#ozini_ozi_band_qilish

Daromadi 100 mln soʻmdan oshgan oʻzini oʻzi band qilgan shaxslar AOS hisobotini qanday topshiradi?

O‘zini o‘zi band qilgan shaxslarning 100 million so‘mgacha bo‘lgan daromadlari soliqqa tortilmaydi.

Soliq davrida tovarlarni realizatsiya qilishdan olingan daromadi 100 million so‘mdan oshgan, lekin 1 mlrd so‘mgacha bo‘lganda AOS to‘lovchi yakka tartibdagi tadbirkor sifatida tan olinadi. Bunda ular soliq organlariga soliq hisobotini taqdim etishi hamda soliqlarni to‘lashi shart.

Agar o‘zini o‘zi band qilgan shaxslar EHF, onlayn-NKT hamda marketpleys orqali daromad olgan bo‘lsa, ushbu daromadlarning 100 mln so‘mdan oshgan qismi AOS hisobotida avtomatik shakllanishi uchun quyidagilarni amalga oshirishi lozim

my.soliq.uz saytidagi “Yakka tartibdagi tadbirkor va oʻzini oʻzi band qilgan fuqarolar uchun” shaxsiy kabinetiga elektron raqamli imzo orqali kiriladi.

U yerdan “Avtomatlashtirilgan aylanmadan olinadigan soliq hisobotiga oʻzgartirish kiritish” soʻngra “Murojaat yuborish” tugmasi bosiladi.

Ochilgan oynadan soliq davri hamda hisobot davri tanlanadi. Satr nomi qatoridan “Qatʼiy belgilangan miqdordagi daromad soligʻi toʻlovchisi boʻlgan davrda olgan daromadi” belgilanadi, shundan soʻng satr kodi hamda summa qatorlari avtomatik shakllanadi.

Soliq turi qatoridan "Aylanmadan olinadigan soliq" tanlanadi. Asoslantiruvchi hujjat sifatida oʻzini oʻzi band qilganlik toʻgʻrisidagi guvohnoma yuklanadi hamda yuborish tugmasi bosiladi.

Shundan soʻng hisobot topshirish jarayoniga oʻtiladi. Buning uchun shaxsiy kabinetdan “Oʻzini oʻzi band qilgan shaxslarning hisobotlari” oynasi undan so‘ng quyidagilar ketma-ketlikda tanlanadi:
👉Elektron shakllar;
👉Aylanmadan olinadigan soliq;
👉Aylanmadan olinadigan soliq hisob-kitobi.

Ochilgan oynadan soliq turi, hisobot turi, yil, davr tanlangach, hisobot shaklida soliq summasi avtomatik shakllanadi so‘ngra joʻnatish tugmasi bosiladi.

Bank hisobraqami mavjud soliq to‘lovchilar shaxsiy kabinetning "O‘zini o‘zi band qilgan shaxslarining soliqlarini to‘lash" bo‘limi orqali soliq to‘lovlarini amalga oshirishi mumkin.

Тelegram |Facebook |Youtube| Instagram |X| Threads

#qonunchilikdagi_yangiliklar

Sayyor soliq tekshiruvlari va soliq auditi qarorlari ustidan to‘g‘ridan-to‘g‘ri sudga shikoyat qilish mumkin

O‘zbekiston Respublikasi Qonuni bilan Soliq kodeksiga o‘zgartirish kiritildi.
👉 O‘RQ-910 20.02.2024

Unga muvofiq, soliq organlarining sayyor soliq tekshiruvlari va soliq auditi natijalari bo‘yicha qabul qilingan qarorlari ustidan tadbirkorlarning to‘g‘ridan-to‘g‘ri sudga shikoyat qilishiga doir cheklovlar bekor qilindi hamda sudga shikoyat qilish imkoniyatlari kengaytirildi.

Qonun rasmiy eʼlon qilingan kundan eʼtiboran kuchga kiradi.

Telegram|Facebook|Instagram|YouTube|

#onlayn_NKT

Yandex Go yo‘lovchilarga naqd puldagi to‘lovi uchun elektron chek berishni boshladi

Onlayn-taksi agregatorlarining soliq organlarining axborot tizimlari bilan integratsiyalashuvi natijasida yo‘lovchi tashish dinamikasi Soliq qo‘mitasi ma’lumotlar bazasida aks etmoqda.

