#repost #kumushqish

Kumush qish o’z ziynati, qalin qor bilan keldi. Bunday ob-havo zavq ulashishi bilan, ko’pchiligimiz uchun ma’lum qiyinchiliklarni ham yuzaga keltirdi. Sovuqdan saqlanish, yo’llarda ehtiyot bo’lish va umuman juda ko’plab maslahat hamda ehtiyot choralari internet tarmoqlarida aylandi. Biz ham jamoamiz bilan obodonlashtirish tizimidagi hamkasblarimizga yordam berish maqsadida hech bo’lmaganda o’z ishxonamiz atrofidagi qorni kurab, piyodalar uchun qulay yo’l ochib, qor bosib qolgan daraxtlarni tozaladik. Umid qilamizki, ushbu tashabbus tizimdagi hamkasblarimiz va internet faollari tomonidan ham qo’llab-quvvatlanadi.

@alisher_sadullaev

⚡️Xorazmda koʻzni quvnatadigan, zamonaviy “Yoshlar kutubxonasi” ochildi!

100 ming kitob fondiga ega boʻlgan kutubxonada 7 000 xildagi darsliklar, ilmiy va badiiy adabiyotlar jamlangan. Kutubxonaga Oʻzbekiston Milliy kutubxonasining elektron bazasi ham ulangan.

Urganch markazida joylashgan ziyo maskani bir vaqtning oʻzida 200 dan ortiq kitobxonni oʻz bagʻriga sigʻdira oladi. Kutubxona bepul Wi-Fi tarmogʻi, eng zamonaviy texnik vositalar bilan jihozlangan. Oʻquvchilar kitoblarni uylariga olib ketib oʻqish imkoniyatiga ham egalar.

Shunday shinam ziyo maskanining ochilishida tashabbuskor boʻlgan yosh tadbirkor Quvondiq Abdullayevga minnaddorchilik bildiramiz.

@alisher_sadullaev

Nodirbek Аbdusattorov hamda Javohir Sindarov 13-29-yanvar kunlari Niderlandiyaning Veyk-an-Zi shahrida 85-marotaba tashkil etilayotgan "Tata Steel-2023" turnirida qatnashadi.

Abdusattorov ishtirok etayotgan "Masters" guruhida Magnus Karlsen, Ding Liren, Fabio Karauna, Uesli So, Gukesh va boshqa ko'plab kuchli shaxmatchilardan tashkil topgan 14 nafar ishtirokchi gʼoliblik uchun kurashadi. Sindarov esa, "Chellenjer" guruhida dona suradi. "Tata Steel-2023" turniri "Yoshlar" telekanalida bugun 18:00 dan boshlab jonli efirga uzatiladi.

Omad, yigitlar!

@alisher_sadullaev