Янги йил байрами арафасида бемор болажонларга ҳам шодлик улашилди

Янги йил айёми арафасида йўқлов тадбирлари давом этмоқда.

Бугун Наманган вилояти раҳбари Шавкатжон Абдураззоқов Янги Наманган тумани ҳудудида жойлашган болалар шифохонасида бўлиб, чақалоқлар неонтология, хирургия, болалар соматика, неврология ва реанимация бўлимларида даволанаётган бемор болажонлар ҳолидан хабар олди.

Шифохонадаги болалар ва уларнинг оналари Қорбобо, Қорқиз иштирокида Янги йил байрами билан табрикланди ҳамда байрам совғалари топширилди. Дошқозонда ош дамланиб касалхонадаги барчага тарқатилди.

Вилоят ҳокими янги йил байрамини шифохонада кутиб олаётган беморлар ва уларнинг яқинларига далда бериб, тезроқ соғайиб кетишларини тилади.

Мазкур йўқловдан дардига даво излаб, муолажа олаётган бемор болаларнинг юзига табассум югурди.

Янги Наманган тумани ҳокимлиги ахборот хизмати

#Янги_йил_шукухи

Давлатобод туманида байрам шукуҳи

Давлатобод туманидаги "Афсоналар боғи" тематик паркида аҳоли ва ёшлар учун кўтаринки руҳда байрам тадбирлари ташкил этилмоқда. Ушбу тадбирларда эстрадамизнинг эл суйган юлдузлари иштирок этиб, концерт дастурларини тақдим этмоқда.

Байрам дастури ёшлар ва оилалар учун мароқли лаҳзалар ҳадя этмоқда. Концертларда машҳур хонандалар ўзининг энг яхши қўшиқлари билан барчага юқори кайфият улашаётган бўлса, паркда ташкил этилган бошқа кўнгилочар дастурлар ҳам меҳмонларни ўзига жалб қилмоқда.

“Афсоналар боғи”да байрамни нишонлашга келган фуқаролар, айниқса, ёшлар, мазмунли ва унутилмас онларни хотирага мухрлашмоқда. Ушбу тадбирлар аҳолининг маданий ҳордиқ чиқариши ва байрамни биргаликда нишонлаши учун ажойиб имконият яратмоқда.

Тематик паркдаги байрам дастурлари давомида маданият ва санъат билан уйхунлашган махсус шоулар, саҳна кўринишлари ҳамда бошқа қизиқарли кўнгилочар лойиҳалар ҳам намойиш қилинмоқда.

Давлатобод тумани ҳокимлиги Ахборот хизмати