​​#Даҳонинг_болалиги

🇹🇷 ТУРКИЯНИНГ БИРИНЧИ ПРЕЗИДЕНТИ

🎉 1881 йил 19 май. Беш фарзандидан айрилган Али Ризо хонадонида ўғил туғилди. Бахтдан сархуш ота бешик тепасига қиличини осиб: "Бугундан бошлаб мана шу қилич унинг шаъни, ори, номуси ҳимоячиси бўлсин. Мазлумни йиғлатганларни мана шу қилич ёрдамида йиғлатсин", деди. Болакай мактабда энг қобилиятли, севимли, намунали болакай бўлганидан устозлари орасида "Камолотли", яъни Камол деб ном чиқарди.

🎒 Ўрта мактабни тугатмасданоқ, 12 ёшида Ўсмирлар ҳарбий мактабига ўтказилди. Ҳарбийлик қонда бор эди-да. 16-17 ёшида эса онасининг қаршилигига қарамай, ҳарбий академияга ўқишга топширди. Сиёсий, ижтимоий, диний ҳамда дунёвий қарашлари шу ерда тетапоя бўлди. Ўз халқини кўчада куппа-кундузи таловчи киссавур юртдошлари борлиги ва жамиятни, халқни бундай кимсалардан тозалаш, эрк ва озодлик нафасини олиб кириш, аммо буни қандай қилиш ҳақида ўйлай бошлади.

👍 Шу тариқа йигитча 450 нафар талаба ичида кучли ўнталикка киритилди. Энди у 20 ёшли капитан эди. Биринчи жаҳон уруши буюк Усмонли турклар империясига қимматга тушди. Барча ҳарбий салоҳияти юқори саркардалар, офицерлар, капитанлар қаторида қаҳрамонимиз ҳам урушга сафарбар этилди. У шунчаки капитан эмасди: ўзига хос сиёсати ва ўткир нутқи бор эди. Ватанни ғанимга бўйсуниб топширгандан, жанг қилиб, ўлиб топшириш афзаллиги ҳақида ваъзлар ўқиди.

🔥 Истанбул инглизлар қўлида қолиб кетганида, қўмондон сифатида халқни оммавий озодлик курашига чақирди. Сакариё дарёси бўйидаги жанг унга Маршал унвонини берди. 1922 йил охирига келиб турк армияси унинг бошчилигида ғалабага эришди.

📌 Айниқса, Чаноққалъада кўрсатган жасорати ҳануз олқишланади. Ўзи мақсад қилган янги республикани ташкил қилиш вақти келганди. Кечиктирмади. Янги республикага асос солди.

‼️ Диний мутаассибликдан холи дунёвий демократик, адолатга асосланган бир давлат ташкил топиши ва ривожланиши учун нима керак бўлса барини қилди: илм тарғиботини кучайтирди, мактаблар қурдирди, бепул умумий таълим жорий қилди, янги турк алифбосини жорий эттирди, қонун олдида аёл ҳам, эркак ҳам тенг эканлигини қатъий белгилаб қўйди, университетлар очдирди.

☝️ Эвазига эса халқ уни бир замонавий давлатни "вужудга келтирган ота" сифатида "Отатурк — турклар отаси" дея алқади. Олқишлади. Унга ҳамфикр, ҳамнафас бўла бошлади. У замонавий Туркиянинг илк карвонбошиси — президенти бўлди. Отаси бўлди.

XX асрнинг энг муҳим сиёсий лидерларидан бири бўлган ҳамда жар ёқасида турган давлатни чўққига чиқарган бу болакайнинг исми...

Мустафо эди. Мустафо Камол Отатурк эди.

Yoshlar kundaligi

⚡⚡⚡⚡⚡

Оддий қишлоқ одамлари, гўзал табиат, тоза ҳаво ва энг асосийси супер атмосфера🔥

📍Ўзбекистон Швецарияси - Мовий тоғлар. Овжазсой, Оҳангарон тумани. (Локация)

🎞"Оддий қишлоқ" кўрсатувининг янги сонини YouTube саҳифамизда ҳозироқ томоша қилинг.

