Xodimlarni ishga olishda eng ko‘p ochiq tanlov o‘tkazgan tashkilot Yoshlar ishlari agentligi bo‘ldi

Davlat fuqarolik xizmatchilari vakant lavozimlariga yagona ochiq portal orqali eng ko‘p tanlov o‘tkazgan tashkilotlarning TOP-10 taligi e’lon qilindi. Bunga ko‘ra, Yoshlar ishlari agentligi 16 152 ta vakant joyga ochiq tanlov orqali xodimlarni ishga olgan va 1-o‘rinni qayd etgan.

Shuningdek, TOP-10 talik reytingda Davlat soliq qo‘mitasi (12 369 ta), Oila va xotin-qizlar qo‘mitasi (11 877 ta), Moliya vazirligi (9 573 ta), Xalq ta’limi vazirligi (9 573 ta), Qishloq xo‘jaligi vazirligi (5 857 ta), Maktabgacha ta’lim vazirligi (5 542 ta) yuqori o‘rinlarni egallagan.

Ma’lumot uchun, ochiq portali — vacancy.argos.uz’ga 78 ta davlat organi va tashkiloti, 208 ta tuman (shahar) hokimligi ulangan bo‘lib, ular tomonidan mavjud vakant lavozimlar uchun jami 140 mingdan ortiq tanlov e’lon qilingan.

@alisher_sadullaev

⚡️Nodirbek Abdusattorov o’sha mashhur “Times Square” billboardida. O’zbek shaxmatchisini butun dunyo tanimoqda.

@alisher_sadullaev

✅Oʼqituvchilarning oyligi yana oshiriladi

“Oʼqituvchilar maoshlarini oshirdik, lekin bu bilan toʼxtab qolmaymiz. Imkoniyatimiz boʼlishi bilan yana koʼpaytiramiz” — dedi prezidentimiz.

@alisher_sadullaev

Rapid va Blits bo‘yicha Almatada bo’lib o’tayotgan jahon chempionati - 2022 davom etmoqda. Bugun to’rtinchi kun Blits yo’nalishidagi o’yinlar bo’lmoqda. Mazkur turnirni o‘zbek tilida sharhini quyidagi havola orqali tomosha qiling:

https://youtu.be/6ICkkEq6Bbw

Omad, biz sizlarga ishonamiz!

@alisher_sadullaev

⚡️Jadidlar rukni ostidagi yana bir videomiz tayyor bo‘ldi. Bu gal Turkiston jadidchiligining otasi, o‘zbek dramaturgiyasi asoschisi — Mahmudxo‘ja Behbudiy haqida kichik izlanish qildik. Milliy ozodligimiz kurashchilari haqidagi videolarimizni keng jamoatchilikka yetkazishda yordam berasiz degan umiddamiz.

#repost #jadidlar

@alisher_sadullaev

Rapid va Blits bo‘yicha Almatada bo’lib o’tayotgan jahon chempionati - 2022 davom etmoqda. Bugun to’rtinchi ya’ni so’nggi kun Blits yo’nalishidagi o’yinlar bo’lmoqda. Mazkur turnirni o‘zbek tilida FIDE-master, ayollar o’rtasidagi O’zbekiston chempioni Hulkar Tohirjonova sharhlab bormoqda. Quyidagi havola orqali tomosha qiling:

https://youtu.be/4uESM0s6rSU

Barchangizga omad tilaymiz, biz sizlarga ishonamiz!

@alisher_sadullaev

⚡️ Yangi yil muborak, yoshlar!

Yil yakunida afsus qilmaslik uchun rejadagi kitoblarni o’qishni hozirdanoq boshlayman, sportni erta tongdan, turk tilini ham ertadanoq davom ettiraman.

2-yanvarda ham o’zimga omad tilayman 😬

Bu oʻyinda WGM Teodora Injac (2316) hamda WFM Umida Omonovaning (1978) bahsini koʻrishingiz mumkin. Teodora Injac oq donalarda Umida Omonova esa qora donalarda oʻynamoqda. Umida reytingi oʻzidan 338 ochko yuqoridagi raqibini chiroyli oʻyini bilan magʻlub etganini koʻrib esa faxrlanish mumkin.