O‘tgan yilning dekabr oyida onlayn-taksi agregatorlari orqali 4,4 mln tashuvlar amalga oshirildi. Yo‘lovchi tashish faoliyati 80,1 ming nafar o‘zini o‘zi band qilgan haydovchi tomonidan amalga oshirilgan. Joriy yil yanvar oyida qatnovlar soni 5 mlnga yetdi. Tashish xizmatlari 113,5 ming nafar o‘zini o‘zi band qilgan haydovchi tomonidan ko‘rsatildi.

Soliq qoʻmitasi boshqa onlayn-taksi agregatorlarining soliq organlari bilan integratsiyalashuvini taʼminlash va toʻlov shaklidan qatʼi nazar, yoʻlovchilarga chek berish boʻyicha ishlarni davom ettirmoqda.

Ma'lumot uchun. “Soliq” mobil ilovasida o‘zini o‘zi band qilgan shaxslar cheklari uchun keshbek hisoblanmaydi.
___________
#онлайн_ККТ

Яндекс Go начал выдавать пассажирам электронные чеки и при оплате наличными

В результате осуществленной интеграции онлайн агрегаторов такси с информационными системами налоговых органов в базе данных Налогового комитета доступна динамика пассажирских перевозок.

Так, в декабре через онлайн-агрегаторы такси было совершено 4,4 млн поездок. Перевозку пассажиров осуществили 80,1 тысяч самозанятых водителей. В январе количество поездок увеличилось до 5 млн. Услуги по перевозке оказали 113,5 тысяч самозанятых водителей.

Налоговым комитетом продолжается работа по обеспечению интеграции с налоговыми органами других онлайн агрегаторов такси и выдачи чеков пассажирам, независимо от формы оплаты.

К сведению. По чекам самозанятых лиц не начисляется кешбэк в мобильном приложении Soliq.

Тelegram |Facebook |Youtube| Instagram |X| Threads

#QQS

1-apreldan suv taʼminoti, kanalizatsiya, sanitariya jihatdan tozalash hamda issiqlik taʼminoti bo‘yicha xizmatlarga QQSning nol darajali stavkasini qo‘llash bekor qilinadi.

Ushbu o‘zgarishlarning ahamiyati hamda tarifga ta'siri haqida Soliq qo‘mitasi mutaxassisi tushuntirish berdi.

Тelegram |Facebook |Youtube| Instagram |X| Threads

#onlayn_NKT

Yandeks Go bergan cheklarni qayerdan ko‘rsa bo‘ladi?

Yaqin kunlarda Soliq mobil ilovasi orqali ham taksi xizmatlari uchun berilgan cheklarni ko‘rish mumkin.

Тelegram |Facebook |Youtube| Instagram |X| Threads

#bilasizmi #onlayn_NKT

❗️Tadbirkorlik subyektlari onlayn nazorat-kassa mashinalari va virtual kassalardan foydalanishi hamda mijozlarga QR-kod va fiskal belgili chek taqdim etishlari shart.

Tovar (ish, xizmat)lar uchun haq toʻlash shakli hamda tartibi isteʼmolchi bilan sotuvchi (ishlab chiqaruvchi, ijrochi) oʻrtasidagi kelishuvga binoan belgilanadi.

To‘lov terminal orqali yoki naqd pulda amalga oshirilishidan qat'iy nazar xaridorga fiskal chek berilishi lozim.
👉PF-5813-son 06.09.2019-yil

Nazorat-kassa texnikasini qo‘llamasdan savdoni amalga oshirganlik va xizmatlar ko‘rsatganlik, xaridorga chek bermasdan tovarlarni realizatsiya qilganlik va xizmatlar ko‘rsatganlik soliq huquqbuzarligi sanaladi va belgilangan tartibda javobgarlikka tortishga asos bo‘ladi.
👉Soliq kodeksi 221-modda
__________
#знаете_ли_вы #онлайн_ККТ

❗️Субъекты предпринимательства обязаны использовать онлайн-ККМ и виртуальные кассы и выдавать покупателям чек с QR-кодом и фискальной отметкой.

Форма и порядок оплаты товаров (работ, услуг) определяются по соглашению между потребителем и продавцом (изготовителем, исполнителем).

Фискальный чек выдаётся покупателю как при оплате наличными, так и через терминал.
👉№ УП-5813 от 06.09.2019 г.

