#Yangi_yil_tabriklari

🎄Prezident ta'lim muassasalari agentligi tizimidagi Abdulla Oripov nomidagi ijod maktabining 7-sinf o'quvchilaridan bayram tabrigi

https://t.iss.one/abdullaoripovmaktabi

#Yangi_yil_tabriklari


❄️ Prezident ta'lim muassasalari agentligi tizimidagi Abdulla Oripov nomidagi ijod maktabining 7-sinf o'quvchilaridan bayram tabrigi

https://t.iss.one/abdullaoripovmaktabi

A.Oripov nomidagi ijod maktabi.
“Ilhom chashmasi” to‘garagi a’zolari ijodidan.

Javohir Abdurasulov
8-sinf òquvchisi

QORBOBOGA XAT

Eng go‘zal damlardir qish faslin ko‘rki,
Yangi yil tuniga qoldi oz fursat.
Sirli mo‘jizaga ishonib balki,
Qorbobo yurtiga yo‘llar bo‘ldim xat.

Qo‘limga oldimu qalamu qog’oz,
Ko‘nglim yozmoq bo‘ldi ezgu tilagin:
“Aziz Qorbobojon, sendan iltimos,
Menga sovg’alaring olib kelmagin!

Mayli, sen ularni boshqalarga ber,
Zora qalbim bunda maqsadga yetsin.
Shunday sehr qilki,
Odamlar ko’nglin,
Dard-anduh, alamlar butkul tark etsin!

Бугун таниқли ўзбек шоири, драматурги, адабий таржимони ва давлат арбоби Эркин Воҳидов туғлган кун.

