Akmal Murodov

Suv tejamkorligi yo‘lida: O‘zbekistonda kanallarni betonlash

❗️

O‘zbekiston qishloq xo‘jaligi va suv resurslari boshqaruvida samaradorlikni oshirish maqsadida magistral kanal hamda ichki ariqlarni betonlash ishlarini keng miqyosda amalga oshirmoqda. Ushbu tashabbus suvdan oqilona foydalanish, hosildorlikni yaxshilash va ekologik barqarorlikni ta’minlashda muhim ahamiyat kasb etadi.

Muhim:

🔼Betonlangan kanallar orqali suv yo‘qotish sezilarli darajada kamayadi. Chunki suvning tuproqqa shimilishi oldi olinadi. Ayni paytda mazkur tadbirlar natijasida yetkazib berilayotgan suv hajmining 25–30 foizi saqlab qolinyapti. Shuningdek, 2024-yilda betonlangan 550 kilometr kanallar hisobiga yiliga 450 million kub metr suv tejalayotgani buning amaliy isbotidir. Bunday kanallar 5–10 yil davomida barqaror ishlashi bilan ham ajralib turadi.

💬Biroq ushbu jarayonning o‘ziga xos jihatlari ham mavjud. Masalan, 2025-yilning o‘zida magistral va ichki kanallarni betonlash uchun 800 milliard so‘mdan ortiq mablag‘ ajratilishi rejalashtirilgan. Shuningdek, ularning texnik holatini doimiy nazorat qilish, suv oqimining tezlashishi oqibatida qirg‘oq bo‘yidagi tabiiy muhitga ta’sirini o‘rganib borish zarur.

➡️Shu bilan birga, kanallarni betonlash nafaqat suv resurslarini tejash, balki qishloq xo‘jaligi ekinlarining hosildorligini oshirish va barqaror rivojlanish imkoniyatlarini kengaytirish orqali kelajak avlodlar uchun ham foydali natijalar yaratadi.