Президент маҳаллаларни обод, озода ва яшил маконга айлантириш, маданий-маърифий тадбирларни кўпайтириш масаласига ҳам тўхталди.

Хусусан, “Пойтахт – маданият ва маърифат булоғи” лойиҳаси доирасида таниқли 400 дан зиёд маҳаллада мумтоз куй-қўшиқ ва мақом кечалари уюштирилди. Аҳоли учун 40 та спектакль, 70 дан зиёд миллий фильмлар намойиши, 20 дан ортиқ гала-концерт ташкил қилинди.

Мутасаддиларга “темир”, аёллар” ва “ёшлар” дафтарларига киритилган аҳолини театрлар, музей ва концертларга бепул чипталар билан таъминлаш амалиётини йўлга қўйиш топширилди.

“Маҳаллада дув-дув гaп” лойиҳаси доирасида ижтимоий ҳимояга муҳтож оилаларнинг 56 нафар фарзандининг суннат тўйлари ўтказиб берилгани халқимизга хос меҳр-оқибат ва мурувватнинг яна бир намунаси бўлди.

Ўтказилаётган маданий-маърифий тадбирлар пойтахтимиз аҳолиси орасида катта қизиқиш уйғотиб, жамоатчилик томонидан ижобий баҳоланаётганини ҳисобга олиб, бу ишлар кўламини янада кенгайтириш зарурлиги таъкидланди.

📈1-mart holatiga ko‘ra, respublikada iste’molchilarning jami debitor qarzdorligi 1,1 trln. so‘mni tashkil etmoqda.

Shundan:

👤930,8 mlrd. so‘m jismoniy shaxslar;

🏢181,3 mlrd. so‘m esa yuridik shaxslarning hissasiga to‘g‘ri kelmoqda.

Eng yuqori ko‘rsatkichlar quyidagicha:

▪️Toshkent shahrida – 218,2 mlrd. so‘m;

▪️Toshkent viloyatida – 139,4 mlrd. so‘m;

▪️Andijon viloyatida – 89,3 mlrd. so‘m.

Batafsil “O‘zsuvta’minot” AJ Axborot xizmati rahbari Akmal Murodovning RASMIY BAYONOTIDA👆

Telegram | Instagram | Facebook | Twitter | YouTube | Chat

❗️Давлат органларининг телеграмдаги расмий саҳифаларини кузатиб боринг!

Ўзбекистонда расмий ахборотнинг биринчи манбаси - ахборот хизматлари ҳисобланади. Ҳозирги кунда барча давлат органлари телеграмда ўз саҳифаларини юритишмоқда.

Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

🔔 Давлат органларининг расмий каналлари билан танишиб, аъзо бўлишни тавсия қиламиз.

📌Normativ-huquqiy hujjatlar loyihalari muhokamasi portalida O‘zbekiston Respublikasi Prezidentining “Suv ta’minoti sohasida malakali xodimlarni tayyorlash tizimini rivojlantirish chora-tadbirlari to‘g‘risida”gi qarori loyihasi joylashtirildi.

Hurmatli yurtdoshlar!

Portalda avtorizatsiyadan o‘tib, mazkur qaror loyihasiga oid o‘z takliflaringizni qoldirishingiz mumkinligini eslatib o'tamiz. Qaror loyihasining muhokamasi joriy yilning 23-apreliga qadar davom etadi.
—————————————
📌На портале обсуждения проектов нормативно-правовых актов размещен проект постановления Президента Республики Узбекистан “О мерах по развитию системы подготовки квалифицированных работников в сфере водоснабжения”.

Уважаемые соотечественники!

Напоминаем вам о том, что пройдя авторизацию на портале, вы можете оставить свои предложения по проекту данного постановления. Обсуждение проекта постановления завершится 23 апреля текущего года.

Telegram | Instagram | Facebook | Twitter | YouTube | Chat

Joriy yilning I choragida Toshkent viloyatida quyidagi ishlar amalga oshirildi:

🏗Bo‘ka tumanida 12,4 km ichimlik suvi tarmoqlari va 1 ta suv minorasi o‘rnatildi(natijada 1625 nafar aholi ilk bor markazlashgan ichimlik suvi bilan taʼminlandi);

👤isteʼmolchilar soni 4 030 nafarga ortdi;

💧isteʼmolchilarga 13 588 786 kub metr ichimlik suvi va 11 344 926 kub metr oqova suv xizmatlari ko‘rsatildi.

