#Сайёр_қабул

Республика Ишчи гуруҳи аъзоcи Адлия вазирининг ўринбосари Икрамов Музраф Мубаракходжаевич бошчилигида жорий йилнинг 24-феврал куни Избоскан тумани "Истиқлол" маҳалласида сайёр қабул ташкил этилди.
Cайёр қабулда фуқароларнинг мурожаатлари тингланиб, уларга жойида ҳуқуқий тушунтиришлар берилиб, тегишли мурожаатлар кўриб чиқиш учун иш юритувга қабул қилинди.
Шунингдек, мамлакатимизда инсон манфаатлари олий қадрият даражасига кўтарилди. Бугун барча давлат идоралари фаолиятида аҳолининг мурожаатлари билан ишлаш бўйича сифат жиҳатидан мутлақо янги тизим яратилди. Жойларда ўтаётган сайёр қабуллар халқнинг дардини эшитиш, уларнинг муаммоларини ҳал этишда, шак-шубҳасиз, кутилган натижаларни бермоқда.

Kanalga ulaning👉https://t.iss.one/adliyaboshqarmasi

Республика ишчи гуруҳи Андижон вилоятига ташрифи доирасида Хўжаобод тумани аҳолиси учун ҳам мурожаатлари юзасидан оммавий қабуллар уюштирилди.
Унда Адлия вазири ўринбосари Музраф Икрамов ҳамда Давлат хизматлари агентлиги директори ўринбосари Улуғбек Мамаражабовлар фуқароларнинг адлия, давлат хизматлари кўрсатиш ҳамда ФҲДЁ соҳасига оид мурожаатларини эшитмоқдалар.
Жараён давомида аксарият мурожаатлар шу ернинг ўзида ижобий ҳал этилди. Муддат талаб қилинадиганлари эса тегишлича мутасаддиларга йўналтирилди.

Республика Ишчи гуруҳининг топшириғи асосида жорий йилнинг 25 февраль куни Балиқчи туман адлия бўлими томонидан туман Халқ таълими бўлимига қарашли барча умумтаълим мактабларининг кадрлар бўйича менежерлари иштирокида "Гендер тенглик" ва "Хотин-қизларга меҳнат қонунчилигида белгиланган кафолат ва имтиёзлар" юзасидан семинар шаклидаги манзилли тарғибот тадбири ўтказилди.
Тадбир давомида иштирокчиларига Ўзбекистон Республикаси Олий Мажлиси Сенатининг “2030 йилга қадар Ўзбекистон Республикасида гендер тенгликка эришиш стратегиясини тасдиқлаш ҳақида”ги, Вазирлар Маҳкамасининг “Олий таълим муассасаларига қўшимча давлат гранти асосидаги қабул кўрсаткичлари доирасида эҳтиёжманд оилалардаги хотин-қизларга танловда иштирок этиш учун тавсиянома бериш ва уларни ўқишга қабул қилишни ташкил этиш тартиби тўғрисидаги Низомни тасдиқлаш ҳақида”ги қарорлари мазмун-моҳияти, шунингдек Меҳнат кодексига асосан хотин-қизларга белгиланган кафолат ва имтиёзлар бўйича атрофлича тушунтиришлар берилди.

Республика Ишчи гуруҳи топшириғи асосида жорий йилнинг 25 февраль куни Ўзбекистон Савдо-саноат палатаси Андижон вилоят бошқармасида адлия бошқармаси томонидан вилоятдаги нодавлат нотижорат ташкилотлари вакиллари ҳамда Олий Мажлис қонунчилик палатаси депутати Т.Каримов иштирокида нодавлат нотижорат ташкилотларининг фаолияти бўйича топширилган йиллик ҳисоботлари таҳлили ва фаол фуқаролик жамиятини ривожлантириш ишлари юзасидан давра суҳбати ўтказилди.

Иштирокчиларга йиллик ҳисоботларни топшириш ҳамда ўтказилиши режалаштирилаётган тадбирлар ҳақида хабардор қилиш тартиби юзасидан тушунтиришлар берилди.
Бундан ташқари, 2022 — 2026 йилларга мўлжалланган янги Ўзбекистоннинг тараққиёт стратегиясида белгиланган фаол фуқаролик жамиятини ривожлантириш ҳамда фуқаролар ўртасида қонунга ҳурмат ва итоат қилиш ҳиссини шакллантириш юзасидан ўзаро фикр мулоҳазалар алмашилди.