#mobil_ilova

Soliq mobil ilovasi yangilandi

Soliq mobil ilovasining yangi versiyasida (Android/ iOS yaqin vaqtlarda) bir qator yangilanishlar bo‘ldi

✔️ Quyidagi variantlardan birini tanlagan holda
Jismoniy shaxs kabinetiga kirish mumkin:
– ID karta
– ERI kaliti
– face ID tizimida JShShIR kiritish
– One ID tizimi orqali

✔️Jismoniy shaxslar kabinetida quyidagilar aks etadi:
– mol-mulk va yer solig‘i bo‘yicha qarzdorlik va ortiqcha to‘lov holati haqida ma’lumot;
– egaligidagi ko‘chmas mulk kadastr raqami;
– jismoniy shaxslarga hisoblangan oylik ish haqi va hisoblangan daromad solig‘i.

✔️“Keshbek” va “Soliq hamkor” bo‘limlarining funksiyalari ham takomillashdi:
– asosiy kartani tanlagan holda bir yoki bir nechta bank kartasini biriktirish yoki olib tashlash imkoniyati;
– fiskal belgini kiritish orqali chekni ro‘yxatdan o‘tkazish imkoniyati yaratildi;
– skanerlangan cheklar oylar bo‘yicha guruhlarga ajratiladi bunda hisoblangan mablag‘ miqdori va bank kartasiga o‘tkazish uchun tasdiqlangan summa ko‘rsatiladi;
– “Soliq hamkor” tizimida qo‘shimcha faylni yuklash imkoniyati – amalga oshirilgan xarid haqidagi murojaatni tasdiqlash uchun fotosurat;
– “Soliq hamkor”da murojaatni rad etish sababini tekshirish.

❗️Muhim: iste’molchi keshbekka ega bo‘lishi uchun xarid chekini ro‘yxatdan o‘tkazganda uni avval boshqa foydalanuvchi ro‘yxatdan o‘tkazgan bo‘lsa, haqiqatda xaridni amalga oshirgan shaxs tomonidan ushbu foydalanuvchi ustidan shikoyat yo‘llash imkoyati yaratildi.

❌Bunda bitta foydalanuvchiga nisbatan shikoyatlar soni 15 ta va undan ko‘p bo‘lsa, ushbu foydalanuvchi shubhali xaridor deb hisoblanadi hamda joriy oy uchun to‘plangan keshbeklari bekor qilinadi, chekni ro‘yxatdan o‘tkazish imkoniyati cheklanadi.

“Soliq” mobil ilovasida ERIsiz ijara shartnomalarini hisobga qo‘yish mumkin

Huquqbuzarliklar haqida "Soliq hamkor" orqali xabar bering

O‘zini o‘zi band qilgan shaxslar mobil ilovadan ro‘yxatdan o'tishlari mumkin

Тelegram | Facebook | Youtube| Instagram

#soliq_mamuriyatchiligi

Hududiy va mahalliy soliq ma’muriyatchiligi qanday amalga oshiriladi?

Har bir soliq to‘lovchiga belgilangan soliqlar va yig‘imlarni o‘z vaqtida hamda to‘liq hajmda hisoblab chiqarish va to‘lash majburiyati yuklatilgan.
👉Soliq kodeksining 8 va 22-moddalari

Davlat soliq xizmati organlari tomonidan “Soliqchi – tadbirkorga ko‘makchi” va “Soliq xizmati – insofli soliq to‘lovchining ishonchli hamkori” tamoyillariga tayanib, soliq ma’muriyatchiligi va nazoratining yangi tizimini yaratish maqsadida, soliq to‘lovchilarning hisobi uch bosqichdagi segmentlash asosida yuritilmoqda. Xususan:
1️⃣ Yirik soliq to‘lovchilar;
2️⃣ QQS to‘lovchilar (yirik soliq to‘lovchilar toifasiga kirmaydigan).
3️⃣ Aylanmadan olinadigan soliq to‘lovchi yuridik shaxslar, yakka tartibdagi tadbirkorlar, budjet tashkilotlari, nodavlat-notijorat tashkilotlari hamda soliq to‘lash majburiyatiga ega jismoniy shaxslar.

