#Tanlovga

Ona tilim
Necha zamin tegrasida azob chekding, oh urding,
Nokaslar tovonida tuproqdayin topdalding.
Bobolarim etagin tutib xuddi boladek,
Õz baxting,xalqing uchun gõyo qayta tuğilding.

Seni shonli tarixin sõzlash har kas osonmas,
Ona tilim chõldagi tikonli bir xazonmas.
Yuksaladi toğdayin, jilvasi kõzni olar,
Qalbimdagi bitiklar bir sen uchun bitilar.

Yengding qancha sinovni ,barisi qoldi ortda
Endi shohsan mustaqil,porla yetti iqlimda.
Parvoz ayla,yoy quloch kõzlarda marjon lim-lim,
Meni bugun-u,ertam õzingsan Ona tilim!

✍️Abdulla Oripov nomli ijod maktabining 10-sinf o‘quvchisi
Narsillayeva Maftuna

#Tanlovga

Ona tilim—mening faxrimdir

O'tmishingga tashlasam nazar,
Xayollarim shamoldan o'zar.
Yangi asr avlodi yozar:
Ona tilim—mening faxrimdir.

Tarix bo'sag'asidan o'tding,
Qancha og'ir dardlarni yutding.
Garchand ulug' boshing tik tutding,
Ona tilim—mening faxrimdir.

Buguningga yuzlansam asta,
Yuksalganing ko'rdim birpastda.
Dushmanlarning o'zlari pastda,
Ona tilim—mening faxrimdir.

G'urur ila tilga olarman,
Har bir so'zing dilga solarman,
Butun umr senda qolarman.
Ona tilim—mening faxrimdir!

✍️Ijod maktabining 10 "B"-sinf o'quvchisi Raimova Durdona

#Tanlovga

ONA TILIMGA
Zabonlar aytsa gar so'zning qadrini,
Navoiy so'z ichra tanladi gulin.
Qatra yoshlar bo'lib Cho'lpon ko'zida,
Tirildi o'zbekning o'z ona tili.

Hali bashariyat yengil uyquda,
Bilmasdi neligin harf-u imloni.
Sen ustodi bo'lib uning qo'liga,
Tutding Nodiraning o'tli qalamin.

"Kechir"- deya Muhammadlaring
Bulbul bo'ldi Abdulla Orif
Tunlar senga xatlarin bitib,
Muhabbat qarida qoldi Majnuning.

Onam bedor senda  aytdi allasin,
Durdek terib orzularin shodasin.
O'z tili bor mag'rur o'zbek bolasi,
Ona tilim,sen yurtim madhiyasi.
    
✍️ Abdulla Oripov ijod maktabining 10"B"-sinf  o'quvchisi Umirzoqova Gulsevar

#Nazm

OʻZBEK TILIM

Koʻp qadimman,
Karvon bilan zamonlar kechdim,
Nor tuyaning norligi ham afsona ekan.
Bir kun tuya ayronini shifo deb ichdim,
Ona tuya nomi esa arvona ekan.

Davronimni surganman ham oq otga minib,
Hay-hay, uning qoʻltigʻida bor edi qanot.
Vaqti kelib, shon-shuhratdan xayolim tinib,
Bilsam, oʻsha oq otimni derkanlar — boʻz ot.

Yuksak Hisor togʻlarining bagʻrida qat-qat
Toshni yorib oʻsib yotgan naʼmatak edi.
Ustoz Oybek sheʼrin eslab shoir Xolmamat,
— Bizning joyda uning nomi “Hululu”, dedi.

Sen tuganmas chashmadirsan, oh, ona tilim,
Yetmish ikki tomirimga mavjlaring bordi.
Bir kun tinib qolgan edi bogʻda bulbulim,
— Sandulochim! — degan edim sayrab yubordi.

Inson degan qutlugʻ soʻzning tengi yoʻq hech bir,
U tanhodir, falaklarning quyoshi misol.
Lekin manov bolakaydir, bunisi oʻsmir,
Bu yigitdir, bu zot esa bobo, oqsoqol.

✍️Abdulla Oripov,
Oʻzbekiston Qahramoni, xalq shoiri

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Ona_tilim_faxrim
#Arxivdan

🔰Ixtisoslashtirilgan ta'lim muassasalari agentligi tizimidagi Abdulla Oripov nomli ijod maktabida "Qadring baland bo‘lsin, Ona tilim!" shiori ostida o'tkazilgan tadbirlar doirasida tayyorlangan videolavha.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram

#Yashil_makon

"YASHIL MAKON" LOYIHASI ABDULLA ORIPOV NOMIDAGI IJOD MAKTABIDA!

🌳 Yaxshi niyat insonni hamisha ezgu ishlarga undaydi. Xalqimiz ertasini oʻylab uy quradi, yerga urugʻ sochadi, koʻchat ekadi. Mana shunday yorugʻ niyat bilan hayot kechirish, yosh avlodni shu ruhda tarbiyalash xalqimiz turmush tarzi, azaliy qadriyatlarining asl oʻzagini tashkil etadi.

☘️ Prezidentimiz tashabbusi bilan yurtimiz boʻylab boshlangan va tobora keng quloch yozayotgan “Yashil makon” umummilliy harakati elimizning shu ezgu qadriyatlari yangi va zamonaviy ruhda qayta koʻz ochishida, Oʻzbekistonning har qarich yerini chinakamiga yashillikka burkash, toza va musaffo havoga boy, sogʻlom va qadri baland insonlar yashaydigan mamlakatga aylantirishda ulkan qadam boʻlmoqda.

✔️O'z navbatida, Abdulla Oripov nomidagi ijod maktabida ham "Yashil makon" doirasida bir qator samarali ishlar olib borilmoqda. Xususan, maktabning yer maydoni har bir sinfga biriktirib berilgan. Shunga ko'ra, o'quvchilar sinf rahbarlari va tarbiyachilar vositaligida haftaning ma'lum kunlarida o'zlariga ajratilgan hududlarda gul ko'chatlari ekish, o'simlik va daraxtlarni parvarishlash bilan shug'ullanishadi. Ayniqsa, ularning bu boradagi tashabbuslari doimo maktab rahbariyati tomonidan qo'llab-quvvatlanadi.

🌺 Shu ma'noda, joriy yilning 19-oktabr kuni "Yashil makon" umummilliy loyihasi doirasida ijod maktabining "Ekoloyiha" a'zolari - 7-8-sinf o'quvchilari tomonidan loyiha rahbari, biologiya fani o'qituvchisi Iroda Eshniyozova rahbarligida, shuningdek, maktab ishchi-xodimlari ishtirokida maktab binosi old tomoni yo'laklari va ichki bog' hududida 500 tupga yaqin gul ko'chatlari ko'paytirildi.

⚡️Ijod maktabida "Yashil makon" loyihasi davom etadi.

📍Bizni ijtimoiy tarmoqlarda kuzatib boring👇
|telegram| web sayt| facebook| youtube |Instagram