangan navbatdagi soni jonli efirga uzatilmoqda.

👉 Jonli efir havolasi

Тelegram |Facebook |Youtube| Instagram |X| Threads

#soliq_taqvimi

🗓 Eslatma ❗️2024-yil 7-mart

fevral oyi uchun:

- natura holida toʻlangan daromadlar boʻyicha JShODSni va SHJBPHga majburiy badallarni toʻlashning oxirgi kuni
(Soliq kodeksi 390-modda 2-qism, 06.10.2005-yildagi 1515 raqamli nizomning 7-bandi).

Telegram|Facebook|Instagram|YouTube|

#soliq_tushumlari

Yanvar oyida yirik korxonalar 9 trln so‘mga yaqin soliq to‘ladi

▪️4,6 trln so‘mi davlat ulushi mavjud TOP-10 ta;
▪️716 mlrd so‘mi xususiy sektordagi TOP-10 yirik soliq to‘lovchilar hisobiga to‘g‘ri keladi.

Тelegram |Facebook |Youtube| Instagram |X| Threads

#hayat

Hayʼat majlisi: erishilgan natijalar tahlil qilindi va galdagi vazifalar belgilab olindi

Soliq qo‘mitasi raisi rahbarligida, joriy yil I choragi, jumladan fevral oyi prognoz ko‘rsatkichlari ijrosi hamda mart oyidagi vazifalarga bag‘ishlangan navbatdan tashqari hayʼat majlisi bo‘lib o‘tdi.

Unda markaziy apparat hamda hududiy soliq boshqarmalari boshliqlari (videokonferensaloqa orqali) ishtirok etdi.

Taʼkidlanganidek, soliq tushumlari bo‘yicha joriy yilning yanvar-fevral oylarida budjetga 28 068 mlrd so‘m (fevral oyida 14 306,3 mlrd so‘m) soliq tushumlari taʼminlanib, o‘tgan yilning mos davriga nisbatan 11 % o‘sdi.

Daromadlarni oshirish bo‘yicha ko‘rilayotgan chora-tadbirlar natijasida o‘tgan yilning mos davriga nisbatan yer solig‘i bo‘yicha tushumlar 44 % (+369 mlrd so‘m), mol-mulk solig‘i 35% (+273 mlrd so‘m), yer qaʼridan foydalanganlik uchun soliq 29 % (+697 mlrd so‘m), JShODS 23% (+976 mlrd so‘mga), AOS 19 % (+64 mlrd so‘m) o‘sdi.

Yanvar-fevral oylarida Pensiya jamg‘armasi daromadlari 7,1 trln so‘mni tashkil qilib, o‘tgan yilning mos davriga nisbatan 937,3 mlrd so‘mga (15%) oshdi.

Shuningdek, “Mahallabay” ishlash tizimi doirasida inspektorlar faoliyati ham tahlil qilindi.

Joriy yilning fevral oyida 1 119 nafar inspektorning samaradorlik ko‘rsatkichi (KPI) 90 ball va undan yuqori bo‘lgan, shundan 496 nafari 95-100 ballik natijaga erishgan.

“Mahallalarda soliq organlari faoliyati” axborot tizimi maʼlumotlariga asosan samaradorlik ko‘rsatkichlari (KPI) 90 ball va undan yuqori bo‘lgan 1 650 nafar rahbar va xodimlar rag‘batlantirildi.

Bundan tashqari, soliq to‘lovchilarga xizmat ko‘rsatish, QQS maʼmurchiligi yo‘nalishlarida o‘z vazifalarini aʼlo darajada bajargan xodimlarga ham mukofot pullari berildi.

Shu bilan birga, biriktirilgan hududida yetarli ishlar tashkil etmagan 69 nafar rahbar va xodimlarga nisbatan tegishli tartibda intizomiy jazo choralari qo‘llanildi. Shuningdek, 17 nafar xodim bilan tuzilgan mehnat shartnomasi bekor qilindi.

Majlisda mart oyi, jumladan I chorak prognoz ko‘rsatkichlarini to‘liq taʼminlashga qaratilgan aniq chora-tadbirlar belgilab olindi.

Тelegram |Facebook |Youtube| Instagram |X| Threads

#qonunchilikdagi_yangiliklar

O‘zini o‘zi band qilgan shaxslar faoliyat turi yana bittaga ko‘payadi

“Aholi xonadonlarida sanoat usulida mahsulot ishlab chiqarishni qo‘llab-quvvatlash hamda tomorqa va dehqon xo‘jaliklarida yangi zaxiralarni ishga solishga doir chora-tadbirlar to‘g‘risida”gi Prezident Qarori qabul qilindi
👉 PQ-115-son, 05.03.2024 y.

Qarorga ko‘ra,
Xonadonlarda biogumus tayyorlash faoliyati o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxatiga kiritiladi.

Тelegram |Facebook |Youtube| Instagram |X| Threads