#onlayn_NKM

✅Hurmatli soliq to‘lovchilar❗️

2023-yil 1-yanvardan:
❇️QQS stavkasi 12 %ga tushirildi. Shu sanadan onlayn nazorat-kassa texnikasi (Onlayn-NKT) cheklarida QQS stavkasi 15%dan 12 %ga oʻzgartirilishi lozim.
👉OʻRQ-812-son 30.12.2022

❇️Onlayn-NKT va virtual kassalar quyidagi talablarga javob berishi lozim:
▫️real vaqt rejimida avtomatlashtirilgan kuzatish tizimi (GPS) bilan jihozlangan boʻlishi;
▫️chek maʼlumotlari bilan joylashgan joyi boʻyicha geolokatsiya maʼlumotlarni operatorga yuborish;
▫️elektron toʻlov tizimlaridan foydalanilganda majburiy ulanishi;
▫️shtrix-kodlar va raqamli markirovka kodlarini toʻgʻri oʻqish va aniqlash maxsus qurilmalariga ega boʻlishi;
▫️MXIK toʻgʻrisidagi maʼlumotlarni real vaqt rejimida xotirasiga yuklash;
▫️bank kartalari orqali toʻlovlarni qabul qilish.
👉VMQ-943 23.11.2019

📤Yuqoridagilarni inobatga olib, tadbirkorlik subyektlariga foydalanayotgan onlayn-NKT xotirasidagi maʼlumotlarni meyoʼriy hujjatlarda belgilangan talablarga moslashtirish lozimligi yuzasidan xabarnomalar yuborildi.

Тelegram |Facebook |Youtube| Instagram |Twitter

#onlayn_seminar #foyda_soligi

✅Xalqaro yo‘nalishlarda yuk tashuvchi – logistika korxonalari foyda solig‘i bo‘yicha "0 % stavka" qo‘llashi mumkinmi?

Тelegram |Facebook |Youtube| Instagram |Twitter

#onlayn_seminar #QQS #AOS

✅QQS to‘lovchilari AOS to‘lash rejimiga qaytib o‘tishlari mumkinmi❓

Тelegram |Facebook |Youtube| Instagram |Twitter

#qonunchilikdagi_yangiliklar #foyda_soligi

✅Foyda solig‘i bo'yicha qonunchilikka kiritilgan o‘zgarishlar

🔸Quyidagi toifadagi soliq to‘lovchilar uchun foyda solig‘i stavkasini 50% ga pasaytirish huquqi beriladi:

а) 2022-yil 1-sentabrdan keyin birinchi marta foyda solig‘ini to‘lashga o‘tgan AOS to‘lovchilarga – soliq to‘lovchi soliq to‘lashga o‘tgan yildan keyingi bitta soliq davri davomida, basharti pasaytirilgan soliq stavkasi qo‘llanadigan soliq davrida soliq to‘lovchining jami daromadi 10 mlrd so‘mdan oshmagan bo‘lsa.
Bunda mazkur soliq to‘lovchilar soliq bazasini soddalashtirilgan tartibda jami daromadning 25 %i miqdorida belgilashga haqli;

b) 2022-yil 1-sentabrdan keyin joriy soliq davri davomida jami daromadi 1- marta 10 mlrd so‘mdan oshgan soliq to‘lovchilarga – basharti pasaytirilgan soliq stavkasi qo‘llanadigan soliq davrlarida jami daromad 100 mlrd so‘mdan oshmagan bo‘lsa, joriy soliq davri va keyingi soliq davri davomida.

Pasaytirilgan soliq stavkasi yer qa’ridan foydalanganlik uchun soliqni va aksiz solig‘ini to‘lovchilarga nisbatan, shuningdek soliq to‘lovchi tugatilgan va (yoki) pasaytirilgan soliq stavkasini qo‘llash uchun soliq to‘lovchining tovarlarni (xizmatlarni) realizatsiya qilishdan olgan daromadlarini ikki va undan ortiq tadbirkorlik subyektlari o‘rtasida taqsimlash (bo‘lish) dalillari aniqlangan taqdirda qo‘llanilmaydi.

