1–2 yil oldin LeetCode, HackerRank, Codeforces kabi saytlarda masala yechib, olingan natijalarni ko‘pincha Telegram bloglari yoki LinkedIn’da maqtanishar edi.

Ammo hozirgi paytda deyarli hech kim bu kabi platformalarda masala yechayotganini post qilib maqtanmayapti.

Yoki men ko'rmayabman.

@abs_javascript

Jami 18 ta odamga yozildi:

* 5 tasi javob berdi
* 1 ta sotuv amalga oshdi
* 1 ta mijoz bilan oktabr oyida ishlashga kelishildi
* 3 tasi hozirda jarayonda

@abs_javascript

O‘rganadigan narsalarimiz hali oldinda juda ko‘p.

Hozirgi davr shunaqa shekilli, ozgina kattaroq loyihalar ham tez-tez yopilib qolishi yoki bekor bo‘lib ketishi odatiy holga aylanib qoldi.

Ortada esa 45 kunlik mehnatimiz va sarflangan mablag‘ havoga uchdi.

Komandaga rosa baqir-chaqir qildim.

Hali ham miyamda javobi topilmagan ko‘plab savollar aylanib yuribdi — ularga albatta yechim topishim kerak.

Ehtimol, shu davrdan o‘tib chiqqan odamning qo‘lida ikki haftalik shogird bo‘lib yurishim eng to‘g‘ri qarordir.

Tashqaridan hammasi yaxshi ko‘rinishi mumkin, lekin ichkarida yetarlicha muammolar bor.

Har yerga orzu qilma, har yerda bor toshi — tarozi.

@abs_javascript

Hamma saytlarimiz tezligi birdaniga pasayib ketdi.

Oldin 100 ta odam linkka bossa, ulardan 93–96 tasi saytni to‘liq ko‘rardi, qolgan 1–2 kishi esa sahifa yuklanmaguncha chiqib ketardi.

Hozir esa bu ko‘rsatkich 77–82% gacha tushib qoldi.

Buning sababi nima deb o'ylaysiz ? — Ha to'g'ri SERVER

Agar saytga kuniga 50-90 ming kirish bo‘lsa uncha bilinmaydi, lekin 100 ming+ trafik bo‘lsa serverga juda katta bosim qiladi va natijaga kuchli ta’sir qiladi.

Vercel yoki Netlifyga qo‘ysam bo‘lmaydimi? degan savol tug‘ilishi mumkin.

Bo‘ladi, lekin tezlik har xil o‘ynab turadi: bir kuni 96% bo‘lsa, boshqa kuni 85% ga tushib qolishi mumkin.

Yana bir yomon tomoni — qancha ko‘p pul to‘lasangiz, ular shuncha ko‘proq xizmat sotmoqchi bo‘laveradi.

Masalan, o‘tgan oy Vercel’da $45 to‘ladim, shu pulga oddiy serverni 6 oy ishlatishim mumkin edi.

@abs_javascript

Neil Patel ochiqchasiga aytdi: An’anaviy SEO davri tugagan

Ko‘pchilik hali ham Google reytingi uchun jon-jahdi bilan kurashmoqda. Ammo iste’molchilar qaror qabul qilishda allaqachon faqat Google’ga tayanmay qo‘yishgan.

Bugun qidiruvlarning faqat 27% Google’da, qolgan 73% esa TikTok, Amazon, Reddit, YouTube, hatto ChatGPT da sodir bo‘lmoqda.

Tasavvur qiling: siz zo‘rg‘a Google’da 1-o‘ringa chiqqansiz, lekin xaridor TikTok’da 15 soniyalik video ko‘riboq buyurtma qiladi. Siz butunlay chetda qolasiz.

Bu holat “Google Trap” — trafik ko‘p, ammo konversiya to‘xtab qolgan.

---

🔑 Asl masala “qidiruv”da emas, balki qaror lahzasi da

Bugungi xaridorlar ilgari bo‘lgani kabi o‘nlab “ko‘k havolalar”ni solishtirmaydi.

Ular qarorni mayda “touchpoint”larda qabul qilishadi:

* TikTok – hissiy ta’sir beradi
* Reddit – haqiqatni tekshiradi
* Amazon – sharhlarni ko‘radi
* ChatGPT – maslahat beradi

Masalan, fitnes mahsuloti: avval TikTok’da natijani ko‘rdi → Amazon’da sharhlarni tekshirdi → Reddit’da muhokama o‘qidi → oxiri ChatGPT’dan alternativani so‘radi → darrov buyurtma qildi. Butun jarayonda rasmiy saytga umuman kirmadi.

Bu platformalar oddiy yordamchi emas, o‘zlari “qaror dvigateli”.

---

SEO endi “Search Everywhere Optimization”

Muhim savol: seni topishadimi, emas. Muhim savol: seni tanlashadimi?

* TikTok’da – hissiyot sotish kerak
* YouTube’da – ekspertlikni ko‘rsatish
* ChatGPT’da – aniq faktlar berish
* Amazon’da – sharhlar bilan ishonch orttirish
* Reddit’da – chin dildan fikr almashish

Bitta kontent strategiyasi barcha platformaga to‘g‘ri kelmaydi. Har birining “qaror tili”ni tushunish shart.

---

Visibility ≠ Validation

Shunchaki ko‘rinish (visibility) yetarli emas. Asl kuch — tasdiq (validation)da.

Masalan: o‘zing TikTok’da video chiqarsang — bu visibility. Ammo odamlar o‘zlari mustaqil ravishda seni tilga olishsa — bu validation.

ChatGPT ham shu printsip asosida ishlaydi: ko‘p tilga olingan va ishonchli manbani jamlaydi. Demak, brendning vazifasi ko‘p post qilish emas, kross-platforma ishonch tarmog‘i qurish.

SEO o‘lmagan — u shunchaki kattalashgan.

Ps. USA va EU dagi Tendensiya haqida bu bizga ham tezda kirib keladi hatta kirib keldi ham ))

Muslim Jo'razoda