📘 Сув Кодекси: 4-модда — Асосий тушунчалар (V қисм)

💧 Суғориш тизими ва сув хўжалиги — қишлоқ хўжалиги маҳсулотдорлигини таъминлаш, ерлар унумдорлигини ошириш ва сув ресурсларидан оқилона ҳамда самарали фойдаланишнинг асосий йўналишларидан бири бўлиб, у сувдан фойдаланиш, сув хўжалиги объектларига техник хизмат кўрсатиш, сувнинг мақсадли етказиб берилишини таъминлаш, ташлама сувларни назорат қилиш, шунингдек трансчегаравий сувлар ва сув объектларини мувофиқлаштириб бошқариш каби вазифаларни ўз ичига олади.

Сув кодекси 4-моддасида қуйидаги тушунчалар аниқ таърифланган бўлиб, улар сув хўжалиги тизимини тўғри ташкил этиш ва бошқаришда муҳим аҳамиятга эга:

🛠 Сув хўжалиги хизмати — сувдан фойдаланувчига сув хўжалиги соҳасида шартнома асосида кўрсатиладиган хизмат.

🏢 Сув хўжалигининг фойдаланувчи ташкилоти — Ўзбекистон Республикаси Сув хўжалиги вазирлигининг ташкилоти бўлиб, унинг зиммасига сув хўжалиги объектларига техник хизмат кўрсатиш ва улардан фойдаланиш вазифалари юклатилган.

💦 Ташлама сувлар — каналлардан ва суғориш тармоқларидан сув объектларига ёки жой рельефига авария ҳолатида ташланадиган сувлар, шунингдек, суғориладиган ерлардан нооқилона фойдаланилиши натижасида улардан ташланадиган сувлар.

🌍 Трансчегаравий сувлар — икки ва ундан ортиқ давлатлар чегараларини кесиб ўтадиган ёки шундай чегараларда жойлашган ҳар қандай ер усти ёки ер ости сувлари.

🏞 Трансчегаравий сув объектлари — икки ва ундан ортиқ давлатлар чегараларини кесиб ўтадиган ёки шундай чегараларда жойлашган сув объектлари.

⚠️ Трансчегаравий таъсир — жисмий манбаси тўлиқ ёки қисман у ёки бу соҳил бўйи давлат юрисдикцияси остидаги ҳудудда жойлашган, трансчегаравий сувлар ҳолати инсон фаолияти таъсирида ўзгариши натижасида юзага келадиган, бошқа соҳил бўйи давлат юрисдикцияси остидаги ҳудуддаги атроф-муҳитга бўлган ҳар қандай жиддий зарарли таъсир оқибатлари.

📢 Бу тушунчалар сув хўжалиги соҳасидаги ҳуқуқий ва амалий ишлар учун муҳим меъёрий база ҳисобланади. Улар сув ресурсларини бошқаришда ҳамда давлатлараро сув муносабатларини тартибга солишда асосий ҳуқуқий тушунчалар сифатида хизмат қилади.


😎 TELEGRAM /  🤑 SAVOLLAR  /  📱"TOMCHI" MI /  😎  YOU TUBE / 😎 FACEBOOK
#Суғориш #СувХўжалиги #ҚишлоқХўжалиги #СувРесурслари #ОқилонаФойдаланиш #БарқарорРивожланиш

#Қонунчиликдаги_янгиликлар

❗️Сув кодекси қабул қилинди

Манба: ЎРҚ-1076-сон, 30.07.2025 йил.

Каналга уланиш👇👇👇
https://t.iss.one/huquqiyaxborot

✅
ЭНДИ СУВ ТЕКИН ЭМАС

Ҳеч ўйлаб кўрганмисиз, биз фойдаланаётган ичимлик суви қаердан келади? Бизгача қандай босқичлардан ўтади? Ўзи у истеъмолга қанчалик яроқли? Жаҳонда ва юртимизда сувга муносабат қандай? Яқинлашиб келаётган қурғоқчилик ҳақидаги огоҳлантиришлар қанчалар жиддий?

Мазкур тизимдаги муаммо ва ютуқлар ҳақида атрофлича маълумот олиш учун “Jadid” газетаси ходимларидан иборат ижодий гуруҳ “Ўзсувтаъминот” акциядорлик жамияти фаолияти билан яқиндан танишишни мақсад қилди.

📱 Тўлиқ видеони YouTube саҳифамизда томоша қилинг: https://youtu.be/NP7BJqNS9ds

Тилда, фикрда, ишда бирлик!
Jadid.uz | Telegram | Facebook | Instagram | YouTube