⚡️Joriy yil ham 5 tagacha yo'nalish tanlash mumkin, faqat endilikda abiturient turli ta'lim shaklini (kunduzgi, sirtqi, kechki, masofaviy) tanlashiga ham ruxsat beriladi

Prezident qaroriga ko'ra, abiturientlarga:

➖ test sinovi topshiriladigan fanlar majmuasi va ketma-ketligi bir xil bo'lgan beshtagacha bakalavriat ta'lim yo'nalishlarini hamda bir vaqtning o'zida barcha ta'lim shakllarini tanlash huquqi beriladi;

➖ ro'yxatdan o'tish jarayonida tanlangan bakalavriat ta'lim yo'nalishlari ustuvorligiga qarab dastlab davlat granti, keyinchalik to'lov-kontrakt asosida tanlovda ishtirok etish imkoniyati beriladi.

@Algoritm_Edu

❗️RASMAN: endi qabul 20 iyundan boshlanadi

O'zAning (@uzauz) xabar berishicha, Prezidentning tegishli qaroriga asosan, davlat OTMlariga qabul jarayonida abiturientlarni onlayn ro'yxatdan o'tkazish YAgona portal va DTMning rasmiy veb-sayti orqali har yili 20 iyundan 20 iyulga qadar (20 iyul kuni ham), chet tili fanidan kasbiy (ijodiy) imtihon o'tkaziladigan bakalavriat ta'lim yo'nalishlari bo'yicha esa 10 iyulga qadar (10 iyul kuni ham) amalga oshiriladi.


@Algoritm_Edu

Qabul jarayoniga oid Prezident qarori va farmoyishida nimalar belgilandi?

➖ Kvotalar soni tasdiqlandi. Batafsil;

➖ Qabul 20 iyundan 20 iyulgacha bo'ladi. Batafsil;

➖ 5 tagacha yo'nalish, shu jumladan turli ta'lim shakllarini tanlash mumkin. Batafsil;

➖ O'qishni ko'chirishga oid yangi tartib tasdiqlandi. Batafsil;

➖ Magistraturada yilda 2 marta (yoz, qish) qabul bo'ladi. Batafsil;

➖ Magistraturada mutaxassislikdan imtihon bo'lmaydi. Batafsil;

➖ Magistraturadagi barcha xotin-qizlarning kontraktlari to'lab beriladi. Batafsil;

➖ Endi imtiyozlilar faqat qo'shimcha davlat grantiga qabul qilinadi. Batafsil.

@Algoritm_Edu

Algoritm IT markazining Senior darajasidagi dasturchisi Ibrakhim Jalalovning faoliyati haqida rolik

Videoni hoziroq tomosha qiling
👇👇👇👇
https://youtu.be/yRvEE3SCxBs

«Perevod» bo'yicha kengroq tushuntirish

Quyidagi tushuntirishlarimiz Prezident qaroriga asoslangan, ya'ni rasmiy kuchga ega.

1️⃣Bir davlat OTMdan boshqa davlat OTMga o'qishni ko'chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o'rtog'i doimiy yashaydigan hududdagi OTMga ko'chmoqchi bo'lsa;

2) davlat xizmatchisi ish yuzasidan boshqa hududga ko'chsa va turmush o'rtog'i yoki voyaga yetmagan farzandining o'qishini o'sha hududga ko'chirmoqchi bo'lsa (ishga kirgan vazirlik xati asosida).

❌Boshqa holda “ichki perevod”ga ruxsat yo'q. Boshqa hududga ham, o'z hududidagi boshqa OTMga ham.

2️⃣ Xorijdan o'qishni ko'chirish

Bunda o'tgan yilgi tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) xorijdan mos va turdosh bo'lmagan yo'nalishga o'qishni ko'chirishga ruxsat berilmaydi.

3️⃣ O'zbekistondagi xorijiy va nodavlat OTMlardan o'qishni ko'chirish

Bunda ham o'tgan yilgi eskicha tartib saqlanib qolgan:

1) mos va turdosh yo'nalishga test yoki ijodiy imtihon topshiradi hamda o'tish balini to'plash talab etiladi;

2) o'tish balini to'play olmasa, super-kontrakt shartlari asosida o'qishini ko'chirishga ruxsat beriladi;

3) mos va turdosh bo'lmagan yo'nalish uchun esa bir martalik "super-kontrakt" to'lab ko'chirishi mumkin.

4️⃣ Davlat OTMdan nodavlat OTMga o'qishni ko'chirish

Buni davlat nazorat qilmaydi, buning tartibini nodavlat OTMlarning o'zi mustaqil belgilaydi. Nodavlat OTMga o'qishni ko'chirish mumkin yoki mumkin emasligini o'sha OTMning o'zidan aniqlashtiring.

5️⃣ Nodavlat OTMdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.

6️⃣ Xorijdan nodavlat OTMga o'qishni ko'chirish

Buni ham davlat nazorat qilmaydi, tartibini ko'chirmoqchi bo'linayotgan nodavlat OTMdan aniqlashtirish kerak.

