Samarqand shahar Zarafshon ko‘chasida yuzaga kelgan D-1000 mm diametrli suv quvuridagi avariya yuzasidan RASMIY BAYONOT

2025-yil 6-aprel kuni soat 03:45 larda Samarqand shahar, Choʻpon ota ko‘chasida joylashgan “Choʻpon ota” suv inshootidan kelayotgan diametri D-1000 mm bo‘lgan katta bosimli markaziy suv quvurida yorilish yuzaga keldi.

Mazkur holat natijasida Samarqand shahar “Galaosiyo” MFY Zarafshon ko‘chasida joylashgan 5 ta xonadon hovlisiga suv to‘plandi. Voqea joyiga zudlik bilan “Samarqand suv ta’minoti” AJ hamda Samarqand viloyati Favqulodda vaziyatlar boshqarmasi xodimlari yetib borib, aholiga zarur amaliy yordam ko‘rsatildi. Suv sizib chiqishi toʻxtatilgan.

Hozirda “Samarqand suv ta'minoti” shahar filiali mutaxassislari tomonidan quvurdagi nosozlikni bartaraf etish ishlari olib borilmoqda va yuzaga kelgan holat bo‘yicha barcha zarur choralar ko‘rilmoqda.

Avariya oqibatida suv ta'minoti vaqtincha to‘xtatilgan quyidagi ko‘chalarda: Zarafshon, Andijon, Usta Umar Juraqulov, Panjikent, Suzangaron, Navoiy, S. Ayniy, Amir Shohmurod, Registon, Termiz, Universitet xiyoboni, Orzu Mahmudov, O‘zbekiston, Firdavsiy, A. Jomiy, Amir Temur, Mirzo Ulug‘bek, Akbar Otaxo‘jayev va Bobur Mirzo ko‘chalarida istiqomat qiluvchi aholi uchun 4 ta maxsus suv tashuvchi avtomashinalar orqali ichimlik suvi bilan ta'minlash yo‘lga qo‘yilgan.

Mazkur holat yuzasidan qoʻshimcha ma’lumot berib boriladi.

|🗝Cabinet        |🌐 Veb-sayt
|🤖Bot                 |😄Telegram
|💬Facebook     |🌐Instagram
|📹YouTube       |🕊 Twitter
|💬Chat               |✅ TikTok

💧“O‘zsuvta’minot” AJ korrupsiyaga qarshi kurashish ishlari samaradorligi 4 pog‘onaga yuqoriladi

Ma’lumki, Korrupsiya agentligi tomonidan davlat organi va tashkilotlarining korrupsiyaga qarshi kurashish ishlari samaradorligi baholab kelinadi.

Bugun mazkur reyting baholash tizimi bo‘yicha 2024-yildagi faoliyati 0 balldan 100 ballgacha reytingda baholash natijalari e’lon qilindi.

Agentlik tomonidan e’lon qilingan reyting natijalariga ko‘ra, “O‘zsuvta’minot” AJ faoliyati 84 ball bilan “yaxshi” toifasida baholandi.

📈 Ahamiyatlisi, bu ko‘rsatkich o‘tgan yilga nisbatan sezilarli darajada ijobiy o‘sishni qayd etmoqda. 2023-yilgi reytingda “O‘zsuvta’minot” AJ 80 ball (qoniqarli) bahosini olgan edi, bu yil esa natija 4 ballga yaxshilandi va yuqori toifa – “yaxshi” guruhiga kirishga erishildi. Yana bir e'tiborli jihati reytingdagi 24 ta aksiyadorlik jamiyati orasida "O'zsuvta'minot" Aj 10-o'rinni band etdi.

🔍 Keltirilgan umumiy statistik ma’lumotlarga ko‘ra, 2024-yilda reytingda ishtirok etgan 103 ta davlat tashkilotidan:
• 41 tasi “yaxshi”,
• 53 tasi “qoniqarli”,
• 9 tasi “qoniqarsiz” deb baholangan.

📊 Reytinglar korrupsiyaga qarshi kurashish mexanizmlarining qanchalik samarali joriy etilganini aks ettiradi. “O‘zsuvta’minot” AJ tomonidan bu boradagi ichki nazorat tizimi, xodimlar bilan profilaktik ishlar va ochiqlikni ta’minlash borasidagi chora-tadbirlar ijobiy natijani ta’minladi.

🛡 Aholining ishonchini qozonish va korrupsiyaviy holatlarga yo‘l qo‘ymaslik yo‘lida olib borilayotgan faoliyat izchil davom etadi.

#O‘zsuvta'minot #Korrupsiyaga_qarshi #Reyting_2024

|🗝Cabinet        |🌐Website
|🤖Bot                 |😄Telegram
|💬Facebook     |🌐Instagram
|📹YouTube       |🕊 Twitter
|💬Chat               |✅ TikTok