Batafsil “Toshkent suv ta’minoti” MCHJ Axborot xizmati rahbari Akmal Qodirov ishtirokida o‘tgan brifingda👆

Telegram | Instagram | Facebook | Twitter | YouTube | Chat

Бироздан сўнг Президент Шавкат Мирзиёев ҳузурида аҳолини фармацевтика маҳсулотлари билан узлуксиз таъминлаш, янги турдаги дори воситаларини ишлаб чиқаришни ўзлаштириш чора-тадбирлари юзасидан йиғилиш бошланади.
—
Скоро при Президенте Шавкате Мирзиёеве начнется совещание по мерам бесперебойного обеспечения населения фармацевтической продукцией и освоения производства новых видов лекарственных средств.

Facebook|Instagram|Twitter

Президент ҳузурида фармацевтика соҳасини ривожлантириш бўйича йиғилиш ўтказилмоқда.

Ўзбекистоннинг янги тараққиёт стратегиясида мамлакатда дори воситалари ишлаб чиқаришни 3 бараварга ошириш вазифаси қўйилган. Бу борада январда беш йиллик дастур ҳам қабул қилинди.

Лекин соҳада ишларнинг бугунги ҳолати билан бу марраларга эришиб бўлмайди, деди давлатимиз раҳбари.

Мамлакатимизда йилига 1,6 миллиард долларлик 1,5 мингдан зиёд турдаги фармацевтика маҳсулотлари истеъмол қилинади.
Шундан 647 турдаги дори ва тиббий буюмлар ўзимизда ишлаб чиқарилгани билан, ҳар йили қарийб 1,2 миллиард долларлик маҳсулотлар импорт қилинмоқда.

Қашқадарё, Сурхондарё, Хоразм, Бухоро ва Фарғонада истеъмол қилинадиган дорининг атиги 2-5 фоизи маҳаллий ишлаб чиқарувчилар ҳиссасига тўғри келади.

“Ҳудудларни дори воситалари билан таъминланганини таҳлил қилдим – бу мутлақо қониқарсиз. Шунинг учун ўзимизда ишлаб чиқарилган дори воситаларини кўпайтириш бўйича кескин чоралар кўришимиз шарт”, деди Президент.

Президент топшириғига кўра барча фармацевтика корхоналари билан учрашувлар ўтказилди. Улар томонидан 50 га яқин муаммо кўтарилди. Мисол учун:

- тиббиёт муассасалари томонидан давлат харидларида дори воситаларини “савдо номи” билан жойлаштириш, бир неча дориларни битта лотга қўйиш ҳолатлари мавжуд;

- маҳаллий ишлаб чиқарувчилар амалиётда 15 фоизлик нарх преференциясидан фойдалана олмаяпти;

- ташқи омиллар ҳисобига 150 турдаги аҳоли учун керакли дори воситаларида узилиш бўлиши хавфи мавжуд;

- корхоналар билан маҳсулотини 3 йил давомида кафолатли сотиб олиш (офтейк) тизимини жорий қилиш бўйича амалий ишлар бошланмади.

Бундан ташқари, ички бозорда қалбаки ва контрафакт дорилар сотилишига ҳалигача барҳам берилгани йўқ.

Мисол учун, 2021 йилда 24 турдаги қалбаки, 400 турдаги сифатсиз, 1,5 мингдан зиёд номдаги контрафакт ва 2,5 минг номдаги рўйхатдан ўтмаган дори ва тиббиёт буюмлари савдоси аниқланган.

Бош прокуратурага бу борадаги назоратни кучайтириши зарурлиги кўрсатиб ўтилди.

Йиғилишда аҳолини сифатли дори воситалари билан таъминлаш бўйича тегишли вазирлик ва идораларнинг саъй-ҳаракатларини бирлаштириш лозимлиги таъкидланди.

Бу фақат Фармацевтика тармоғини ривожлантириш агентлигининг иши эмаслиги, балки:

- Соғлиқни сақлаш вазирлиги талабни шакллантириши ва сифатли маҳаллий дориларни қидириб топиши;

- Молия вазирлиги кафолатли давлат харидларини жорий қилиб, маҳаллий ишлаб чиқарувчилар иштирокини кенгайтириши;

- Инвестиция ва ташқи савдо вазирлиги яратилаётган кенг имкониятлардан фойдаланиб, лойиҳаларни кўпайтириши зарурлиги кўрсатиб ўтилди.