Yirik soliq to‘lovchilar hisobi Yirik soliq to‘lovchilar bo‘yicha hududlararo davlat soliq inspeksiyasida yuritiladi. Yirik soliq to‘lovchilar toifasi Yuridik shaxslarni yirik soliq to‘lovchilar toifasiga kiritishning mezonlarini belgilash to‘g‘risidagi Nizomning 4-bandiga muvofiq aniqlanadi.
👉DSQ r/r 3172-son qarori 12.07.2019-yil

Yirik soliq to‘lovchilar toifasiga kirmaydigan QQS to‘lovchilarning hisobi 2020-yildan boshlab hududiy davlat soliq boshqarmalarida yuritilmoqda.

Aylanmadan olinadigan soliq to‘lovchi yuridik shaxslar, YATTlar, budjet va nodavlat notijorat tashkilotlari hamda soliq to‘lash majburiyatiga ega jismoniy shaxslar hisobi tuman (shahar) davlat soliq inspeksiyalarida yuritiladi.

Ma’lumot uchun: Soliq kodeksining 9-bobida soliq majburiyatlari - to‘g‘ri, to‘liq va o‘z vaqtida bajarilishi ko‘zda tutilgan bo‘lib, belgilangan to‘lovlarning tegishli g‘azna hisobvaraqasiga to‘lanmasligi, soliq majburiyatlarining bajarilmaganligi deb e’tirof etiladi va to‘lash bo‘yicha majburiyatni bajarish kechiktirilgan har bir kalendar kun uchun penya hisoblanishiga sabab bo‘ladi👉Soliq kodeksining 110-moddasi, 3-bandi

Soliqlarning to‘g‘ri to‘lanishini ta’minlash hamda noto‘g‘ri to‘lovlar uchun penya hisoblanishining oldini olish maqsadida, my.soliq.uz sayti orqali, (ERI kalitidan foydalangan holda) soliqlar va yig‘imlarni to‘lash bo‘yicha elektron xizmatdan foydalangan holda, tegishli hududi hamda soliq kodlari uchun g‘aznachilik hisobvaraqalari to‘g‘ri biriktirilgan soliq turlari tanlanib, to‘lovlarni amalga oshirish maqsadga muvofiq.

Muhim ❗️ Muayyan ma’muriy-hududiy birlik hududidagi davlat soliq xizmati organida hisobi yuritilayotgan soliq majburiyati bo‘yicha xatolik bilan to‘langan soliq (penya, jarima) summasi boshqa ma’muriy-hududiy birlik hududidagi davlat soliq xizmati organida hisobi yuritilayotgan soliq majburiyatini bajarish hisobiga hisobga olish mumkin emas.
👉“Budjet tizimi budjetlari daromadlarining kassa ijrosi to‘g‘risidagi yo‘riqnomani tasdiqlash haqida”gi Yo‘riqnomaning 33(1)-bandi (Moliya vazirligi va DSQ qarori r/r 2771-son 30.03.2016-yil)

Тelegram | Facebook | Youtube| Instagram

#Soliqchi_komakchi

Soliq organlari xodimlari faqat soliq yig’uvchi emas, balki tadbirkorning yaqin ko’makchisiga aylanishdi. Davlat rahbari yaqindagina soha xodimlari bilan o’tkazgan muloqotida ham ishbilarmonlarga amaliy yordam ko’rsatish bo’yicha alohida topshiriqlar bergan edi.

Batafsil: 👆“Andijon axboroti” information dasturida

Telegram|Facebook|Instagram|YouTube|

#intervyu

MUTLAQO YANGI SOLIQ TIZIMI YARATILDI

Davlat soliq qo‘mitasi raisi Sherzod KUDBIYEVning keyingi yillarda soliq sohasini raqamlashtirish borasida tizimda ro‘y bergan yangilanishlar mohiyati va ularning soliq maʼmurchiligini taʼminlashdagi ahamiyati haqida "Yangi O‘zbekiston" gazetasi muxbiri bilan suhbati

Тelegram | Facebook | Youtube| Instagram

#soliq_taqvimi

Soliq to‘lovchi – yuridik shaxsning 2022-yil aprel oyi uchun kalendari
______________________________
#календарь_налогоплательщика

🗓Календарь налогоплательщика – юридического лица на апрель 2022 года

Тelegram | Facebook | Youtube| Instagram

#elon

Korxona va tashkilotlar diqqatiga!

