У сувязі з сітуацыяй,якая адбылася, пры ўдзеле некаторых прадстаўнікоў "Палка Каліноўскага", з адэскім атрадам у траўні гэтага года, "Атрад імя "Літвіна"" быў вымушаны скончыць сваё існаванне.
За той час, пакуль мы не мелі доступу да свайго тэлеграм-каналу, на жаль, два нашыя вельмі мужныя хлопцы Зміцер Воўк і Яўген Шкраба загінулі ў аўтакатастрофе. Сёння роўна месяц, як мы страцілі надзейных сяброў.
Гэта вельмі цяжкая страта для ўсіх. Светлая і вечная памяць!

Усе мы, удзельнікі атрада, хочам выказаць словы падзякі ўсім неабыякавым людзям, якія на працягу больш чым 3 месяцы дапамагалі нам .
Дзякуй вам!!!
Фонд Prague Support Team
Фонд BYSOL
Арганізацыі ДАР і Дапамога
Дыяспара Батумі
Дыяспара Амерыкі
і ўсім нашым сябрам з розных краін
Дзякуй усім беларусам, якія падтрымвалі нас і фінансава, і добрым словам.
Без вас нашаму атраду было б вельмі складана і цяжка існаваць. Дзякуючы вам мы маглі дапамагаць тэрытарыяльнай абароне і паліцыі Адэсы.
Вялікі дзякуй, што ўвесь час гэты вы былі разам з намі!

Мы — ініцыятыўная група беларусаў Адэсы.

Пасля вядомых падзей мы ад'ядноўваемся для супольнай працы.

Мы сабраліся, каб працягваць прыкладаць свае намаганні для падтрымкі беларусаў (асабліва тых, хто збег ад пераследу ва Украіну і тут застаецца), барацьбы з рэжымам Лукашэнкі і дапамогі Украіне ў абароне яе тэрыторыі.

Мы назваліся «Адэскі фальварак».

Плануецца развіццё ўзаемадзеяння, пішыце каментары і прапановы.

Адзін з галоўных напрамкаў — адрасная гумадапамога суайчыннікам, якія знаходзяцца ў Адэсе.

З кастрычніка 2022 года плануецца раздача харчнабораў. Просьба ўсім адказаць на наступныя пытанні.

Беларус ў Адэсе сёння развозіў гумдапамогу ад дабрачыннага фонду «Пліч-о-пліч» перасяленцам з Херсонскай, Мікалаеўскай і Запарожскай абласцей.

#BelarusWithUkraine

Добрага дня ўсім!

Тыя, хто нядаўна ў апытанні адказаў, што ён беларус, які знаходзіцца ў Адэсе і якому патрэбна дапамога, могуць заўтра атрымаць харчнабор.

Пры сабе трэба мець пашпарт ці від на жыхарства.

Калі вы плануеце заўтра прыехаць, трэба папярэдне напісаць валантэру @Alesodes да 11 гадзін заўтрашняй раніцы. Ён растлумачыць, як будзе выдавацца дапамога.

Хто не прайшоў апытальнік, можна зрабіць гэта зараз.

Калі ў кагосьці не атрымаецца заўтра, то не хвалюйцеся, будзем рабіць яшчэ дзень выдачы ці неяк дамаўляцца.

Беларусы правядуць «Беларусіаду» ў рамках дабрачыннага сямейнага фестывалю «FAMILY WEEKEND»

⏰ Калі: 24 верасня, субота, 10:00-21:00
📌 Дзе: парк Шаўчэнкі, «Ракушка» (каля стадыёна «Чарнаморац»)
🎫 Уваход: вольны

Запрашаем на сямейны дабрачынны фестываль «FAMILY WEEKEND» пры падтрымцы Forpost fest, ДФ «Форпост України» і ДФ «Пісочниця Одеси».

На фестывалі можна сфатаграфавацца на рэтра-аўтамабілях ці з калонай байкераў, загадаць жаданне на вядзьмарскім кутку, атрымаць асалоду ад неверагодных і вельмі эмацыйных выступаў «Jazzetes», гурта «4.5.0» і хэдлайнераў вечара — казацкага этна-рок-гурта ўкраінскіх эльфаў «ЯРРА» 🎼

Падчас мерапрыемства вас чакаюць:
⚓️ мноства майстар-класаў для дзяцей;
⚓️ дабрачынны кірмаш, дзе можна набыць розныя вырабы нашых майстроў;
⚓️ латарэя з прызамі;
⚓️ дабрачынны аўкцыён;
⚓️ сямейна-спартыўныя мерапрыемствы Беларусіяда, арганізаваныя беларусамі.

І шмат чаго іншага.

Беларусаў можна будзе знайсці па адпаведным цішоткам-вышыванкам.

Падрабязнасці

Фонд BYSOL анансаваў збор дапамогі беларускім валанцёрам ва Украіне

Калі вы жадаеце падтрымаць беларусаў, якія засталіся ва Украіне і дапамагаюць мясцовым жыхарам падчас вайны, то можаце гэта зрабіць на платформе фонда.

Спасылка на збор.

Добрай раніцы ўсім!

На мінулым тыдні за харчнаборамі звярнулася толькі палова тых, хто адзначыўся ў апытальніку.

Меркавана, ў гэтую пятніцу будзе арганізаваная зноў выдача набораў.

Усім, хто яшчэ не атрымаў, трэба папярэдне напісаць валантэру @Alesodes. Ён растлумачыць, як будзе выдавацца дапамога.

Хто не прайшоў апытальнік, можна зрабіць гэта зараз.