@Algoritm_Edu

#Qabul2022 #Kvota #Kunduzgi

Rasman: kvota eʼlon qilindi

2022-2023-o‘quv yilida OTMlar bakalavriatining kunduzgi ta’lim shakli bo‘yicha o‘qishga qabul qilish parametrlari.

@Algoritm_Edu

#Qabul2022 #Kvota #Sirtqi

Rasman: kvota eʼlon qilindi ( #Sirtqi )

2022-2023-o‘quv yilida OTMlar bakalavriatining sirtqi ta’lim shakli bo‘yicha o‘qishga qabul qilish parametrlari.

@Algoritm_Edu

#Qabul2022 #Kvota #Masofaviy

❗️Ilk bor: Masofaviy ta'lim kvotalari

✅ 2022/2023 o‘quv yilida masofaviy ta'lim shakli joriy etilgan 12 ta OTM ro'yxati va qabul parametrlari.

1. O'zbekistan milliy universiteti
2, Toshkent davlat iqtisodiyot universiteti
3. Toshkent moliya instituti
4. Andijon davlat universiteti
5. Buxoro davlat universiteti
6. Qoraqalpoq davlat universiteti
7. Urganch davlat universiteti
8. Toshkent axborot texnologiyalari universiteti
9. Toshkent arxitektura - qurilish instituti
10. Toshkent davlat yuridik universiteti
11. Toshkent davlat transport universiteti
12. O'zbekiston xalqaro islom akademiyasi

@Algoritm_Edu

⚡️🇫🇮Finlyandiyada o'qituvchilar qo'l ko'tarmagan o'quvchilarga murojat qilishmaydi.

Buning sababi o'quvchini sinfdoshlari oldida bilmagan narsasini so'rab qo'yib hijolat qilmaslikdir. Lekin talim shunchalik yaxshiligidan barcha o'quvchilar qo'l ko'tarishadi.

Xa aytgancha, u yerda maktabga chiquvchi bolalar uchun faqat ryukzak sotib olinadi. Qolgan hamma narsa bepul, hatto tushlik ham.

@Algoritm_Edu

❗️Yurisprudensiya yo'nalishi bo'yicha 15 ta OTMga hujjat topshirish mumkin
#abituriyent

O'zimning sohamdan kelib chiqib, joriy yilda yurisprudensiya ta'lim yo'nalishi bo'yicha qaysi OTMlar talabalar qabul qilishini qarab chiqdim. Toshkent davlat yuridik universitetidan tashqari yana 14 ta OTMda yurisprudensiya bo'yicha qabul bo'lar ekan.

Taqqoslash uchun: o'tgan yili jami 9 ta OTM bo'lajak huquqshunoslarni qabul qilgandi. Demak, joriy yilda yana 6 ta OTMda ham yurisprudensiya yo'nalishi ochilgan. Jumladan, O'zMU va Xalqaro islom akademiyasiga yana yurisprudensiya qaytdi.

2022 yilda yurisprudensiya yo'nalishi bo'yicha talaba qabul qiladigan jami 15 ta OTM quyidagilar:

1) Toshkent davlat yuridik universiteti
YUrisprudensiya: davlat-huquqiy faoliyat
YUrisprudensiya: jinoyat-huquqiy faoliyat
YUrisprudensiya: biznes huquqi
YUrisprudensiya: xalqaro huquq va qiyosiy huquqshunoslik
Davlat boshqaruvi

2) Qoraqalpoq davlat universiteti
YUrisprudensiya (faoliyat turlari bo'yicha)

3) Namangan davlat universiteti
YUrisprudensiya (faoliyat turlari bo'yicha)

4) Samarqand davlat universiteti
YUrisprudensiya (faoliyat turlari bo'yicha)

5) Termiz davlat universiteti
YUrisprudensiya (faoliyat turlari bo'yicha)

6) Andijon qishloq xo'jaligi va agrotexnologiyalar instituti
YUrisprudensiya (qishloq xo'jaligi xuquqi)

7) Toshkent davlat transport universiteti
YUrisprudensiya (xalqaro transport huquqi)

8) Jahon iqtisodiyoti va diplomatiya universiteti
YUrisprudensiya (xalqaro huquqiy faoliyat)

9) Jamoat xavfsizligi universiteti
YUrisprudensiya (faoliyat turlari bo'yicha)

YANGILAR

10) O'zbekiston Milliy universiteti
YUrisprudensiya (biznes huquqi)

11) Buxoro davlat universiteti
YUrisprudensiya (faoliyat turlari bo'yicha)

12) Farg'ona davlat universiteti
YUrisprudensiya (faoliyat turlari bo'yicha)

13) «Toshkent irrigasiya va qishloq xo'jaligini mexanizasiyalash muhandislari instituti» milliy tadqiqot universiteti
YUrisprudensiya (transchegaraviy suv va yer munosabatlari)

14) Qoraqalpog'iston qishloq xo'jaligi va agrotexnologiyalar instituti
YUrisprudensiya (qishloq xo'jaligi huquqi)

15) O'zbekiston xalqaro islom akademiyasi
YUrisprudensiya (Islom huquqi)

SHuningdek, sirtqi ta'limdan yurisprudensiya chiqarib tashlangan (o'tgan yili bor edi). Lekin evaziga masofaviy ta'limga o'tkazilgan. Jumladan, 2 ta OTM, ya'ni Toshkent davlat yuridik universiteti (300 o'rin) hamda Qoraqalpoq davlat universiteti (50 o'rin) joriy yil ilk marta masofaviy ta'limga talaba qabul qilishadi.

