“Қашқадарё сув таъминоти” АЖ ва ичимлик сувидан фойдаланишни назорат қилиш инспекцияси ходимлари томонидан Қарши тумани, Хонобод қишлоғида магистрал ичимлик суви қувурига ноқонуний уланиш ҳолатини аниқлаган эди.

Рейд тадбири давомида Яккабоғ-Қарши магистрал бош сув қувурига 3 та нуқтадан диаметри 15, 25 ва 40 мм бўлган қувурлар орқали уланиб, тоза ичимлик суви билан дала майдони суғорилаётганлиги маълум бўлган, аммо дала майдони, шийпон эгаси номаълумлигича қолган эди.

Ҳолат  юзасидан ўтказилган қўшимча ўрганишлар натижасида дала майдони ва шийпон "Насаф соф чорва" хусусий корхонасига тегишли эканлиги маълум бўлди.

Дастлабки ҳисоб-китобларга кўра, сув таъминоти корхонасига етказилган зарар миқдори 5 млрд 954 613 сўмни ташкил этмоқда.
(Эслатма: якуний зарар миқдорига экспертиза хулосасига кўра қўшимча аниқланади).

|😄Telegram |💬Facebook     |🌐Instagram