🔸Foydali qazilmalar kavlab olinadigan konlarda tog‘ jinslarini olib tashlash ishlari istiqbolni ko‘zlab amalga oshirilishini inobatga olgan holda, ular alohida amortizatsiya aktivlari guruhiga o‘tkazildi. Ushbu xarajatlar mazkur amortizatsiyalanadigan aktiv bo‘yicha amortizatsiya normasini, biroq 1 yilda jamg‘arilgan xarajatlar summasining 33 foizidan ortiq bo‘lmagan miqdorda, qo‘llash orqali soliq to‘lovchining jami daromadidan amortizatsiya ajratmalari ko‘rinishida chegirilishi nazarda tutilgan.

🔸2022-yildan faoliyatni doimiy muassasa orqali amalga oshiruvchi norezident tasarrufida soliq to‘langanidan keyin qoladigan sof foyda dividendlarga tenglashtirilgan va unga 10% miqdoridagi soliq stavkasi bo‘yicha soliq solinishi lozim bo‘lgan.
Faoliyatni doimiy muassasa orqali amalga oshiruvchi norezident dividendlar ko‘rinishidagi daromadlar bo‘yicha O‘zbekiston Respublikasining xalqaro shartnomasida nazarda tutilgan pasaytirilgan soliq stavkasini qo‘llashga haqli ekanini nazarda tutuvchi aniqlashtirish kiritildi. Dividendlar ko‘rinishidagi daromadlar bo‘yicha soliq solish masalalariga doir O‘zbekiston Respublikasining xalqaro shartnomasida bir nechta pasaytirilgan soliq stavkasi nazarda tutilgan bo‘lsa, ularning eng past bo‘lgani qo‘llaniladi.

🔸2023-yil 1-yanvardan norezidentning montaj qilish va (yoki) ishga tushirish-sozlash xizmatlari va boshqa shunga o‘xshash xizmatlarni ko‘rsatishini nazarda tutuvchi asbob-uskunalarni sotib olish (sotish) uchun tashqi savdo kontrakti doirasida, ko‘rsatiladigan xizmatlar qiymati alohida ko‘rsatilmasa, u holda norezidentning soliq solinadigan daromadi bunday xizmatlarning bozor qiymatidan kelib chiqib aniqlanadi (ilgari – asbob-uskunalar qiymatidan 20%).

🔸Foyda solig‘i bo‘yicha avans to‘lovlari summasi to‘g‘risidagi ma’lumotnomani soliq organiga taqdim etish muddati o‘zgartirildi. Xususan, 2023-yil 1-yanvardan soliq to‘lovchi ushbu ma’lumotnomani joriy chorakda olinishi kutilayotgan foyda summasidan kelib chiqib keyingi chorakdagi birinchi oyning 15-sanasigacha (ilgari 10-sanasigacha) taqdim etishga haqli.

Тelegram |Facebook |Youtube| Instagram |Twitter

#e_imtiyoz

✅ Hisobotlarda soliq imtiyozlarini to‘g‘ri va avtomat shakllanishi uchun “E-imtiyoz” orqali murojaat qoldiriladi.

“E-imtiyoz” avtomatlashtirilgan axborot tizimidan:
✔️ yuridik shaxslar;
✔️QQS va AOS to‘lovchilari bo‘lgan YATTlar foydalanadi.

👉 "E-imtiyoz AAT" my.soliq.uz soliq to'lovchi shaxsiy kabinetining «Soliq imtiyozlaridan foydalanish bo‘yicha murojaat» bo'limida joylashgan.
_________________
#e_imtiyoz

✅ Для правильного и автоматического формирования в отчетности налоговых льгот подается заявление в “E-imtiyoz”.

Автоматизированная информационная система “E-imtiyoz” доступна для:
✔️ юридических лиц,
✔️ индивидуальных предприниматели, являющихся плательщиками налога с оборота и НДС.

👉 "АИС E-imtiyoz" расположена в разделе "Обращение по использованию налоговой льготы" в персональном кабинете налогоплательщика my.soliq.uz

Тelegram |Facebook |Youtube| Instagram |Twitter

#EHF

✅ Hurmatli soliq to'lovchilar❗️

Elektr ta'minoti tizimidagi uzilishlar munosabati bilan tadbirkorlik subyektlari tomonidan yo‘llanayotgan murojaatlarni inobatga olgan holda 2022-yil dekabr oyi uchun EHF rasmiylashtirish muddati 2023-yil 19-yanvarga (19-yanvar kuni ham) qadar uzaytiriladi.
__________
#ЭСФ

✅ Уважаемые налогоплательщики❗️

В связи с перебоями в электроснабжении с учетом обращений субъектов предпринимательства срок оформления ЭСФ за декабрь 2022 года продлен до 19 января 2023 года включительно.