Осуществление торговли и оказание услуг без применения контрольно-кассовой техники, реализация товаров и оказание услуг без выдачи чека покупателю считается налоговым правонарушением и является основанием для привлечения к ответственности в установленном порядке.
👉ст.221 НК РУз

Тelegram |Facebook |Youtube| Instagram |X| Threads

#qonunchilikdagi_yangiliklar

Prezident tomonidan imzolangan Qonun (OʻRQ-911-son, 21.02.2024-y.) bilan ayrim qonun hujjatlariga oʻzgartirish va qoʻshimchalar kiritildi

Qonun bilan Fuqarolik kodeksiga kiritilgan qoʻshimchaga koʻra, jismoniy shaxs pul majburiyatlari boʻyicha kreditorlarning talablarini toʻla hajmda qanoatlantirishga yoki soliqlar hamda yigʻimlar boʻyicha oʻz majburiyatlarini bajarishga qodir boʻlmasa, sud tomonidan toʻlovga qobiliyatsiz deb topilishi mumkin.

Soliq kodeksiga kiritilgan qoʻshimchaga koʻra, toʻlovga qobiliyatsizlik toʻgʻrisidagi ish boʻyicha sud sanatsiyasi yoki tashqi boshqaruv jarayonida yuzaga keladigan barcha turdagi joriy soliq toʻlovlarini toʻlash, sud ajrimi asosida joriy etilgan sud sanatsiyasi yoki tashqi boshqaruv tartib-taomilining muddatida toʻxtatib turiladi. (bundan mehnat shartnomalari (kontraktlari) va fuqarolik-huquqiy xususiyatdagi shartnomalar boʻyicha olingan daromadlar soligʻi, shuningdek ijtimoiy soliq mustasno)

Bu holda sud sanatsiya qiluvchi boshqaruvchining yoki tashqi boshqaruvchining hisobotini tasdiqlagan va toʻlovga qobiliyatsizlik toʻgʻrisida ish yuritishni tugatish haqida ajrim chiqargan sanadan eʼtiboran mazkur soliq qarzlari 6 oy ichida teng ulushlarda boʻlib-boʻlib toʻlanadi.

Shuningdek, bankrot deb topilgan qarzdor yuridik va jismoniy shaxslarning yoki yakka tartibdagi tadbirkorning mol-mulkini sotishdan tushgan mablagʻlarining qarzni toʻlashga yoʻnaltirilgan qismi daromad sifatida hisobga olinmasligi belgilandi.

“Davlat boji toʻgʻrisida”gi qonunga kiritilgan qoʻshimchaga koʻra, sud boshqaruvchisi toʻlovga qobiliyatsizlik toʻgʻrisidagi ish jarayonida oʻz huquq va majburiyatlarini amalga oshirishi uchun daʼvo arizalar hamda boshqa arizalar bilan davlat bojini toʻlamasdan sudga murojaat qilishi mumkin boʻldi.

📌Qonun rasmiy eʼlon qilingan kundan eʼtiboran kuchga kiradi.

Тelegram |Facebook |Youtube| Instagram |X| Threads

#agregator
#onlayn_NKT

Onlayn-taksi agregatorlari cheki shaxsiy kabinetda aks ettiriladi

Onlayn-taksi agregatorlarining soliq organlarining axborot tizimlari bilan integratsiyalashuvi natijasida yo‘lovchi tashish xizmati uchun to‘lovlarga elektron fiskal chek shakllanyapti.

Onlayn-taksi agregatorlari shakllantirilgan cheklarni my3.soliq.uz portalidagi shaxsiy kabineti orqali ko‘rishlari mumkin.

Buning uchun "Yuridik shaxslarning onlayn nazorat kassa texnikalari to‘g‘risida ma'lumot" sahifasiga o'tish va "Chek ma'lumotlari" bo'limida "Taksi agregatori cheklari" menyusini tanlash kerak.

Shundan so‘ng chek turi, fiskal modul raqami, chek berilgan davrni belgilab "Qidirish" tugmasi bosiladi. Belgilangan sanalarda shakllangan barcha cheklar ekranda aks etadi.

Onlayn-taksi agregatorlari orqali faoliyat yuritayotgan haydovchilar ham shaxsiy kabinetida taksi agregatorlari tomonidan tashuvlar uchun shakllantirilgan cheklar haqida ma'lumot olishlari mumkin. Buning uchun “Onlayn-NKT ma’lumotlari” sahifasida “Kunlik komissioner hisoboti” ➡️ “Taksi agregatori cheklari” menyusini tanlash kerak. Shundan so‘ng agregator fiskal moduli, tashish davri belgilanadi. Qidirish natijasida kunlik yoki oylik tashish summalarini ko'rish mumkin.

