#Ижтимоий_ролик

Hurmatli iste’molchilar!

Suv ta’minoti xodimi sizdan shubhali tarzda pul so‘rasa, hisoblagichni qayta qiyoslovdan o‘tkazish uchun ortiqcha mablag‘ talab qilsa, qarzdorlikni yo‘qotib berish maqsadida ta’magirlikka yo‘l qo‘ysa, yoki shunga o‘xshash korrupsion holatlarga duch kelganingizda «Surxondaryo suv ta’minoti» AJ komplayens-nazorat bo‘limining +(998) 33-301-14-44 hamda (+998) 78-770-80-22 telefon raqamlariga qo‘ng‘iroq qiling.

Ushbu raqamlar orqali bergan xabaringiz va shaxsingiz sir saqlanadi.

Telegram | Facebook | Instagram | YouTube | Web-site | Twitter

#Биласизми

Ўзбекистон Республикаси Жиноят кодексининг 169-моддасида сув ресурсларидан фойдаланишдаги қонунбузарликлар учун жавобгарлик қатъий белгилаб қўйилган.

Жумладан, умумий фойдаланишдаги совуқ ёки иссиқ сув тармоқларига тижорат мақсадида ўзбошимчалик билан уланиш, сув счётчикларини бузиш, пломбаларни ёки кўрсаткичларни ўзгартириш – ўғрилик сифатида баҳоланади.

Агар бундай ҳаракатлар сув таъминоти ташкилотининг ходимлари билан тил бириктириб амалга оширилса, жиноят янада оғирлашади.

➡️ Бундай ҳолларда қуйидаги жазо чоралари қўлланилиши мумкин:

300 БҲМгача жарима;

2–3 йил ахлоқ тузатиш ишлари;

3–5 йил озодликни чеклаш ёки озодликдан маҳрум этиш.

Сув — умумий бойлик ва миллат мулки! Уни ноқонуний йўл билан эгаллаш нафақат адолатсизлик, балки қонунга зид ҳаракатдир. Ҳар бир томчи сувнинг ҳисоб-китоби бор. Қонунга риоя қилиш — жамият тараққиётининг гаровидир.

Истеъмолчилар ва тадбиркорларга — фақат қонуний тартибда сув таъминотига уланиш, ва ҳисоблаш асбобларига дахл қилмаслик тавсия этилади.

⏺️ Батафсил
https://t.iss.one/ErkinHayitov

Бугун Президент Шавкат Мирзиёев Жиззах вилоятига ташриф буюриб, саноат ва ижтимоий соҳада амалга оширилаётган ишлар, янги ишлаб чиқариш қувватлари ва бошқа объектлар билан танишади.
—
Сегодня Президент Шавкат Мирзиёев посетит Джизакскую область, где ознакомится с проводимой работой в промышленности и социальной сфере, новыми производственными мощностями и другими объектами.

Facebook|Instagram|X

#Биласизми

Ичимлик суви: бир томчидаги меҳнат, тизим ва масъулият

Ҳар бир хонадонда кранни очганимизда оқиб келаётган сув — бу оддий, кундалик ҳолатдек туюлади. Бироқ айнан шу оддий ҳолатнинг ортида қўшимча ресурслар, замонавий технологиялар, бошқарув тизими ва инсон меҳнати ётибди. Тоза ичимлик сувини аҳолига узлуксиз ва хавфсиз етказиш — ҳар қандай мамлакатда стратегик аҳамиятга эга вазифа саналади. Ўзбекистонда ҳам бу соҳада тизимли ишлар олиб борилмоқда, бироқ ҳали ечим талаб қилувчи муаммолар ҳам йўқ эмас.
Табиий манбадан тортиб хонадонгача — тизимли жараён

Ичимлик сувининг манбалари асосан икки турда бўлади:
Ер ости сувлари (артезиан қудуқлари)
Ер усти манбалари (дарёлар, сув омборлари)