Тelegram |Facebook |Youtube| Instagram |Twitter

#yer_soligi

✅Yer solig‘i stavkalarini Soliq qo‘mitasining interaktiv xizmatidan bilib oling

🌐Soliq qoʻmitasining www.soliq.uz rasmiy veb-saytiga “qishloq hoʻjaligi uchun moʻljalanmagan yerlar boʻyicha soliq stavkalari” joylashtirildi 👉 https://soliq.uz/regulations/land-property-tax

Ushbu havolada yuridik va jismoniy shaxslar uchun respublika miqyosida tuman (shahar)larning mahalla va koʻchalari kesimida qishloq hoʻjaligi uchun moʻljallanmagan yerlar boʻyicha bazaviy soliq stavkalari va koeffitsiyentlarini bilib olish mumkin.

👉Yuridik shaxslar yer solig‘i bazaviy stavkalari
👉Jismoniy shaxslar yer solig‘i bazaviy stavkalari

Oynada kerakli hudud tanlanganda tasdiqlangan soliq stavkalarining aniq miqdorlari haqida maʼlumot shakllanadi.

Misol:
Toshkent shahri Mirobod tumani “Bayot MFY”ning 4-zonasida joylashgan korxonaning umumiy yer maydoni 1 100 kv.m. qishloq hoʻjaligi uchun moʻljalanmagan yerlar boʻyicha tasdiqlangan soliq stavkalariga koʻra, ushbu hudud boʻyicha 1 kv.m uchun yer soligʻi stavkasi 9 900 soʻm.
Shundan kelib chiqib, ushbu korxonaga 2023-yil uchun hisoblanadigan yer soligʻi summasi 1 100 x 9 900 = 10 890 000 soʻmni tashkil qiladi.

Тelegram |Facebook |Youtube| Instagram |Twitter

#mol_mulk_soligi

✅2023-yilda yuridik shaxslarning mol-mulkiga solinadigan soliq bo‘yicha bo‘nak to‘lovlari to‘g‘risidagi ma’lumotnoma shakllari

Bo‘nak to‘lovlar to‘g‘risidagi ma’lumotnoma shaklini soliq to‘lovchilar joriy soliq davrining 20-yanvaridan kechiktirmay, yangi tashkil qilinganlari esa, davlat ro‘yxatidan o‘tkazilgan sanadan e’tiboran 30 kundan kechiktirmay ko‘chmas mulk joylashgan yerdagi soliq organlariga taqdim etadi.
👉Soliq kodeksi 417-modda

✅2023-yil uchun yuridik shaxslarning mol-mulkiga solinadigan soliq bo‘yicha bo‘nak to‘lovlari to‘g‘risidagi ma’lumotnoma shakllari my.soliq.uz portaliga joylashtirilgan:
▫️ AOS to‘lovchilar uchun – 10401_29;
▫️ AOS to‘lovchi hisoblanmaydigan soliq to‘lovchilar uchun – 10401_30.

📌O‘zbekiston Respublikasi norezidentlari bo‘lgan yuridik shaxslar bo‘nak to‘lovlari to‘g‘risidagi ma’lumotnoma shaklarini taqdim etishlari talab etilmaydi.

🔹 Yuridik shaxslar mol-mulk solig‘i bo‘yicha bo‘nak to‘lovlarining to‘lash muddatlari:
▫️ AOS to‘lovchi subyektlar uchun – yillik soliq summasining 1/4 qismi miqdorida har chorak 3-oyining 20-kunidan kechiktirmay;
▫️AOS to‘lovchi hisoblanmaydigan subyektlar uchun – yillik soliq summasining 1/12 qismi miqdorida har oyning 10-kunidan kechiktirmay.
📌Bunda yanvar oyi uchun 20-yanvardan kechiktirmay.

Ma'lumot uchun, Yuridik shaxslar tomonidan 2022-yil uchun soliq hisoboti (10403_12) soliq bo‘yicha hisobga olish joyidagi soliq organiga yilda bir marta, 2023-yilning 1- martidan kechiktirmay taqdim etiladi.

👉2023-yilda yuridik shaxslar mol-mulk solig‘i bo‘yicha bo‘nak to‘lovlari to‘g‘risidagi ma’lumotnoma shakllarini to‘ldirish bo‘yicha qo‘llanma

Тelegram |Facebook |Youtube| Instagram |Twitter