“Агар вилоят ҳокимлари 200 дан зиёд фармацевтика корхоналари билан учрашиб, масалани ичига кирганида эди, кўп муаммолар жойида ҳал бўларди”, деди Президентимиз.

Фармацевтика агентлигида лойиҳалар билан ишлаш тизимини мутлақо янгидан ташкил этиш зарурлиги қайд этилди.

Бунинг учун Инвестиция вазирлигидан агентликка биринчи ўринбосар – Улуғбек Эгамов тайинлангани маълум қилинди.
Унга агентлик тизимига янги инвестиция муҳитини олиб кириш шартлиги кўрсатиб ўтилди.

Агентлик ва вилоят ҳокимлари олдига жорий йилнинг ўзида 80 миллион долларлик 34 та лойиҳани ишга тушириш вазифаси қўйилган. Мисол учун, жорий йилда Тошкент фармацевтика паркида 50 миллион долларлик 2 та лойиҳани ишга тушириш режалаштирилган.

Жами ушбу кластерда 3 йилда 280 млн долларлик 6 та корхонани ишга тушириш кўзда тутилган.

Ёки, Бухоро, Жиззах, Навоий, Қашқадарё, Сурхондарё ва Хоразмда атиги 1 тадан энг оддий дориларни ишлаб чиқарадиган корхона мавжуд бўлсада, мазкур вилоятлар келгуси 2 йилда бор-йўғи 2 тадан янги лойиҳани амалга оширишни режа қилган.

Мутасаддиларга йирик хорижий компаниялар билан музокаралар ўтказиб, камида 10 та брендни жалб қилиш бўйича келишувга эришиш топширилди.

Йиғилишда Инвестициялар лойиҳа маркази томонидан ишлаб чиқилган 18 та йирик истиқболли лойиҳа бўйича инвестицияларни жалб қилиш вазифаси қўйилди.

Жумладан:

- Андижонда онкология ва гепатитга қарши дорилар бўйича Ҳиндистон билан;

- Тошкент шаҳри ва Тошкент вилоятида юрак-қон томир ва нафас йўллари, юқумли касалликлар бўйича Германия ва Туркия билан;

- Наманган, Самарқанд ва Сирдарёда тиббий буюмлар бўйича Хитой ва Корея билан ҳамкорликни йўлга қўйиш зарурлиги кўрсатиб ўтилди.

Шу билан бирга, жойларда маҳаллий ишлаб чиқарувчиларнинг инфратузилма билан боғлиқ муаммолари кўриб чиқилди. Мутасаддиларга вилоят ҳокимлари билан бирга бир ой муддатда кичик саноат зоналарида инфратузилмани яхшилашга ажратилган маблағлар ҳисобидан 50 миллиард сўм йўналтириш топширилди.

Инвестициялар ва ташқи савдо вазирлиги янги лойиҳаларни молиялаштиришга ҳамда айланма маблағларни тўлдириш учун кредитларга 1 майга қадар 100 млн. доллар, 1 сентябрга қадар яна 100 млн. доллар жалб қилиш чораларини кўради.

Давлатимиз раҳбари экспортнинг асосий қисми (84 фоизи) Тошкент шаҳри, Тошкент ва Сирдарё вилоятларига тўғри келаётганига эътибор қаратиб, қолган вилоятларда ушбу кўрсаткичлар қониқарсиз аҳволдалиги танқид қилди.

Шу боис, мутасаддиларга йил якунигача фармацевтика маҳсулотлари экспортини 105 млн. долларга етказиш вазифаси қўйилди. Вилоят ҳокимлари лойиҳаларни амалга оширишдаги ташкилий масалаларни ҳал қилишга шахсан масъул эканликлари таъкидланди.

1 июлга қадар талаб юқори бўлган 120 турдаги дори воситаларини маҳаллий ишлаб чиқарувчилардан 3 йил муддатга кафолатли харид қилиш бўйича шартномалар тузилади. Ҳозирги кунда ушбу дорилар 300 млн. долларга четдан олиб келинмоқда.

Бунда, ишлаб чиқариш йўлга қўйилган 25 турдаги дорилар 1 июлдан харид қилинади. Келгуси йилдан эса 70 турдаги дориларни ишлаб чиқариш ва сотиб олиш йўлга қўйилади. Бунда асосий эътибор онкология, гематология, эндокрин ва вирусли касалликларни даволашга қаратилади.

