Apparat yig‘ilishi yakunlari bo‘yicha ko‘rilgan masalalar va berilgan topshiriqlar

Bugun 23-iyunda “O‘zsuvta’minot” AJ boshqaruvi raisi v.b. Axmad Suvankulov rahbarligida o‘tkazilgan apparat yig‘ilishida bir qator dolzarb masalalar muhokama qilinib, tegishli vazifalar belgilab olindi. Jumladan:

1. Hududiy suv ta’minoti korxonalari filiallarini zarur texnik vositalar bilan to‘liq (100 foiz) ta’minlash choralarini ko‘rish.
Bu orqali korxonalar faoliyatining samaradorligini oshirish va xizmat ko‘rsatish sifatini yaxshilash maqsad qilingan.

2. Aksiyadorlik jamiyati tizimida faoliyat yuritayotgan yoshlarning ilmiy salohiyatini oshirish hamda ularning barchasini oliy ma’lumotli mutaxassis sifatida shakllantirish bo‘yicha aniq reja asosida ish olib borish.
Bu borada ilmiy izlanishlarga yo‘naltirish, malaka oshirish kurslari va oliy ta’lim muassasalari bilan hamkorlikni kuchaytirish belgilandi.

3. Sirdaryo viloyatining Guliston shahrini 24 soat davomida uzluksiz ichimlik suvi bilan ta’minlash bo‘yicha aniq chora-tadbirlarni ishlab chiqish va amalga oshirish.
Ushbu vazifa mahalliy infratuzilmani takomillashtirish va aholining hayot sifatini oshirishga qaratilgan.

|🗝Cabinet        |🌐 Veb-sayt
|🤖Bot                 |😄Telegram
|💬Facebook     |🌐Instagram
|📹YouTube       |🕊 Twitter
|💬Chat               |✅ TikTok