Avval xabar berganimizdek, "Index Consulting Company" tomonidan “O‘zsuvta’minot” AJ xodimlar bilan ishlash yo‘nalishi mas’ullari uchun o‘quv treninglar tashkil etilmoqda.

🗒Bugungi seminarda Gender tengligi muammolari yuzasidan ma’lumot almashinildi. Jumladan, Gender tengligi va ayollarni ish joylarida qo‘llab-quvvatlash masalalariga alohida e’tibor qaratildi. Treningda gender tengligini ta’minlash, ishchi muhitida adolatli yondashuvni amalga oshirish va ayollarga imkoniyatlar yaratish bo‘yicha muhim tavsiyalar berildi.

📚Ta’kidlash lozim, 3 kunlik treninglar natijasida ishtirokchilar o‘z bilim va ko‘nikmalarini rivojlantirish, tashkilotda inson resurslarini samarali boshqarish hamda gender tengligi bo‘yicha ilg‘or amaliyotlarni joriy etish imkoniyatiga ega bo‘ldilar. Bugun o‘quv-seminarlari yakunida ishtirokchilarga tegishli sertifikatlar topshirildi.

✅Ushbu treninglar korporativ rivojlanish va transformatsiyani qo‘llab-quvvatlashda muhim ahamiyatga ega va kelajakdagi muvaffaqiyatlar uchun yangi imkoniyatlar yaratadi.

|🗝Cabinet       |🌐Website
|🤖Bot                |😄Telegram
|💬Facebook    |🌐Instagram
|📹YouTube      |🕊 Twitter
|💬Chat |✅ TikTok

💬 "O‘zsuvta'minot" AJ hamda Wilo kompaniyasi hamkorligi istiqbollari💧

Bugun Wilo kompaniyasi vakillari "O‘zsuvta'minot" AJ bilan samarali hamkorlik imkoniyatlarini muhokama qilish maqsadida boshqaruv raisining birinchi o‘rinbosari Toxir Xaydarov bilan uchrashuv o‘tkazdi. Uchrashuvda suv ta'minoti va oqova tizimlaridagi innovatsion texnologiyalarni keng joriy etish, energiya tejamkor yechimlarni qo‘llash va resurslarni samarali boshqarish kabi masalalar muhokama qilindi.
🔹

“Energiyani tejash va samaradorlikni oshirish – bizning asosiy maqsadlarimizdan biri. Yangi texnologiyalarni O‘zbekistondagi suv ta'minoti tizimlarida qo‘llash va ulardan yana-da samarali foydalanishni tashkil etish maqsadida hamkorlik qilish niyatidamiz”,-deydi vakillar.

O‘z o‘rnida, T. Xaydarov energiya tejamkor texnologiyalarni joriy etish orqali yangi imkoniyatlarga ega bo'lish muhimligini, suv ta'minoti tizimlarining yaxshilanishi uchun hamkorlikni kengaytirish xususida fikr bildirdi.

Aytish mumkinki, yuqori texnologiyali nasos tizimlari va energiya tejamkor uskunalar O‘zbekistonda suv ta'minoti sohasini yangi darajaga ko‘tarishda muhim rol o‘ynaydi. Bu boradagi hamkorlik masalalari tomonlar uchun manfaatli bo‘lishi tayin.

|🗝Cabinet       |🌐Website
|🤖Bot              |✅Telegram
|💬Facebook    |🌐Instagram
|📹YouTube      |🕊 Twitter
|💬Chat |✅ TikTok