Жорий йилда кафолатли харидларга 300 млрд. сўм йўналтирилади.

Йиғилишда маҳаллий фармацевтика корхоналарини қўллаб-қувватлаш бўйича чоралар белгиланди. Жумладан:

- қўшилган қиймат солиғидан озод этиладиган хом ашёлар рўйхати Инвестициялар вазирлиги, Божхона қўмитаси ва Фармацевтика агентлиги томонидан тасдиқланади. Ҳозирги кунда ушбу рўйхат 5 та вазирлик томонидан тасдиқланади ва 5 йилдан буён янгиланмаган;

- маҳаллий корхоналарнинг GMP сертификатини олиш билан боғлиқ харажатлари Фармацевтика агентлиги томонидан қоплаб берилади;

- корхоналарни модернизация қилишни молиялаштириш Тўғридан-тўғридан инвестициялар жамғармаси иштирокида амалга оширилади.

Йиғилишда йил якунига қадар 80 та туманни доривор ўсимликларни етиштиришга мослаштириб, 7,5 минг гектарда плантациялар ташкил этиш (ҳозирда 600 гектар) вазифаси қўйилди.

Экспортбоп доривор ўсимликларни етиштиришни кенгайтириш мақсадида бу соҳага кооперация ва оилавий тадбиркорлик учун назарда тутилган барча имтиёз ва молиялаштириш тартиблари татбиқ этилади.

Молия вазирлигига аҳоли томорқаси учун қудуқ қазишга қўшимча 50 миллиард сўм ажратиш топширилди. Жорий йилда заъфарон плантацияларини камида 5 бараварга кўпайтириш чоралари кўрилади.

Эндиликда доривор ўсимликларни қайта ишлайдиган корхоналар:

- 2025 йил 1 январга қадар ускуна ва эҳтиёт қисмлар, хомашё импортида божхона божидан озод қилинади;

- тайёр маҳсулотлар экспорти учун транспорт харажатларининг 50 фоизигача қисми қоплаб берилади;

- ҳар 10 гектар плантацияларга сув чиқариш учун 600 минг сўмдан субсидия ажратилади;

- доривор ўсимликлар плантацияларига бошқа турдаги қишлоқ хўжалиги экинларини жойлаштиришга йўл қўйилмайди.

Янги лойиҳаларни бошлашга ҳамда айланма маблағларни тўлдириш учун Қишлоқ хўжалиги жамғармасидан 100 млрд. сўм ажратилади.

#ELON

💵O‘zbekiston Respublikasi Osiyo infratuzilmaviy investitsiyalar bankidan(OIIB) «Buxoro viloyati suv ta’minoti va oqova suv tizimlarini rivojlantirish va modernizatsiya qilish(2-bosqich)” loyihasini amalga oshirish maqsadida 248,4 mln AQSH dollariga teng moliyalashtirish uchun ariza topshirib, ushbu mablag‘ning bir qismini mazkur loyiha doirasida xarid qilinadigan tovarlar, ishlar, konsultatsion va konsultatsion bo‘lmagan xizmatlarni to‘lashga yo‘naltirishni rejalashtirgan. O‘zbekiston Hukumati ushbu loyihani amalga oshirish vazifasini "O‘zsuvta’minot“ AJga topshirdi.

❗️Loyiha uchun tovarlar, ishlar, konsultatsion va konsultatsion bo‘lmagan xizmatlarni taqdim etishga qiziqish bildirgan vakolatli firma va jismoniy shaxslar yoki qo‘shimcha ma’lumotga ega bo‘lishni istaganlar «O‘zsuvta’minot» AJ bilan quyidagi elektron pochta manzili orqali bog‘lanishlari mumkin:

[email protected]

Batafsil👉 https://uzsuv.uz/uz/posts/12
————————————————————
#ОБЪЯВЛЕНИЕ

❗️Республика Узбекистан подала заявку на финансирование в размере 248,4 млн долларов США от Азиатского банка инфраструктурных инвестиций (АБИИ) для реализации проекта «Развитие и модернизация систем водоснабжения и водоотведения в Бухарской области(фаза 2)» и намерена направить часть средств на оплату товаров, работ, неконсультационных и консультационных услуг, закупаемых в рамках данного проекта. Правительство Узбекистана поручило реализацию проекта АО «Узсувтаминот».