Тelegram |Facebook |Youtube| Instagram |X| Threads

#soliq_taqvimi

🗓 Eslatma ❗️2024-yil 23-fevral

fevral oyi uchun:

- jami daromadi joriy soliq davridan oldingi soliq davri uchun kiritilgan tuzatishlar hisobga olingan holda 10 mlrd soʻmdan oshadigan foyda soligʻi toʻlovchilari har oylik boʻnak toʻlovlarini toʻlashning oxirgi kuni
(Soliq kodeksi 340-modda 2-qism).

Telegram|Facebook|Instagram|YouTube|

#telegram_bot

“Soliq qonunchiligi” telegram boti

Soliq to‘lovchilarga qulaylik yaratish hamda ularning sohaga oid bilimlarini oshirish maqsadida Soliq qo‘mitasi tomonidan “Soliq qonunchiligi” telegram boti ishlab chiqilgan.

📚 Unda soliqqa oid qonunchilik hujjatlari 30 ta asosiy yoʻnalishga ajratilgan. Har bir yoʻnalishni tartibga soluvchi jami 300 dan ortiq qonunchilik hujjatlari bilan lex.uz saytiga yo‘naltirilgan havola orqali tanishish mumkin.

Botning qulayligi shundaki foydalanuvchi sohaga oid yoʻnalishni tanlaganda havola orqali mazkur yo‘nalish bo‘yicha qabul qilingan qonunchilik hujjatining tegishli bandi ochiladi.

☝️Hurmatli soliq to‘lovchilar, botni yanada takomillashtirish maqsadida o‘z takliflaringizni botning taklif qoldirish menyusiga yozishingiz mumkin.

Тelegram |Facebook |Youtube| Instagram |X| Threads

#markirovka

Xaridorlar Soliq mobil ilovasi orqali mahsulotlarning haqiqiyligini tekshirishi mumkin

Mahsulotlarni noqonuniy olib kirish, ishlab chiqarish va sotish holatlarining oldini olish, alohida turdagi mahsulotlarning qonuniy aylanmasini ta’minlash maqsadida Respublikamzida 2021-yildan boshlab tovarlar bosqichma-bosqich raqamli markirovkalanmoqda.

Bugungi kunda quyidagi mahsulotlar raqamli markirovkalangan holda sotilishi lozim:
👉tamaki va alkogol mahsulotlari;
👉pivo;
👉maishiy texnika;
👉dori vositalari va tibbiy buyumlar.

Ushbu mahsulotlarni xarid qilishda markirovkalanganiga alohida e'tibor bering va uni Soliq mobil ilovasi orqali tekshirishni unutmang. Bu qalbaki va sifatsiz tovarlarga aldanib qolishingizni oldini oladi.

Markirovkani tekshirish uchun Soliq mobil ilovasining "Umumiy xizmatlar" bo‘limidan "Markirovkani tekshirish" tanlanadi. Ochilgan oyna pastki qismidan "Datamatrixni skanerlash" tugmasi bosiladi va kamera mahsulotdagi markirovka kodiga yo‘naltiriladi.

Agar markirovka kodi haqiqiy bo‘lsa:

🔸"Kod haqiqiy" yozuvi;
🔸Mahsulot nomi;
🔸Mahsulot holati (ishlab chiqarilgani, sotuvdaligi yoki sotilganligi);
🔸Qaysi korxona tomonidan qachon ishlab chiqarilgani;
🔸Ulgurji savdo korxonasi qachon sotib olgani;
🔸iste'molchiga qaysi korxona tomonidan qachon sotilgani tog‘risidagi ma'lumotlar ekranda paydo bo‘ladi.

📝"Mahsulot tavsifi" bo‘limi orqali tovar haqida to‘liq ma'lumot olish mumkin.
❌"Kod haqiqiy emas" yozuvi markirovkaning soxtaligini bildiradi.

Yuqoridagi mahsulotlarda markirovka mavjud bo‘lmasa yoki soxta markirovkalangan bo‘lsa Soliq mobil ilovasining "Soliq hamkor" bo‘limi orqali murojaat qoldiring.

❗️Raqamli markirovkalangan mahsulotlar chakana savdosini amalga oshiruvchi tadbirkorlik subyektlari shtrix-kodlar va raqamli markirovka kodlarini to‘g‘ri o‘qishni va aniqlashni ta’minlovchi maxsus qurilmalardan (2D-skanerlar, ma’lumotlarni yig‘uvchi terminallar yoki boshqa turdagi maxsus qurilmalar) foydalanishi lozim.

👉Hammasi raqamli markirovka haqida
👉Markirovka qoidalarni buzish Soliq kodeksining 227-1–moddasiga asosan javobgarlikka sabab bo‘ladi

Тelegram |Facebook |Youtube| Instagram |X| Threads