Davlat soliq qo‘mitasi Sizni “Ishonchli hamkor” avtomatlashtirilgan axborot tizimini ishlab chiqish va joriy etish bo‘yicha davlat-xususiy sheriklik loyihasini (Loyiha) amalga oshirishda Davlat sherigi uchun eng yaxshi takliflar va talabgorlarning imkoniyatlarini dastlabki baholashdan o‘tkazgan holda to‘g‘ridan-to‘g‘ri muzokaralarda ishtirok etishga taklif qiladi.

Asos: O‘zbekiston Respublikasi Vazirlar Mahkamasining 2021-yil 18-avgustdagi “Uchinchi shaxslarga soliq to‘lovchilar to‘g‘risidagi ma’lumotlarni taqdim etish chora-tadbirlari haqida” 529-sonli qarori.

Loyihani amalga oshirish bo‘yicha xususiy sherik xarajatlarining yuqori chegarasi – 7,2 mlrd so‘m (Loyiha baholash hujjatida taqdim etilgan hisob-kitoblarga muvofiq).

🗓Loyihani ishga tushirish muddati – Loyihani baholash hujjatida ko‘rsatilgan jadvalga muvofiq Davlat sherigi bilan davlat-xususiy sheriklik to‘g‘risidagi bitim tuzilgan kundan boshlab 15 kalendar kuni.

📌Loyiha muddati – 5 yil (kelgusida muddat tomonlarning kelishuvi asosida uzaytirilishi mumkin).

Takliflarni yig‘ish va baholash ishlari bo‘yicha tashkilotchi – “BUSINESS-EMPIRE” MChJ.

Davlat-xususiy sheriklik loyihasining Konsepsiyasi va loyiha baholash hujjatini Tashkilotchidan olish mumkin.

📧Tashkilotchining E-mail manzili – [email protected]
Tashkilotchiga murojaatlar uchun mas’ul shaxs – Esonaliyev Jaxongir
Tashkilotchi bilan bog‘lanish uchun telefon raqami – (99) 991-49-45

Loyihani moliyalashtirish to‘g‘ridan-to‘g‘ri muzokaralar natijasiga ko‘ra tanlangan Ishtirokchining (Xususiy sherik) o‘z va jalb qilgan mablag‘lari hisobidan amalga oshiriladi.

Quyidagi hollarda Ishtirokchilarga to‘g‘ridan-to‘g‘ri muzokaralarda ishtirok etishga ruxsat etilmaydi:
- ariza berish vaqtida qayta tashkil etish, tugatish va bankrotlik bosqichida bo‘lganda;
- ariza berish vaqtida muddati o‘tgan soliq qarzlari mavjud bo‘lganda;
- oxirgi bir yil davomida yuridik shaxs rahbariga nisbatan moliyaviy sanksiyalar qo‘llanilgan bo‘lsa;
- Soliq sohasida jamoatchilik nazorati portalida “soliq sohasidagi top huquqbuzarlar” reestriga kiritilgan bo‘lsa;
- Davlat sherigi bilan ilgari tuzilgan shartnomalar bo‘yicha o‘z majburiyatlari bajarilmagan yoki noto‘g‘ri bajarilgan bo‘lsa;
- Davlat sherigi bilan sud yoki hakamlik muhokamasi holatida bo‘lganda.

To‘g‘ridan-to‘g‘ri muzokaralarda ishtirok etish uchun siz taklifingizni Tashkilotchining elektron pochta manziliga yuborishingiz lozim.

⏳Takliflarni taqdim etishning oxirgi muddati – 2022-yil 29-aprel 18:00 gacha.

Izoh:
To‘g‘ridan-to‘g‘ri muzokaralar bosqichlari boshlanishidan avval takliflar Davlat sherigi uchun eng yaxshi takliflar va talabgorlarning imkoniyatlarini (loyihani amalga oshirish salohiyati) inobatga olgan holda Tashkilotchi hamda Davlat sherigi (Davlat sherigining vakolat berilgan mansabdor shaxslari) tomonidan tasdiqlangan To‘g‘ridan-to‘g‘ri muzokaralar bo‘yicha talabgorlarni tanlab olishga doir hujjatlarda ko‘rsatilgan talablar va tartib asosida dastlabki baholashdan o‘tkaziladi.

To‘g‘ridan-to‘g‘ri muzokaralar bosqichlarining muddatlari Davlat sherigi tomonidan belgilanadi va bu haqda talabgorlar Tashkilotchi tomonidan xabardor qilinadi.