❗️Заинтересованные правомочные фирмы и физические лица, которые хотели бы рассмотреть возможность предоставления товаров, работ, неконсультационных услуг и консультационных услуг для вышеупомянутого проекта, или те, которым требуется дополнительная информация, должны связаться с АО «Узсувтаъминот» по указанному ниже адресу:

e-mail: [email protected]

Подробнее👉https://uzsuv.uz/ru/posts/12
——————————————————
#АNNOUNCEMENT

💵The Republic of Uzbekistan has applied for financing in the amount of US$ 248.4 million from the Asian Infrastructure Investment Bank (AIIB) toward the cost of the Bukhara Region Water Supply and Sanitation Project(phase 2), and it intends to apply part of the proceeds to payments for goods, works, non-consulting services and consulting services to be procured under this project. The Government of Uzbekistan has entrusted the project to JSC “Uzsuvtaminot” for the project implementation.

❗️Interested eligible firms and individuals who would wish to be considered for the provision of goods, works, non-consulting services and consulting services for the above-mentioned project, or those requiring additional information, should contact the Borrower at the address below:

e-mail: [email protected]

More👉https://uzsuv.uz/en/posts/12

Telegram | Instagram | Facebook | Twitter | YouTube | Chat

Президент Шавкат Мирзиёев бугун қутлуғ 75 ёшга тўлган Ўзбекистон халқ артисти Шерали Жўраевни “Эл-юрт ҳурмати” ордени билан мукофотлаш тўғрисидаги фармонни имзолади.
Давлатимиз раҳбари ушбу сана муносабати билан ҳурматли ҳофизимизга табрик ҳам йўллади.

“Эл-юртимиз Сизни бутун ҳаётини ўзбек маданияти ва санъатини ривожлантиришга бағишлаган, ўз ижодий мактабини яратган улкан ва бетакрор истеъдод эгаси, фидойи ва миллатпарвар шахс сифатида яхши билади ва юксак қадрлайди” дейилади табрикда.

Шерали Жўраев 50 йилдан зиёд ижоди давомида “Ўзбегим”, “Соҳибқирон”, “Эгаси бор юрт”, “Карвон”, “Сарбон”, “Инсон қасидаси” каби 600 га яқин қўшиқ яратган. Унинг “Биринчи муҳаббатим”, “Ёшлигимиз”, “Ой юзингга”, “Ошиқлар сардори”, “Дўст бўлсанг, ёнимда тур” каби ашулалари халқ қўшиқларига айланиб кетган.

Хонанда мумтоз шоирларимиз ғазалларини куйга солиб, халқимиз меросини ёш авлодга ва жаҳонга танитишга улкан ҳисса қўшган.
Шерали Жўраев 1981 йилда “Ўзбекистонда хизмат кўрсатган артист”, 1987 йилда “Ўзбекистон халқ артисти” фахрий унвонлари, 2018 йилда “Фидокорона хизматлари учун” орденига сазовор бўлган. Бугунги “Эл-юрт ҳурмати” ордени истеъдодли ва фидойи санъаткорга давлатимизнинг эътибори, халқимиз ҳурматининг яна бир ифодаси бўлди.

Ҳофиз ўз маданияти, фидокорона меҳнати билан эл орасида обрў-эътиборга, катта ҳаётий тажрибага эга. Бугунги кунда Шерали Жўраев “Ватандошлар” жамоат фонди Васийлик кенгаши раиси вазифасида самарали фаолият юритиб келмоқда.

Улуғ санъаткоримизга кўрсатилган бундай ҳурмат мамлакатимизда, умуман, санъат соҳасига қаратилаётган эътиборнинг бир ифодасидир.

Ўзбекистон Республикаси Президенти Ш.М.Мирзиёевнинг шу йил 2 февралдаги “Маданият ва санъат соҳасини янада ривожлантиришга доир қўшимча чора-тадбирлар тўғрисида”ги қарори асосида бу борадаги ишлар янги босқичга кўтарилди. Ёш авлод қалбида миллий маданиятга бўлган муҳаббатни шакллантириш, истеъдодларни аниқлаш ва тарбиялашга янада кенг шароитлар яратилмоқда. Бунда Шерали Жўраев каби устоз санъаткорларнинг намунаси, ижодий мактаби катта ўрин тутади.