#reyd_tadbirlari

Buxoro viloyatida aholi orasida ichimlik suvi xizmatlari uchun mavjud debitor qarzdorliklarni qisqartirish hamda suv tarmoqlariga noqonuniy ulanishlarni oldini olish maqsadida nazorat reyd tadbirlari jadal amalga oshirilmoqda.

💬Xususan, aksiyadorlik jamiyati direktori Sh.Sadillayev boshchiligida tuzilgan ishchi guruhlar tomonidan oʻtgan 4 kun ichida joylarda olib borilgan tadbirlar davomida isteʼmolchilardan jami 150 mln soʻmdan ortiq debitor qarzdorlik toʻlovlari undirildi.

🎚Shuningdek, ichimlik suvidan noqonuniy ravishda foydalanish (4 ta), suvni hisobga olish uskunalaridan foydalanish qoidalarini buzish (6 ta) holatlari hamda ichimlik suvi uchun qarzdorliklarni toʻlashdan bosh tortgan (50 nafar) isteʼmolchilarga nisbatan, Vazirlar mahkamasining 194-sonli qaroriga asosan dalolatnomalar rasmiylashtirilib, tegishli tartibda tarmoqdan uzish choralari qoʻllanildi.

📌🌐Vazirlar Mahkamasining 2014-yil 15-iyuldagi 194-son qarorining 2-Ilovasining IV bob 50 moddasiga binoan:

Ichimlik suv taʼminoti va kanalizatsiya tizimidan ilgari uzib qoʻyilgan (oʻzboshimchalik bilan ulanish, qarzdorlik mavjud boʻlganda yoki shartnoma shartlari bajarilmaganda) shaxslarni qayta ulashda I guruh (jismoniy) isteʼmolchilaridan bazaviy hisoblash miqdorining ikki baravari (750 ming soʻm) miqdorida;

II va III guruh (yuridik) isteʼmolchilaridan bazaviy hisoblash miqdorining oʻn baravari (3 mln. 750 ming soʻm) miqdorida jarima solinib, toʻlovlarni tashkilot hisobiga oʻtkazish orqali 3 kundan kechiktirmay tarmoqga qayta ulanadi.

➖➖➖➖➖➖➖➖➖➖➖➖➖

📌Respublika ishchi guruhi tomonidan 2025-yil 20–22-may kunlari Navoiy viloyatining shahar va tumanlarida aholi bilan bevosita muloqotni yo‘lga qo‘yish, ishsizlik va kambag‘allik darajasini kamaytirish, shuningdek, chekka va olis hududlar infrastrukturasi hamda obodonlashtirish ishlarini jadallashtirish maqsadida sayyor qabullar o‘tkazilishi belgilangan.

🌐Mazkur tadbir doirasida Navoiy shahridagi Ma’naviyat va ma’rifat markazida Navoiy shahri, Karmana va Qiziltepa tumanlari aholisi ishtirokida hamda Navbahor tumanidagi 2-sonli politexnikum binosida — Konimex, Xatirchi, Nurota tumanlari va G‘azg‘on shahri aholisi uchun navbatdagi sayyor qabullar tashkil etildi.

Unda fuqarolarning turli sohalarga oid murojaatlari tinglanib, tegishli tashkilotlar vakillari tomonidan muammolarni hal etish yuzasidan chora-tadbirlar ko‘rildi.

✍️💧Sayyor qabul doirasida Respublika ishchi guruhi tarkibidagi “O‘zsuvta’minot” AJ Suv bosimini boshqarish bo‘limi bosh mutaxassisi Rasul Abdullayev boshchiligida suv ta’minoti sohasiga oid muammo va takliflar o‘rganildi. Qabulda 20 nafardan ortiq fuqaro o‘z murojaatlari bilan ishtirok etdi.

✅Jumladan, suv ta’minoti xizmatlari uchun to‘lovlarni amalga oshirishda muammoga duch kelgan ikki nafar fuqaroning murojaatlari joyida hal etildi. Shuningdek, mehnat yarmarkasi davomida ishga joylashish istagini bildirgan fuqarolardan biri “Navoiy suv ta’minoti” AJ Navbahor tumani bo‘limiga inspektor lavozimiga ishga qabul qilindi.

📝Sayyor qabul davomida bildirilgan murojaatlar asosida tegishli mutasaddilarga zaruriy ko‘rsatmalar berildi va bildirilgan muammolarni tizimli ravishda hal etish bo‘yicha ishlar belgilab olindi.