@Algoritm_Edu

​#Qabul_2022

⚡️ RASMAN: KVOTALAR EʼLON QILINDI

🔰 2022/2023 oʻquv yilida OTM bakalavriatining kunduzgi, sirtqi, kechki, masofaviy taʼlim shakllari boʻyicha hamda OTM magistraturasiga davlat buyurtmasi asosida oʻqishga qabul qilish parametrlari:

▫️kunduzgi – yuklab olishg;

▫️kechki – yuklab olish;

▫️sirtqi – yuklab olish;

▫️masofaviy – yuklab olish;

▫️magistratura – yuklab olish.

@Algoritm_Edu

⚡️ CHala qabul boshlandi, kvotalarni tasdiqlashga baribir ulgurishmadi

Mana, 20 iyun ham keldi. Soat millari 00:01 ni ko'rsatmoqda. Prezident qaroriga ko'ra, bundan buyon OTMlarga qabul 20 iyundan 20 iyulgacha davom etadi.

Boshqacha aytganda bugundan abiturientlarni onlayn ro'yxatga olish boshlanadi.

DTMning xabar berishicha, abiturientlarni ro'yxatga olish o'tgan yillardagidek my.dtm.uz sayti yoki my.gov.uz portali orqali amalga oshiriladi (sizlarga DTM saytidan ro'yxatdan o'tishni maslahat beraman).

Ammo hozirda to'laqonli ro'yxatdan o'tishning imkoni yo'q. CHunki Davlat qabul komissiyasi hali kvotalarni tillar kesimida tasdiqlamadi, bundan tashqari moliyaviy mustaqillik berilgan OTMlarning kontrakt kvotalari ham tasdiqlangani yo'q. YA'ni garchi Prezident qarorida umumiy kvotalar tasdiqlangan bo'lsa-da, lekin o'zbek, rus, qoraqalpoq va boshqa tillarga nechta joy berilishi aniq emas, busiz abiturientlar yo'nalish tanlay olmaydi.

Demak, hozir abiturientlar faqatgina pasport ma'lumotlari, doimiy yashash manzili va tugatgan ta'lim muassasasi bo'yicha ma'lumotlarni kiritishlari, shuningdek, imtiyozlari mavjud bo'lsa, ularni tekshirishlari hamda chet tilidan milliy yoki xalqaro sertifikatga ega bo'lsa, sertifikat ma'lumotlarini kiritishlari mumkin.

Lekin 5 ta yo'nalish tanlay olishmaydi. Qachon kvotalar tillar kesimida tasdiqlansa, shundan keyingina yana bir marta saytdagi shaxsiy profiliga kirib, qaysi OTMlarga topshirmoqchiligini belgilashlari kerak.

Xullas, hozir ayni daqiqalardan qabul boshlandi. Lekin bu chala qabul. To'laqonli qabul boshlanganda yana qo'shimcha xabar beriladi.


@Algoritm_Edu

Abituriyentlarni onlayn ro‘yxatga olish boshlandi

Ro‘yxatdan o‘tkazish 20-iyundan 20-iyulgacha (20 iyul kuni ham) davom etadi.

👉 https://kun.uz/uz/60473073

@Algoritm_Edu

#it #dasturlash #videoI
Algoritm IT markazining zukko o'quvchilaridan biri Rahimjanov Muhammadjon

Videoni hoziroq tomosha qiling
👇👇👇👇
https://youtu.be/lsM9vjP5ESA

⚡️Oliy ta’lim muassasalariga kirish uchun onlayn ro‘yxatdan o‘tish bo‘yicha videoqo‘llanma

Hujjatlar 2 xil usul bilan topshirilishi mumkin:

1) Davlat test markazining https://my.dtm.uz sayti orqali;
2) Yagona interaktiv davlat xizmatlari portali (my.gov.uz) orqali.

Talab qilinadigan hujjatlar:

Avvalgi yillardagi bitiruvchilar uchun:

✅ pasport;
✅ diplom;
✅ til bilishi sertifikati; (agar mavjud boʻlsa)
✅ imtiyozi mavjud bo‘lganda, imtiyozni tasdiqlovchi hujjatlar.
✅ toʻlov summasi

Joriy yil bitiruvchilari uchun:

✅ pasport;
✅ bitiruv attestati (qabul qiluvchilar tomonidan bazadan elektron tarzda olinadi).

@Algoritm_Edu