Тelegram | Facebook | Youtube| Instagram

#qonunchilikdagi_yangiliklar

2022-yil 1-apreldan soliq qonunchiligida qanday o'zgarishlar kuchga kiradi?
__________
#новое_в_законодательстве

Какие изменения в налоговом законодательстве вступят в силу с 1 апреля 2022 года?

Тelegram | Facebook | Youtube| Instagram

Президент Шавкат Мирзиёев раислигида макроиқтисодий барқарорликни таъминлаш, жаҳон иқтисодиётидаги мураккаб вазиятдан келиб чиқиб ҳудуд ва тармоқларни ривожлантириш, аҳоли фаровонлигини ошириш масалалари юзасидан видеоселектор йиғилиши бошланди.

“Ойнинг бошида алоҳида комиссия тузиб, барча хавф-хатарларни ҳисоб-китоб қилганимиз ва энг долзарб йўналишларда ўз вақтида тезкор чораларни кўришни бошлаганимиз ўз натижасини бера бошлади”, деди давлат раҳбари йиғилиш аввалида.

Тошкент товар-хомашё биржасида чет эл корхоналари буғдой, ун, шакар, ўсимлик ёғи каби маҳсулотларни савдога қўйишни бошлади. Бунга, темир йўлда ташишга ички тарифлар қўлланилмоқда.

Бу ишларнинг давоми сифатида бир ҳафта муддатда:

- хорижий йирик ишлаб чиқарувчилар ва улгуржи савдо ташкилотларини Товар-хом ашё биржаси савдоларига кенг жалб қилиш;

- темир йўл тарифлари ва таннархни ичига кириб, уларни янада пасайтириш чораларини кўриш вазифаси қўйилди.

Шунингдек:

- солиқ маъмурчилиги доирасида омбордаги товарларнинг ҳисобини, ва кодларини мажбурий юритиш, мулклар ҳамда ижара шартномаларини электрон рўйхатдан ўтказиш каби янги механизмлар бўйича жарима ва бошқа таъсир чоралари йил якунига қадар қўлланилмайди;

- ўз эҳтиёжлари учун олиб келинган хом ашё, асбоб-ускуна, эҳтиёт қисмларга божхона имтиёзларини қўллаш даври ҳозирги 6 ойдан 1 йилгача узайтирилади;

- йил якунига қадар Россия, Украина ва Беларусь билан ишлаётган корхоналарга дебитор қарздорлиги учун жарима қўлланилмайди;

- ушбу мамлакатлар билан ишлаётган экспортчиларнинг банк кредитлари бўйича қарздорлиги узайтирилади, пеня ва жарималар ундирилмайди.

Шу билан бирга, бугунги кунда 67 та фаолият тури ўзини ўзи банд қилиш шаклига ўтказилган. Президент фаолият турларини яна 20 тага кўпайтириш ва бу орқали қўшимча 150 минг аҳоли бандлиги таъминлаш мумкинлигини кўрсатиб ўтди.

Вилоят ҳокимлари меҳнат миграциясидан қайтган фуқароларни қурилишларга жалб қилиш, уларга зарур асбоб-ускуналар олиб бериш учун субсидия ажратиш ҳисобига қўшимча 100 минг аҳолининг расмий бандлигини таъминлаши кераклиги таъкидланди.

Бандликни таъминлаш учун янги механизмларни жорий этиш бўйича қарор лойиҳасини киритиш топширилди.

Дунё бозорларидаги ҳолат, хом ашё, ёқилғи ва озиқ-овқат маҳсулотлари нархининг ўсиб бориши, қўшни давлатлардан пул ўтказмаларининг камайиши аҳоли даромадларига кўрсатиши мумкин бўлган таъсирни ҳисобга олиб ва инфляция ҳисоб-китобларидан келиб чиқиб, эҳтиёжманд аҳолини ижтимоий қўллаб-қувватлаш кўламини янада кенгайтириш бўйича таклифлар киритиш вазифаси қўйилди.

Айни пайтда йиғилишда кўтарилган масалалар юзасидан мутасаддиларнинг ҳисоботлари эшитилмоқда.

