Xabar bergenimizdey, búgin 30-noyabr kúni «Kamalak juldızları» respublika balalar dóretiwshilik festivalınıń Qaraqalpaqstan Respublikası basqıshı ótkerildi.

Festivaldıń «A» «B» «C» jónelisleri «Esjan baqsı» atındaǵı muzıka hám kórkem-óner mektebinde «D» «E» «F» jónelisleri bolsa, Progress bilim hám rawajlandırıw orayına qaraslı 46-sanlı qánigelestirilgen ulıwma bilim beriw mektebiniń zalında ótkerildi hám bul ilajdıń respublikalıq basqıshına 350 den aslam, qalalıq, rayonlıq basqıshlarına bolsa 10 mıńǵa jaqın jas qamtıp alındı.

Respublika balalar dóretiwshilik festivalınıń juwmaqlawshı bólimi paytaxtımızda jaylasqan Qaraqalpaq mámleketlik jas tamashagóyler teatrında dawam etti.

Saltanatlı sıylıqlaw máresimin Jaslar awqamı Qaraqalpaqstan Respublikalıq Keńesi baslıǵı Murat Kamalov ashıp berdi hám jıynalǵanlardı qızǵın qutlıqladı.

Festival juwmaǵında 6 jónelis boyınsha eń talantlı, shaqqan, ziyrek jaslar shólkemlestiriwshiler tárepinen bahalı sawǵalar, diplom menen sıylıqlandı.

👉👉👉 @jaslar_isleri_agentligi

#Fotoreportaj
#Kamalak_juldızları

👉👉👉 @jaslar_isleri_agentligi