Бу сувлар тўғридан-тўғри ичишга яроқли эмас. Сувни тозалаш ва зарарсизлантириш жараёни — махсус қурилмалар, фильтрлар ва кимёвий моддалар ёрдамида амалга оширилади. Тозаланган сув катта резервуарларга йиғилади ва босим орқали магистрал қувурлар орқали шаҳар ва қишлоқларга тарқатилади.
Бу тизим мунтазам назорат, техник хизмат ва бошқарув талаб этади. Ҳар бир фуқарога сув белгиланган тартибда ҳисоблагичлар орқали етказилади.
Сув таъминоти тизими фақат техник эмас, балки инсон ресурсларига ҳам боғлиқ.
Сувни насослаш, тозалаш, сақлаш, тарқатиш — буларнинг ҳар бирига алоҳида мутахассислар жалб этилган. Сув таъминоти корхоналари фаолияти сувнинг хавфсизлиги, сифат назорати, таъмирлаш ишларини ўз ичига олади.
Тизимнинг узлуксиз ишлаши учун катта миқдорда маблағ талаб этилади. Насос станциялари, резервуарлар, фильтрация иншоотлари ва қувурларнинг ўз вақтида янгиланиши ёки таъмирланиши — давлат ёки хусусий сектор томонидан қопланади.
Тоза ичимлик суви — оммавий саломатлик учун асосий омиллардан бири. Сув орқали юқадиган касалликлар ҳануз дунё бўйича миллионлаб инсонларнинг ҳаётига таҳдид солади. Шу сабабли, сув таъминоти тизимидаги ҳар қандай носозлик фақат техник муаммо эмас, балки ижтимоий хатар деб қаралиши лозим.
Ўзбекистонда бу борада аҳолини тоза ичимлик суви билан таъминлашни яхшилаш учун давлат дастурлари ишга туширилган. Бироқ ҳанузда чекка қишлоқларда, айниқса тоғли ҳудудларда узлуксиз таъминот масаласи долзарблигича қолмоқда.

Сув таъминоти тизимида учрайдиган асосий муаммолардан бири — ўзбошимчалик билан сув тармоқларига уланиш, ҳисоблагичларни бузиш, ноқонуний истеъмол.

Ўзбекистон Республикаси Жиноят кодексининг 169-моддасида бундай ҳолатлар — ўғрилик деб баҳоланиб, жиддий жазоланади. Бу нафақат иқтисодий йўқотиш, балки умумий тизимнинг барқарор ишлашига халақит беради.
Сув таъминоти тизимининг ҳар бир поғонасида меҳнат бор. Бу тизим узлуксиз ишлаши учун фақат давлат ёки корхона эмас, балки аҳолининг ўзи ҳам масъул.

Ичимлик сувини самарали сарфлаш
Ускуналарга шикаст етказмаслик
Ҳисоблагич орқали қонуний тўловларни амалга ошириш

— булар соғлом жамият ва барқарор ресурс бошқарувининг асосидир.

Ичимлик суви — табиатдан берилган неъмат. Лекин бу сув бизгача етиб келишидан аввал жуда кўп босқичларни босиб ўтади: табиий манбадан тозалашгача, резервуардан қувургача, қувурдан хонадонгача.
Ушбу тизимнинг барқарорлиги — меҳнат, молия, техник назорат ва фуқаролик масъулиятига боғлиқ. Шу сабаб, ҳар бир томчи сув — меҳнат, неъмат, жавобгарлик белгисидир.

⏺️ Батафсил
https://t.iss.one/ErkinHayitov

📢Эълон!

Олий Мажлис ҳузуридаги Жамоат фонди молиявий кўмагида давлат ижтимоий буюртмаси шаклида амалга оширилган лойиҳа доирасида Сирдарё вилоятининг Оқолтин тумани “Андижон”, “Обод” ва “Мустақиллик” маҳаллаларида тоза ичимлик суви иншоотлари бунёд этилди.

🗓2025 йил 23 июль куни соат 17:00 да ушбу иншоотларни фойдаланишга топшириш маросими бўлиб ўтади.

❗️ОАВ вакиллари ва блогерлар таклиф этилади!

☎️Мурожаат учун: 78 238-27-85, 97 276-00-65

🇺🇿 Oʻzbek (lotin)

🔻 Ахборот каналларимизни кузатиб боринг

Веб-сайт | Telegram | Instagram | Facebook | Youtube