#deklaratsiya

☝️Deklaratsiyani o‘z vaqtida topshirib konstitutsiyaviy burchingizni ado eting

📚Soliq kodeksining 393-moddasiga asosan 2021-yil davomida:

🔹foiz va dividend ko‘rinishida, mol-mulkini ijaraga berib (agar bu daromadlarga to‘lov manbaida soliq solinmagan bo‘lsa);
🔹ilm-fan, adabiyot va sanʼat asarlarini yaratganlik hamda ulardan foydalanganlik uchun mualliflik haqi tariqasida;
🔹moddiy naf tarzida;
🔹O‘zbekiston hududidan tashqaridagi manbalardan;
🔹soliq agentlari bo‘lmagan manbalardan;
🔹soliq agenti tomonidan soliq ushlab qolinmagan soliq solinadigan boshqa manbalardan daromad olgan O‘zbekiston rezidentlari 2022-yilning 1-apreliga qadar jami yillik daromadlari to‘g‘risida deklaratsiya topshirishlari lozim.

👉Deklaratsiya topshirish bo‘yicha videoqo‘llanma

Тelegram | Facebook | Youtube| Instagram

#tekshiruvdan_oldingi_tahlil

Tekshiruvdan oldingi tahlillarda ko‘p aniqlanayotgan xatoliklar

Soliq organlari kameral soliq tekshiruvi o‘tkazilishi boshlanguniga qadar tekshiruvdan oldingi tahlilni o‘tkazishi mumkin.
Soliq kodeksi 138-modda

Bu soliq to‘lovchilar tomonidan taqdim etilgan hisobotlardagi tafovutlarni kelib chiqish sabablarini ularga tushuntirgan holda, o‘tkazilishi mumkin bo‘lgan tekshiruvlarni oldini olishga xizmat qiladi.

Bugungi kunda hisobot topshirishda eng ko‘p xatoga yo‘l qo‘yilayotgan yo‘nalishlardan biri taqdim etilgan daromad solig‘i hisobotida mehnatga haq to‘lash tarzidagi daromadlar ko‘rsatkichlarini ortib boruvchi yakun bilan taqdim etmaslik holatidir.

Soliq to‘lovchilar tomonidan taqdim etilayotgan jismoniy shaxslardan olinadigan daromad solig‘i va ijtimoiy soliq hisob-kitoblari bo‘yicha o‘tkazilayotgan tekshiruvdan oldingi avtomatlashtirilgan tahlillarda tafovutlar aniqlanmoqda.

Bunga sabab – hisobot davrida hisoblangan mehnatga haq to‘lash tarzidagi daromadlar summasini hisobotning 011-satrida yil boshidan o‘zgartirmasdan taqdim etilishidir.

Xatoga yo‘l qo‘ymaslik uchun:
🔸soliq to‘lovchilar tomonidan jismoniy shaxslardan olinadigan daromad solig‘i va ijtimoiy soliq hisob-kitobining 011-satrida mehnatga haq to‘lash bilan bog‘liq bo‘lgan daromadlar ortib boruvchi yakun bilan shakllantirilishi lozim.
🔸ushbu hisobotning 0110-satrida esa hisobot davrida hisoblangan mehnatga haq to‘lash tarzidagi daromadlar aks ettirilishi zarur.

Ma’lumot uchun: 2021-yilda mehnatga haq to‘lash tarzidagi daromadlar ko‘rsatkichlarini ortib boruvchi yakun bilan taqdim etmaslik holati bo‘yicha 63 500 ta tashkilot soliq hisobotlarida jami 258 240,9 mln so‘mlik tafovutlar aniqlangan.

👉Soliq organlari soliq to‘lovchilar faoliyatida tekshiruvdan oldingi tahlillarni o‘tkazishi mumkin

Тelegram | Facebook | Youtube| Instagram

O‘zbekiston Respublikasi Soliq kodeksining 244-moddasiga kiritilgan o‘zgartirishlar to‘g‘risida axborot xabari
_____________________

Информационное сообщение об изменениях, внесенных в статью 244 Налогового кодекса Республики Узбекистан

Тelegram | Facebook | Youtube| Instagram

#Seminar

Davlat soliq xizmati - insofli soliq to'lovchilarning ishonchli hamkori

Batafsil: 👆Taraqqiyot teleradiokompaniyasi “Bugun” information dasturida

Telegram|Facebook|Instagram|YouTube|

#Seminar

Davlat soliq xizmati - insofli soliq to'lovchilarning ishonchli hamkori

Batafsil: 👆“Andijon axboroti” information dasturida

Telegram|Facebook|Instagram|YouTube|