👉 ТЎЛИҚ ВИДЕО БУ ЕРДА 👈

Yoshlar kundaligi

#Кун_воқеаси

Бортида Эрон президенти бўлган вертолёт билан муаммо юз берди

🇮🇷 Хабарларга кўра, Эрон президенти Иброҳим Раисий карвонида учта вертолёт бўлган, улардан иккитасида вазирлар ва амалдорлар бўлиб, улар ўз манзилларига эсон-омон етишганлиги айтилмоқда. Президент учаётган вертолёт ҳақидаги хабарлар эса ҳали ҳам ноаниқлигича қолмоқда.

🚨Эрон Фавқулодда вазиятлар вазирлиги вакилининг маълум қилишича, ноқулай об-ҳаво туфайли ҳаводан қидирув ишлари тўхтатилган, жараён пиёда қутқарув гуруҳлари томонидан олиб бориляпти. Қутқарув гуруҳлари сони ҳам оширилган.

🇺🇸 Америка расмийлари Эрон президенти Раисий ўлдирилган деб ҳисоблаяпти. Бу ҳолатдан сўнг АҚШ президенти Жо Байден ҳам фавқулодда йиғилиш учун Оқ уйга боради.

🇦🇿 Озарбайжон Президенти Твиттердаги саҳифасида ушбу ишдан хавотирда эканини билдириб, қўшни давлат, дўст ва қардош сифатида ҳар қандай ёрдамга тайёр эканлигини маълум қилди.

🇮🇶 Ироқ Бош вазири ҳам Эрон президенти вертолётини топишда Эронга ёрдам бериш ҳақида қарор чиқарди.

Yoshlar kundaligi

#Туйғу

Эй, кўзлари шамчироқ
Эй, сўзлари қўнғироқ.
Бамисоли қўғирчоқ
Кел, бугун кўришамиз.

Шошиб, фурсат ўтмасдан,
Кун охирга етмасдан,
Ҳали қуёш ботмасдан
Кел, бугун кўришамиз.

Қўшиқдан

🖼 Образда: Бахтиёр Қурбон, Анора Абдурашидова

Yoshlar kundaligi

⚡️⚡️⚡️

🇮🇷 Эрон Президенти Иброҳим Раисий вертолёт қулаши оқибатида ҳалок бўлган ➖ Mehr ахборот агентлиги

И.Раисий 2023 йил 9 ноябрь куни Иқтисодий ҳамкорлик ташкилоти саммити доирасида Ўзбекистонга ташриф буюрган эди.

Yoshlar kundaligi

#Тайинлов

✅ Эркин Муҳиддинов Тошкент вилояти ҳокимининг биринчи ўринбосари лавозимига тайинланди.

❗️Ҳозиргача у Оҳангарон тумани ҳокими лавозимида ишлаб келаётган эди.

Yoshlar kundaligi

#Ифтихор

"Ёш олимлар" танловида Тошкент вилояти вакили биринчи ўринни эгаллади

❇️ 17-18 май кунлари Бухоро шаҳрида Соғлиқни сақлаш вазирлиги ҳамда Республика ихтисослаштирилган онкология ва тиббий радиология илмий-амалий тиббиёт маркази ташаббуси билан Ўзбекистон онколог ва радиологларининг ХХ конференцияси бўлиб ўтди.

✔️Анжуманда АҚШ, Буюк Британия, Франция, Дания, Россия Федерацияси, Туркия, Ҳиндистон каби 10 дан зиёд давлатларнинг етакчи олим ва экспертлари ташриф буюрди. 

🟢Мазкур анжуман доирасидаги "Ёш олимлар" танловида РИО ва РИАТМ Тошкент вилоят филиалидан Сонияхон Зиеведенова энг юқори ўринни муносиб кўрилди.

✨Вилоятимиз вакиласини ушбу ютуқ билан табриклаймиз.

Yoshlar kundaligi