«Заковат»нинг “брeйн-ринг” ўйинлари жуда авжида. Ёшлар азартда. Аҳамият берган ҳолатларим — бу ўйинга келган ёшларнинг жуда тартибли эканлиги ва уларнинг ёниб турган кўзлари. Шундай атмосферани кўриб, ҳаракатларимиз бекор кетмаётганини ҳис қиляпман. Ушбу тадбир эртага ҳам давом этади ва биз, албатта, жамоамиз билан келамиз. Билимдонларга фақат омад. Бошқа вилоятлардаги ёшларни яхшилаб тайёргарлик кўришга чақириб қоламан. Чунки, рақобат жуда кучли.

«Заковат» клубининг асосий саралаш ўйинларини кўришга бордик. Ўйинлар жуда қизғин ўтяпти. Рақобат кучли. Йиғилган иштирокчилар орасида тасодифан таниш йигитча — Мирсаидни кўриб қолдим. У кўзи ожизлар ихтисослаштирилган мактаб-интернати битирувчиси.

Биз AОКAда ишлаб юрган давримизда бу мактабни оталиққа олиб, «Кўнгил кўзи» лойиҳасини бошлаган эдик.

Мирсаид билан учрашувларнинг бирида танишиб қолганмиз. У ўшанда ўзининг орзулари ҳақида гапириб, келажакда дипломат бўламан, деганди. Буни қарангки, 2020 йилда Мирсаид ЖИДУ талабаси бўлибди. Эшитиб, қувониб кетдим.

Бўлажак дипломат «Заковат»нинг бошқа қатнашчиларидан қолишмай, ҳамма билан баробар саралаш ўйинларида фаол иштирок этди.

Мирсаиддан: «Орзуларингизга етишда Сизга нима мотивация беради?» — деб сўрадим. «Мен учун ҳеч қандай тўсиқнинг йўқлиги», — деб жавоб берди.

«Заковат» ҳақиқатда тўсиқларни ёриб ўтувчи, иродали ва кучли билимдонлар клубидир.

Барча иштирокчиларга омад тилайман!

#ZakovatdaKuch
#UzbekPower
@SShMirziyoyeva

Oshing halol bo’lsa, Zakovatda ich! 😊💵


@zakovat

Заковат ўйинлари машғулоти ўтказиладиган хонага одам сиғмай кетди.

Фаррух Рафиқовнинг айтишича, бу - музлаткичга овқат сиғмагандай, ёқимли муаммо.

Кўз тегмасин, ёшларнинг илмга интилиши ошмоқда.

#ZakovatdaKuch