Zühura hazırlıq

Forwarded from "VAHİD ÜMMƏT" AZƏRBAYCAN RUHANİLƏR TƏŞKİLATI

"Vahid Ümmət"Azərbaycan Ruhanilər Təşkilatı, Azərbaycanda dini etiqadımızı təhqir edən məlum filmlə və qorxmaz, şücaətli qardaşımız Abbas Hüseynə zindanda verilən işgəncərlə bağlı bəyanat yaydı.

Bismilləhir-Rahmənir-Rahim
فَلَا تُطِعِ الْكَافِرِينَ وَجَاهِدْهُمْ بِهِ جِهَادًا كَبِيرًا
Bu mübarək ayənin əsas hədəfi düşmənin yumşaq və mədəni təcavüzü müqabilində müqavimət göstərmək, onlara qarşı mədəni cihad aparmağın zərurətidir. İslam dininin düşmənləri ilk andan incəsənətin zərif dilindən haqqa xidmət etmək əvəzinə onu yüngül göstərmək, məsxərə obyektinə çevirmək və ideoloji üfunət yaymaq üçün istifadə ediblər. Ona görə bu cür xəbis ruhlu varlıqların törətdiyi cinayət böyük və bəzən də bağışlanmaz günahlardan hesab olunur.
Bu günlərdə halı, ağlı və şüur səviyyəsi məlum olan bəzi təlxək ruhlu insanlar təzədən incəsənət pərdəsi arxasında gizlənərək tənqid adı ilə dini ideologiyanın təhqirinə keçdilər. Cəmiyyətin saf və zülal kimi şəffaf mənəvi mühitinə çirkab tökən, həqiqəti öz yırtıcı təbiətlərinin göstərişi ilə tikə-parça etməyə hazır olan incəsənət leşyeyənləri cəmiyyətdə cəzasız qalmalarından zövq alırlar. Onlar sirk qladiatorları kimi özlərini məğlubedilməz zənn edərək qürur və eyni zamanda həqarət dolu sima ilə Allah düşmənlərindən tərif və təşviq gözləyirlər.
Amma qəribə budur ki, bu mənəvi vandallar və ideoloji vampirlər cəmiyyətdə qınaqla üzləşən zaman bəzi zəif iradəli ruhani kimi tanıtdırılan insanların kölgəsinə sığınırlar, həqiqətdə onları da qazandıqları rüsvayedici od əzabında şərik edirlər. Təəssüflər olsun ki, bu ruhani kimi tanınanlar da vücudu şər, ruhu od olan bu varlıqları danlamaq və nəsihət etmək əvəzinə qollarını geniş açaraq onları ağuşuna alırlar. Əfsuslar olsun!
Biz bu şəxslərdən bundan artığını da gözləmirik. Əziz qardaşlarımızdan biri olan Abbas Hüseyn günahsız halda neçə gündür ki, işgəncələr altında əzab çəkir. Belə dırnaqarası ilahiyyatçılar bu məzlumun haqqında iki kəlmə söz danışmaq əvəzinə, dinimizi təhqir edənlərin çirkin əməllərini ört-basdır etməklə məşğuldurlar.
Biz, Vahid Ümmət Ruhanilər təşkilatı olaraq İslam dininə təhqir olan məlum filmlə bağlı hər insanı, eyni zamanda bu təhqirə mənalı razılıq verən ruhani kimi tanınan şəxsləri tənqid edir və onları bu yoldan daşınmağa dəvət edirik.
Əziz qardaşımız Abbas Hüseynə olan işgəncələri məhkum edirik və qardaşımıza bildiririk ki, siz qalibsiniz! Səbr edin, sübhün açılmağına az qalıb!

https://t.iss.one/VAHIDUMMAT

"VAHİD ÜMMƏT" AZƏRBAYCAN RUHANİLƏR TƏŞKİLATI

"VAHİD ÜMMƏT" AZƏRBAYCAN RUHANİLƏR TƏŞKİLATININ RƏSMİ TELEGRAM KANALI

https://t.iss.one/VAHIDUMMAT

113 views02:34