2020-yil, 10-dekabrda Abdulla Oripov nomli Ijod maktabida "Ulug' xalq qudrati jo'sh urgan zamon" mavzusida o'tkazilgan bayram tantanalaridan lavha.

#qish_ilhomlari

Singlim E'zozaga

Sovuq shamol essa yonib qasdida,
Qilt etmay bir daraxt turar bemalol.
U qari bobomning qabri ustida,
Otam ko'zlaridan suv ichgan nihol.

Endi o'tmish yukin tortgaymiz, singlim,
Osmonni yelkaga ortgaymiz singlim..

Ismi yo'q, noma'lum mohir bir sayyod,
Ko'kda erk yulduzin tushurdi otib.
Ko'zimiz oldida turib ham hayhot,
Shodon bolalikni qo'ydik yo'qotib.

Taqdirga bir isyon qilmadik singlim,
Dunyo yolg'onligin bilmadik singlim..

Olam diyorlarin kezdik birma-bir,
Birida sevgi bor, birida-chi baxt.
Ikkisin o'zida mujassam etgan,
Bezavol o'lkani topmadik faqat.

Muhabbat zarbidan turmadik singlim,
Ishqdan-da og'ir dard ko'rmadik singlim.

Biz yashar ekanmiz maqsadlar ham bor,
Oriyat yo'l qo'ymas ortga qaytishga,
Dunyoga kelganmiz unutma zinhor,
Hech kim aytmagan so'zni aytishga

Shavkatli qadam-la keturmiz, singlim,
Manzilga albatta yeturmiz, singlim.


Sa'dullayev Bobomurod
Abdulla Oripov nomli Ijod maktabining 10-sinf o‘quvchisi.

06.12.2020.

#асрлар_ардоғидаги_адиб

Абдулла Орипов номли Ижод мактабида жаҳон адабиётининг етук вакили, буюк ёзувчи, таниқли жамоат арбоби Чингиз Айтматов таваллуд кунига бағишланган очиқ дарс ўтказилди. Уни она тили ва адабиёт фани ўқитувчиси Н. Азизова ўтди. 7-синф ўқувчиларига адиб ҳаёти ва фаолияти ҳақидаги маълумотлар тўлиқ етказилди. Ўқувчилар ва фан ўқитувчиси дарсга ижодий ёндашиб, адиб асарларидан бадиий ўқиш, саҳна кўринишларини тақдим этдилар.

#Бахт_ва_шодлик_куйчиси
#Барҳаёт_сиймолар

Абдулла Орипов

ҲАМИД ОЛИМЖОН ХОТИРАСИГА

Ўрик гуллаганмиш кечаги тунда,
Баҳор муждаси бу, яйрагин, эй жон.
Йиллар ўтар экан, бугунги кунда
Олтмишга кирибсиз, устоз Олимжон.

Бир ёнда Ҳулкар бу, бир ён Омон бу,
Бир ён шоирамиз — машҳури олам.
Сизнинг тегрангизда аҳли замон бу,
Сизнинг тегрангизда дўстлар бўлмиш жам.

Барҳаёт Ойбек бу — қутлайди мамнун,
Қутлар Ғафур Ғулом — донгдор замондош.
Сизни қутлаётир дўст-ёрлар букун,
Қутлар Ўзбекистон — мағрур эгиб бош.

Етимтов бағридан чиққан навқирон,
Сиз бу — шеъримизнинг энг жаранг саси.
Сизнинг сатрингизда қурмиш ошён
Учирма қуш каби шеър илоҳаси.

Олтмишга кирибсиз, ёдингиз аммо
Шабнамдай маъсуму кўклам каби ёш.
Ахир қанча қадим бўлмасин дунё
Бағрида нур борки. қаримас қуёш.

Ҳаёт бўлсайдингиз турардингиз шод
Улкан шу давранинг энг ўртасида,
Тириклик шаънини улуғлаб кушод
Достон иншо этиб, битиб қасида.

Ҳаёт бўлсайдингиз ҳар салқич саҳар
Ошко булоқларга қуярдингиз лаб.
Юрардингиз элда азиз, мўътабар,
Сонсиз шогирдларнинг манглайин силаб.

Яхшиям боқийдир дилбар шеърият,
Самандар мисоли ўлим билмас жон.
Миннатдор юрт сизни қутлайди фақат,
Кутлуғ бу айёмда, устоз Олимжон.

Юрт бу кун карвонлар бошида нордир,
Юрт бу кун Шарқ ичра тенгсиз бир диёр.
Юрт бу кун оҳудай хўп ишвакордир,
Сир каби сермавждир, Помирдай пойдор.

Толе юлдузининг қутлуғ зиёси
Саодат буржида балққай, замон бу.
Қадим бир диёр бу — йўқдир қиёси,
Ажиб бир бўстон бу — Ўзбекистон бу.

Устоз, созга солай боқий ҳаётни,
Боқий шеър қошида бош эгай бир он.
Шодлик ва бахтини куйлаган зотни
Шодлик билан эслар одатда замон.

1970

@a_oripov

12 декабрь – халқимизнинг севимли шоири Ҳамид Олимжон туғилган кун.
Эрта тонгдан Ўзбекистон Ёзувчилар уюшмаси раиси Сирожиддин Саййид ва Ўзбекистон Давлат консерваторияси ректори Камолиддин Ўринбоев бошчилигида бир гуруҳ шоирлар, бастакорлар Адиблар хиёбонидаги Ҳамид Олимжон ҳайкали пойига гулчамбар қўйишди.
Ҳамид Олимжон таваллуд топган кунга бағишланган тантанали тадбир Ўзбекистон Давлат консерваториясида давом этмоқда.

Ҳамид ОЛИМЖОН
КУЙГАЙ
Сўзимнинг шарпаси текканда олам боб, боб куйгай,
Денгизлар, дарёлар, ҳаттоки кўлларда ҳубоб куйгай.

Камондек қошларинг киприкларингдин ўқ отар доим,
Сенинг ёдинг билан тинмай ҳама нозу итоб куйгай.

Ёниб ишқингда қалбим кулга айланса ажаб эрмас,
Кўзинг осмонга тушганда ловуллаб офтоб куйгай.

Олай тоқатни қайдин, кўзларингга ҳеч қаролмайман,
Тушубдир учқуни бағримга гўёки китоб куйгай.

(Ўзбекистон Ёзувчилар уюшмаси каналидан)