Bismillahirrahmanirrahim

مَا نَنْسَخْ مِنْ آيَةٍ أَوْ نُنْسِهَا نَأْتِ بِخَيْرٍ مِنْهَا أَوْ مِثْلِهَا ۗ أَلَمْ تَعْلَمْ أَنَّ اللَّهَ عَلَىٰ كُلِّ شَيْءٍ قَدِيرٌ

"Biz nə zaman hər hansı bir ayəni nəsx etsək (onun hökmünü aradan aparsaq), ondan daha yaxşısını və ya onun kimisini gətirərik." Bəqərə surəsi, ayə 106.

Əziz mücahid, böyük lider və qiymətli şəxsiyyət olan Seyyid Həsən Nəsrullahın fəxarət dolu şəhadəti hər birimizin qəlbini üzdü və ürəyimizi yandırdı. Amma, biz İmam Hüseyn (ə) aşiqləriyik və belə hadisələr qabağında sınmamağı, həzrət Zeynəb (s.ə) kimi möhkəm dayanmağı özümüz üçün eşqin tələbi hesab edirik. Allah Öz sevdiyi bəndələrini çətin imtahanlarla ucaldır və bu ağır sınaqlar Onun məhəbbətinin nişanəsidir. "Raziyətən mərziyyə" halını arzulayan aşiqlər kimi istənilən şəhadət xəbərini Ondan olan xoş mesaj kimi qəbul edirik. Allah bizi də o pak şəhidlərə qovuşdursun...

Unutmayaq ki, Allah Özü vəd veribdir və Onun partiyası qalib olacaqdır. İmam Hüseyni (ə) şəhid etməkdən sonra nə Yezid bu dünyada çox qaldı, nə İbn Ziyad ucala bildi. Əksinə, çox keçmədən hər ikisi və digər qatillər tarixin kirli səhifəsinə çevrildilər. Allah Öz nurunu tamamlayacaqdır. 32 il öncə şəhid olan Seyyid Abbas Musəvinin yerini Seyyid Həsənlə doldurduğu kimi bu təzə pak şəhidin də əvəzini yetirəcəkdir. Biz buna inanırıq və yuxarıdakı ayədə Özü buyurduğu kimi O, buna qadirdir. Biz isə hər bir halda Ona şükr etməyə borcluyuq və həqiqət budur ki, Seyyidin şəhadəti uca Allahın ona hədiyyəsidir. O, ömrü boyu mübarizə apardı və bu yolda öz əzizlərindən keçmişdi. Özü üçün şəhadət istəyirdi və bütün yaxşılıqların mənbəyi olan əziz Allah da onu arzusuna çatdırdı. O sevindi, biz isə üzüldük. Lakin, Allah daim yaxşılıq edəndir və biz Onu belə tanıyırıq. Öz kitabında cənnət əhlinin sözünü necə də gözəl nəql etmişdir:

إِنَّا كُنَّا مِنْ قَبْلُ نَدْعُوهُ ۖ إِنَّهُ هُوَ الْبَرُّ الرَّحِيمُ

"Həqiqətən, biz bundan öncə də Ona dua edirdik. Həqiqətən, O, çox yaxşılıq edən və rəhimlidir." Tur surəsi, ayə 28.

https://t.iss.one/Zuhur_Az