Эркин Воҳидов (28.12.1936–30.05.2016) — таниқли ўзбек шоири, драматурги, адабий таржимони ва давлат арбоби. Эркин Воҳидов ўз шеърларини ёзиш билан бир қаторда таниқли хориж ижодкорлари, жумладан, Александр Твардовский, Гёте, Муҳаммад Иқбол, Расул Ҳамзатов ҳамда Сергей Есенин асарларини юксак маҳорат билан ўзбек тилига таржима қилган. Айниқса, шоирнинг Есенен асарларидан ҳамда Гётенинг „Фауст“ асари таржималари таҳсинга сазовордир.Эркин Воҳидов 1987 йил Ўзбекистон халқ шоири унвони билан тақдирланган. 1999 йилда эса Ўзбекистон Қаҳрамони мукофотига сазовор бўлган.
Эркин Воҳидович Воҳидов 1936 йилнинг 28 декабрида Фарғона вилоятининг Олтиариқ туманида туғилган. Ўқитувчи бўлиб ишлаган отаси Чўянбой Воҳидов Иккинчи жаҳон урушида қатнашган, қайтиб келганидан кейин, вафот этган. Эркин Воҳидов ўша пайтда тўққиз ёшда бўлган. Орадан бир йил ўтиб, ҳам вафот этган. Эркин Воҳидов ўша давр қийинчиликларини шундай эслайди:
«Отам фронтда эканида онам қишлоқ кенгашида котиба бўлиб ишлар, қийинчилик билан кун кечирар эдик. Жўхори поясини шимиб тилимни қонатганим, болаларга қўшилиб кунжара еганим учун онам юзимга шапалоқ ургани ва ўзи кечгача йиғлаганини унутмайман».
1945 йил Эркин Воҳидов онаси Розияхон Воҳидова билан Тошкентга кўчиб борган. Онаси ҳам тез орада оламдан ўтган. Эркин Воҳидов тоғаси Каримбой Соҳибоев қўлида катта бўлган. Эркин Воҳидовнинг шеъриятга бўлган қизиқишини тоғаси уйғотган:
«Тоғам касби юрист бўлса ҳам адабиёт ва санъатга қизиққан, шеъриятни нозик тушунадиган киши эди Уйимизга тез-тез келиб турадиган шоир Чустий, хонандалар ака-ука Шожалиловлар, Маъруфхўжа Баҳодиров, буюк олим ва таржимон Алихон Соғуний, оддий почта хизматчиси Мулла Шукуржон, савдо ходими Акмалхон акаларнинг зукко баҳсларига маҳлиё бўлиб ўтирардим. Улар Ҳофиз, Навоий, Бедил, Фузулий байтларини таҳлил қилиб, ҳар бирлари ўзларича талқин қилишарди. Бу суҳбатлар ичкиликсиз, фақат шеър ва қўшиқ кайфи билан, аския завқи билан музайян бўларди».
1960 йил Тошкент давлат университетининг (ҳозирги Ўзбекистон миллий университети) филология факултетини тамомлаган. Сўнг турли нашриёт ва газета-журналларда ишлаган.
Эркин Воҳидов 1960 йилдан 1963 йилгача „Ёш гвардия“ журнали муҳаррири бўлиб ишлаган. 1975–1982 йилларда журналнинг бош муҳаррири лавозимида ишлаган. 1963–1970 йилларда Ғафур Ғулом номидаги Адабиёт ва санъат нашриёти бош муҳаррири, 1985–1987 йилларда эса директори бўлиб ишлаган. 1982–1985 йилларда „Ёшлик“ ойлик журнали бош муҳаррири лавозимида ишлаган. Ўзбекистон мустақилликка эришганидан кейин Ўзбекистон Олий Мажлиси Халқаро ишлар ва парламентлараро алоқалар қўмитаси раиси (1995–2005) ҳамда Олий Мажлис Сенатининг Фан, таълим, маданият ва спорт масалалари қўмитаси раиси (2005–2009) лавозимларида ишлаган.
Эркин Воҳидов ўқувчилик йилларида шеър ёза бошлаган. Илк шеъри 14 ёшида „Муштум“ журналида чоп этилган. Шоирнинг илк шеърлари тўплами бўлмиш „Тонг нафаси“ китоби 1961 йил босилиб чиққан. 1987 йил „Шоиру, шеъру шуур: Адабий эсселар“ номли асари нашр қилинган.
Қуйида Эркин Воҳидовнинг шеърий тўпламлари келтирилган:
„Тонг нафаси“ (1961)
„Қўшиқларим сизга“ (1962)
„Юрак ва ақл“ (1963)
„Менинг юлдузим“ (1964)
„Нидо“ (1965)
„Лирика“ (1965)
„Палаткада ёзилган достон“ (1967)
„Ёшлик девони“ (1969)
„Чароғбон“ (1970)
„Қуёш маскани“ (1972)
„Достонлар“ (1973)
„Муҳаббат“ (1976)
„Тирик сайёралар“ (1978)
„Руҳлар исёни“ (1980)
„Шарқий қирғоқ“ (1980)
„Келажакка мактуб“ (1983)
„Бедорлик“ (1985)
„Ҳозирги ёшлар“ (1986)
„Сайланма“
„Биринчи жилд: Муҳаббатнома“ (1986)
„Иккинчи жилд: Садоқатнома“ (1986)
„Дарахтлар суҳбати“ (1988)
„Изтироб“ (1991)
„Куй авжида узилмасин тор“ (1991)
„Ўртада бегона йўқ“ (1991)
„Яхшидир аччиқ ҳақиқат“ (1992)
„Қумурсқалар жанги“ (1993)
„Сайланма“
„Биринчи жилд: Ишқ савдоси“ (2000)