Barakalla, Umida! Qizlarimiz ham yuqori natijalarga ajoyib tarzda erisha boshlangani juda quvonarli!

@alisher_sadullaev

⚡️Shaxmat: Humoyunning yana bir shiddatli gʻalabasi

Dekabrda oʻtkazilgan “Blits boʻyicha jahon chempionati-2022”ning 19-raundida hamyurtimiz Humoyun Begmuratov (2267) Artem Uskov (2401)ga qarshi dona surdi.

Ularning ikkisi ham 12 yoshda. Quvonarlisi, Humoyun oʻzidan reyting ochkolari jihatidan yuqori turuvchi raqibi Uskovni magʻlubiyatga uchrata oldi.

Yashavor, Humoyun!

@alisher_sadullaev

📌Rasmiy xabar: qishki ta’til uzaytirildi

📆O‘zbekistonga anomal sovuq ob-havo kelishi munosabati bilan barcha ta’lim muassasalarida qishki ta’til muddati 17-yanvarga qadar uzaytirildi.

📒O‘qish jarayonlari 18-yanvar, chorshanba kunidan boshlanadi.

@alisher_sadullaev

“Blits bo‘yicha jahon chempionati-2022”da Humoyun Begmuratov hammani hayratga soldi.

Videoda 12 yoshli shaxmatchimiz Humoyunning Uelslik Elijah Everettga qarshi o‘yinini ko‘rishingiz mumkin. Durang bilan yakunlanishi kutilayotgan o‘yinga Humoyun o‘zining chiroyli g‘alabasi bilan yakun yasadi. Qiziq jihati, Everett o‘z mag‘lubiyatini anglashga ham ulgurmay qoldi va bu holat dunyo shaxmat ixlosmandlarining e’tiborini tortdi.

Barakalla, Humoyun!

@alisher_sadullaev

⚡️ Mamlakat rivoji uchun o‘ta muhim resurs

Har qanday mamlakatning eng katta strategik kuchi - yoshlar! Biz bu kuchdan qay darajada foydalana olyapmiz?

“Strategik kuch-2022” filmi sizga bu haqida so‘zlab beradi.

#repost #1video
STRATEGIK KUCH-2022

@alisher_sadullaev

⚡️ Yoshlar uchun asosiy chaqiriq — Bilim olishga intilish

#repost #2video
STRATEGIK KUCH-2022

@alisher_sadullaev

🔥 Chempionlarni tanidingizmi?


@alisher_sadullaev

⚡️Bugundan anomal sovuq kunlar boshlandi

Xabaringiz bor, 15-yanvarga qadar Respublikamiz boʻylab anomal sovuq ob-havo kuzatilishi kutilmoqda.

Gidrometeorologiya markazi bergan maʼlumotlarga ko‘ra, bugun harorat 0-5° sovuq, shimolda -7-12° sovuq bo‘ladi.

❗️Ertaga, 11-yanvar kuni esa O‘zbekistonning shimoliy hududlarida harorat -23 darajagacha pasayadi.

Anomal sovuq kunlari ochiq havoda kamroq bo‘lish, bolalar va keksalarning ko‘chaga chiqmasligi tavsiya etiladi.

@alisher_sadullaev

⚡️2023-yil 11-yanvardan boshlab oliy hamda professional taʼlim muassasalari va akademik litseylarda bosqichma-bosqich dars mashgʻulotlari boshlanadi

Vazirlar Mahkamasining tegishli bayoni bilan OTM, texnikum, kollej, kasb hunar maktablari va akademik litseylarda oʻquv jarayonini mahalliy hokimliklar bilan kelishilgan holda tashkil etish tavsiya etildi.

Oʻquv jarayonini tashkil etishda zaruriyat tugʻilganda oʻquv grafigiga oʻzgartirish kiritish ruxsat beriladi. 20-yanvarga qadar talabalarning imtihonlarga tayyorgarlik koʻrishlari tavsiya etiladi. 20-yanvarga qadar yakuniy nazorat ishlari tashkil etilmaydi.

Ob-havo sharoitlari tufayli oʻqishga kelolmagan talabalarga oʻquv jarayonlarini boshlash hamda nazorat imtihonlariga tayyorgarlik koʻrish boʻyicha tegishli masofaviy dasturlar taklif qilinadi.

@alisher_sadullaev