#спорт

⭐️ Ньурба улууһун хамаандатын бэрэстэбиитэлэ - Анатолий Николаевич Петров 67 саастаах, эмиэ 100 миэтэрэ уһуҥҥа сүүрээни бэлэмнэнэр.

Ньурбатааҕы элбэх хайысхалаах гимназияҕа 2006 сылтан физкультура учууталынан үлэлиир.

Оҕолору сахалыы атах оонньууларыгар дьарыктыыр.
19 сыл устата бэйэтин көрүнэн, хас күн ахсын көтүппэккэ спордунан дьарыктанар эбит.

@uoheebuluu

#спорт

⭐️ Эстафетаҕа Үөһээ Бүлүү хамаандатыгар киэн туттар биир дойдулаахпыт, улууһу, өрөспүүбүлүкэни аатырдыбыт сүүрүүк Николай Харлампьевич Бускаров баар.

Сүүрүүнэн утумнаахтык 30 сааһыттан саҕалаан дьарыктаммыт. 33 сааһыгар Россия спордун маастара, 35 сааһыгар Норуоттар икки ардыларынааҕы спорт маастарын нуорматын толорбута.

Аан дойду, Европа таһымнаах күрэхтэһиилэргэ улахан ситиһиилэрэ барыта 100 км дистанцияҕа оҥоһуллубуттара.

Россия сүүмэрдэммит хамаандатыгар 7 сыл устата сылдьыбыта. 5 аан дойду, 5 Европа чемпионатыгар кыттыбыта. Европаҕа хамаанданан сүүрүүгэ үс төгүл бастаан турардаах. 15 сыл устата улахан күрэхтэргэ сүүрбүтэ.

Билигин күннэтэ 10-15 км сүүрэр үгэстээх.

@uoheebuluu

#спорт

⭐️ Бүлүү улууһун хамаандатыгар сверхмарафонец сүүрдэ

70 саастаах Александр Васильевич Корякин суукканы быһа сүүрүүгэ Москваҕа уонна Санкт-Петербурга 10 сыл устата 17-тэ стартаабыт. Еремисов хамаанда тэринэн кыттыахха диэн баран кыайан кыттыбакка хаалбытын иһин, кини тылын толорон, Саха сирин хамаандатын тэрийэн, 2002 сылтан 2012 сылга диэри кытталлар эбит.

Суукканы быһа сүүрүү ортотунан 200 км. тэҥнэһэр.

Сверхмарафоҥҥа 45 сааһыттан саҕалаан сүүрбүт. "Бүлүү Боотур" күрэххэ 4 төгүл бастаабыт. Оттон Үөһээ Бүлүүгэ 46 сааһыгар кэлэн Аан Дархан күрэххэ кэлэн эдэрдэри барыларын баһыйан бастаан турардаах. 2017 сыллааҕы Манчаары оонньууларыттан ураты Саха сирин бары спартакиадатыгар кыттыбыт. Бу бэтэрээннэр спартакиадаларыгар сүүрүүттэн ураты волейбол хамаандатыгар эмиэ оонньоото. 42 сыл устата учууталынан үлэлиир. Бүлүүтээҕи гимназияҕа ОБЖ уонна физкультура учуутала.

@uoheebuluu