Farzandlari ta'limi uchun borini bergan ota-onalarga bag'ishlaymiz!

"Osmondagi bolalar" jamoasi ushbu videoni farzandlarining ta'limi yo'lida o'zini baxshida qilgan ota-onalarga bag'ishlaydi!

Farzandlarining ta'limi uchun borini bergan ota-onalar, sizlar dunyodagi eng yaxshi insonsizlar! Boringizga shukur!

😊 Bizlar uchun borini baxshida qilgan ota-onalarimizga yuboramiz!

"Osmondagi bolalar" ning yangi soni premyerasi 10-dekabr, juma kuni, soat 20:00 da boʻlib oʻtadi.

🔴 YouTube: https://youtu.be/azZuz8lCbpo

​​Bugun meni juda chuqur ta’sirlantirgan bir hodisa haqida sizlarga so’zlab bermoqchiman. Chekka hududlardagi mahalla yoshlarining muammolarini o’rganib yurganimizdan xabaringiz bor.

Ayni damda Jizzax viloyatidamiz. Ertalab Zarbdor tumani, tushdan keyin Zomin tumanidagi Hamid Olimjon mahallasiga bordik. Yoshlar bilan muloqot qilib turganimizda Shahodat ismli opaga ko’zim tushib qoldi. Opaning ko’zlarida onalarcha mehr bor edi. Ulardan “farzandlaringiz nima bilan shug’ullanadi, deb so’radim?” Ular “4 nafar farzandim bor, ikki qiz, ikki oʻgʻil — hammasi o’qiydi”, deb javob berdilar. 3 nafari toʻlov-kontrakt, bir nafari grantda o’qirkan.

Xayron bo’ldim, qanday qilib bir vaqtning o’zida 3 ta kontrakt pulini to’lash va qo’shimchasiga talabalar xarajatlarni qoplash mumkin axir? Shahodat opa o’z vaqtida oliy ta’lim olish uchun imkoni bo’lmaganligini, lekin hozir hech bir farzandi oliy ta’lim olish imkoniyatidan voz kechmasligi kerakligini aytdilar. Hatto bu oila uchun og’ir moliyaviy qiyinchiliklar tug’dirsa ham.

Men o’zim uchun bugun yangi qahramonni kashf qildim. O’zi yemay-ichmay bolam deb, farzandlari ta’limi uchun borini beradigan mana shunday ota-onalar jamiyatimizning, zamonamizning haqiqiy qahramonlaridir! Rosti ichimdan nima o’tganini o’zim bilaman. Shahodat opadan ularning oilalariga qanday yordam bera olishimni so’radim, ular kamtarona “o’zimiz uddalaymiz” dedilar.

Taqdirni qarangki, “Talabaga madad” loyihasi orqali bir qizlarining kontrakt pulining yarmini to’lab bergan ekanmiz. Endi yana bir qizlarining kontrakt pullarini bir qismini to’lab beradigan bo’ldik. Ayniqsa, qizlari ta’limi uchun harakat qilayotgan Shahodat opaga hurmatim ikki karra oshdi.

O’g’il farzandlari Bunyodbek esa Toshkentda grant asosida o’qir ekan, uning bir yillik yotoqxona xarajatlarini qoplab beradigan, o’qishi uchun agentligimiz nomidan noutbuk sovg’a qiladigan bo’ldik. Shunaqa gaplar, do’stlar!

@alisher_sadullaev

Assalomu alaykum, Sirdaryo yoshlari! Bugun sizning viloyatingizda bo’lamiz. Tumanlarda sizlar bilan uchrashamiz degan umiddaman.

P.S. yoshlarforumi.uz ga 12-dekabrga qadar takliflar yo’llashingiz mumkin. Uyog’iga ekspertlar bilan muhokamalar boshlanadi!

@alisher_sadullaev

​​​​Xorijiy tillarga qiziquvchi va shugʻullanuvchi yoshlar, siz uchun ajoyib yangilik!

Samarqand shahrida 18-20 dekabr kunlari "O'zbekiston yoshlar forumi-2021" doirasida "Ibrat avlodlari" xorijiy tillari forumi bo'lib o'tadi.

Forum yoʻnalishlari:
- "Interactive Communication" yoshlarning chet tillarida fikrlash va kompetensiyaviy ko‘nikmalarini shakllantirishga qaratilgan o‘yinlar;
- "Debates Club" turli xil mavzularga oid bahs-munozaralar;
- "Polyglot" Ingliz, nemis va fransuz tillarini mukammal o‘zlashtirgan yoshlar o‘rtasida bellashuv;
- "CEFR" Ingliz tilini bilish darajasini aniqlash bo‘yicha sertifikatini olish uchun test sinovlari;
- "IELTS Computer Delivered" 15-30 yoshgacha bo‘lgan yoshlar uchun na'munaviy testlar va haqiqiy imtihon muhiti;
- “Intuto” loyiha taqdimoti va shu kabi koʻplab qiziqarli loyihalar sizni kutmoqda!

Forumda ishtirok etish uchun ushbu havola orqali ro'yxatdan o'ting.

Roʻyxatdan oʻtishning oxirgi muddati 16-dekabr 15:00ga qadar.

yoshlarforumi.uz platformasi orqali yo‘nalishlar kesimida o‘z taklif va tashabbuslaringizni yuboring!

Murojaat uchun telefon: +99899 597-01-06

🗣Bizni ijtimoiy tarmoqlarda kuzating:
Telegram | Facebook | Instagram | You Tube

Yodingizda bo’lsa, 4 nafar farzandning onasi, uch nafarini kontrakt asosida, bir nafarini esa grant asosida o’qitadigan bizning qahramon Shahodat opamiz haqida post yozib qoldirgandim. Mana o’sha grant asosida o’qiydigan do’stimiz Bunyodbek va’da qilingan noutbukni olgani keldilar! Barakalla, Bunyodbek! Kun kelib o’z sohasining yetuk mutaxassisi bo’lib yetishingizga ishonaman. Albatta, bu yaxshilikni Siz ham kimgadir qaytarishingizga umidvorman! Shahodat opa, o’g’lingizga imkon berganingiz uchun yana bir marta Sizga minnatdorchilik bildiraman!

@alisher_sadullaev

Bugun, 12-dekabr soat 21:00 da yoshlarforumi.uz platformasi orqali yoshlardan kelgan takliflar va “Oʻzbekiston yoshlari forumi — 2021” yuzasidan ovozli suhbat oʻtkazamiz.

Ovozli suhbatimizda bir qator ommaviy axborot vositalari xodimlari, blogerlar ham ishtirok etadilar. Suhbat davomida forumga taklif yuborgan yoshlarga ham soʻz beriladi.

Savollaringizni izohlarda yozib qoldirishingiz mumkin. Suhbatda ishtirok etish uchun: https://t.iss.one/alisher_sadullaev?livestream

@alisher_sadullaev

Yoshlarforumi.uz platformasi orqali yoshlardan kelgan takliflar va “Oʻzbekiston yoshlari forumi — 2021” yuzasidan ovozli suhbatimiz boshlandi. Suhbatda ishtirok etish uchun: https://t.iss.one/alisher_sadullaev?livestream

@alisher_sadullaev

Bu hafta to’rtta viloyatga xizmat safari bilan yo’l olamiz. Surxondaryo, Qashqadaryo, Navoiy va Buxoro viloyatlari. Tuman va mahallarda yoshlar bilan muloqot hamda uchrashuvlar tashkil etamiz.

P.S. Bugun Surxondaryo viloyatida bo’lamiz.

@alisher_sadullaev