„Иккинчи жилд: Шеър дунёси“ (2001)
„Учинчи жилд: Умрим дарёси“ (2001)
„Тўртинчи жилд: Кўнгил нидоси“ (2001)
„Орзули дунё“ (2010)
„Табассум“ (2012)
„Янги шеърлар“ (2014)
„Замин сайёраси“ (2014)
„Сайланма“
„Биринчи жилд: Баҳор таровати“ (2015)
„Иккинчи жилд: Ёз ҳарорари“ (2015)
„Учинчи жилд: Куз саховати“ (2015)
„Тўртинчи жилд: Қиш ҳаловати“ (2015)
„Бешинчи жилд: Қалб садоқати“ (2015)
„Олтинчи жилд: Эрк саодати“ (2015)
„Еттинчи жилд: Таржималар: Александр Блок, Сергей Есенин ва бошқалар“ (2015)
„Саккизинчи жилд: Таржималар: Жоҳанн Wолфганг вон Гоэтҳе Фаусти“ (2015)
تاریخینگ دیر مینگ عصرلر ایچره پنهان اوزبیگیم („Тарихингдир минг асрлар ичра пинҳон, ўзбегим“) (2017) (Афғонистонда араб ёзувида чоп этилган)
ارواحلر قوزغلانی („Арвоҳлар қўзғалони“ (оригинал асар номи „Руҳлар исёни“)) (2018) (Афғонистонда араб ёзувида чоп этилган)
Эокин Воҳидовнинг кўп шеъри рус тилига таржима қилинган. Қуйида шоирнинг рус тилида чоп этилган тўпламлари келтирилган:
„Лирика“ („Лирика“) (1970)
„Стихи“ („Шеърлар“) (1974)
„Узелок на память“ („Учи тугилган рўмолча“) (1980)
„Восстание бессмертных“ („Руҳлар исёни“) (1983)
„Линия жизни“ („Ҳаёт йўли“) (1984)
„В минуту песни не порвись, струна...“ („Куй авжида узилмасин тор“) (1986)
Эркин оҳидов „Олтин девор“, „Истанбул фожиаси“ ҳамда „Иккинчи тумор“ песаларини ёзган. „Олтин девор“ комедияси Покистоннинг Лоҳур шаҳри театрида қўйилган.
Эркин Воҳидовнинг кўп шеърига ўзбек ижодкорлари қўшиқ басталаган. Булар орасида энг таниқлилари Шерали Жўраев ижро этган „Инсон қасидаси“ ҳамда „Ўзбегим“ ашулаларидир.
Эркин Воҳидов кўплаб хориж ижодкорлари, жумладан, Александр Блок, Александр Твардовский, Фриэдрич Счиллер, Гёте, Леся Украинка, Михаил Светлов, Муҳаммад Иқбол, Расул Ҳамзатов, Сергей Есенин ҳамда Силва Капутикян асарларини ўзбек тилига таржима қилган. Хусусан, шоир 1974 йил Гоэтҳенинг „Фауст“ асарини ўзбекчага ўгирган. Шоир Есенин шеърларини айниқса юксак маҳорат билан ўзбек тилига таржима қилган.
Эркин Воҳидов шеърлари эса немис, француз, инглиз, урду, ҳинд, араб ва бошқа туркий тилларга таржима қилинган. Совет шоири Роберт Рождественский Эркин Воҳидов асарларини жуда юқори баҳолаган.

#Erkin_Vohidov_tavalludining_85_yilligi
#Kun_nafasi

Marģilondagi Erkin Vohidov nomidagi ijod maktabida òtkazilgan tadbirda Abdulla Oripov nomli ijod maktabining 11-sinf o‘quvchisi Omonova Sevinch "Erkin Vohidov xotirasiga " nomli she'ri bilan ishtirok etdi.

https://t.iss.one/abdullaoripovmaktabi

Bugun Òzbekiston Qahramoni, xalq shoiri Erkin Vohidov tavalludiga 85 yil tòldi

#Umriboqiy_qòshiqlar

Абдулла Орипов
СЎЗ СЕҲРИ
Эркин Вохидов ижоди хақида

Мана, бир неча ўн йиллардирки, биз дилбар бир шеъриятнинг муаттар ҳавосидан баҳраманд бўлиб келаётирмиз. Бу – Эркин Воҳидов шеъриятидир. Она тилимизнинг ипакдек майин, камалакдек ранг-баранг шамойили, ғоят нозик лутф, беозор қочиримлар, гоҳ ҳазин, гоҳ самимий табассум уйғотувчи ташбеҳлар, ўткир хулосалар - булар бари улкан шоиримизнинг қаламига мансуб бетакрор фазилатлардир. Мен Эркин Воҳидовни шеъриятда ўзига ҳос сеҳр соҳиби деб биламан. У шеъриятнинг ўжар ва асов, учқур отини усталик билан жиловлаб, мана узоқ йиллардан буён Шарқнинг шарафли назм майдонида моҳир чавандоз янглиғ донг чиқазиб келаётир. Ўйлаб қарасам, биз ғалати даврларни бошдан кечирибмиз: яқин-яқинларгача ҳам кўринишдан дабдуруст одамлар , адабиётда аввал шаклми ёки мазмунми дея бетўхтов тортишиб юрардилар. Албатта, бу баҳснинг замирида бошқа бир мурод яширинган эди. Яъни, маҳорат, санъат шарт эмас, яланғоч бўлса ҳам бизнинг ғоямизни такрорлайбер! Ана шу тазйиқ туфайли не-не истеъдод эгалари ўзларининг беназир маҳоратларини намойиш эта олмадилар. Мактаб дарсликларида: “Пахта терсанг тоза тер, чаноғида қолмасин” каби техник қўлланмалар , руҳсиз гаплар шеърият намунаси, дея тақдим этилди. Қирқ йилча муқаддам жамол кўрсатган Эркин Воҳидов шеърияти ўша қоронғу гўшаларни бирданига ёрита бошладики, шоиримиз ўзининг илк китобини бежиз “ Тонг нафаси” деб атамаган эди. Ўлмас аруз вазнига беписанд қараш ҳали ҳукмрон бир шароитда Собир Абдулла, Ҳабибий, Чарҳий сингари мўтабар сиймолардан кейин мумтоз ғазалиётимизнинг олтин эшиклари абадий бекилади, дея каромат қилишаётганда, ёш авлод орасидан биринчилардан бўлиб Эркин Воҳидов арузнинг табаррук остонасида посбон янглиғ пайдо бўлди. Тўғри, ҳозиргача ҳам арузда ижод қилувчилар озмунча эмас. Бироқ, соғлом кишининг нафас олишидек мунтазам ва равон, асл аруз мавжудки, бу санъатга “булҳавас”ларнинг аралашувлари ҳеч қандай самара келтирмайди. Аксинча, содда муаллифни куппа-кундуз куни беобрў қилиб қўйиши мумкин. Шу маънода, ғазалга таважжуҳ билдирган ёшларимизга ҳозирги замон шоирларидан Эркин Воҳидов ижоди мактаб бўла олади, дейман.
Юқорида биз мазмун ва шакл атрофида баҳслар бўлиб ўтганлигини эсладик. Такрор айтамиз, у тамомила беҳуда баҳс эди. Биз кўриб ва ҳис қилиб турган олам бир бутундир, яъни тан либоси ичра руҳ яшайдики, биз иккисини яхлит ҳолда мукаммал хилқат дея эътироф этамиз.
Эркин Воҳидов шеъриятида абадий мавзулар ҳазинасига аниқ замон ва макон калити орқали кириб борилади. Халқимиз кейинги даврлар мобайнида босиб ўтган ва ўтаётган гоҳ машаққатли, гоҳ армонли, гоҳ туғёнли, гоҳ ифтихорли йўлларнинг манзара ва оҳанглари , садолари Эркин Воҳидов шеъриятида тўла мужассамдир. Ҳали олдинда узоқ, равон йўллар кутиб турибди. Биз Мустақилликка эришган Ўзбекистонимиз учун, она халқимиз учун бундан буён ҳам астойдил хизмат қилишга шаймиз. Гоҳо юксак тоғларнинг бўю басти узоқдан яққолроқ кўринади, дейдилар. Лекин мен у узоқ масофаларни кутиб ўтирмасдан, ҳозирнинг ўзидаёқ бир гапни очиқ-ойдин айтиб қўяқолай: Мен Эркин Воҳидовдек истеъдодли шоир билан замондош бўлганим билан фахрланаман.
1992 йил.