#Янгиликлар

📗Ўзбекистон Республикаси Вазирлар Маҳкамасининг 2022 йил 26 апрелда "Таълим муассасаларида йўл ҳаракати қоидалари тарғиботини кучайтириш чора-тадбирлари тўғрисида"ги 212-сон қарори қабул қилинди.

⚡️Ушбу қарорга кўра, Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг амалдаги штат бирликлари доирасида Йўл ҳаракати хавфсизлиги хизматининг ҳудудий бошқармаларида Умумий ўрта ва ўрта махсус таълим муассасалари билан ҳамкорликда хизмат олиб борадиган катта инспектори лавозими жорий этилади.

👉 @YHXX_UZ

#Янгиликлар

📗 Ушбу қарорга кўра, умумий ўрта ва ўрта махсус таълим муассасаларида кўнгилли ёшлар иштирокида йўл ҳаракати қоидаларини фаол тарғиб қилувчи “Йўл ҳаракати қоидалари ёш тарғиботчиси” клуби ва “Яшил чироқ” мусобақаси ташкил этилади.

👉 @YHXX_UZ

#Янгиликлар

📗Ушбу қарорга кўра, катта инспектор умумий ўрта ва ўрта махсус таълим муассасаларида ёшлар ўртасида тарғибот-ташвиқот ишларини олиб боради, викторина ва мусобақаларни ташкил этади, тадбирларнинг оммавий ахборот воситаларида ёритилишини таъминлайди, мактабларда йўл ҳаракати қоидаларини ўргатиш бўйича яратилган шароитларни ўрганади, мониторинг қилади ва баҳолайди, аниқланган камчиликлар тўғрисида ҳудудий халқ таълим бошқармаларига маълумот киритади ҳамда таълим муассасаларида мазкур қарор доирасида амалга оширилаётган ишларни назорат қилади.

👉 @YHXX_UZ

#Янгиликлар

⚡️Ушбу қарорга кўра, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Ўзбекистон Республикаси Президентининг 2021 йил 8 июндаги ПФ–6243-сон Фармони 2-бандининг тўққизинчи хатбошига мувофиқ маҳалла фуқаролар йиғинларининг таълим муассасаларига яқин ҳудудларида “Йўл ҳаракатини ўрганиш майдончалари”ни ташкил этиш учун фуқароларнинг ўзини ўзи бошқариш органларига қишлоқ хўжалигида фойдаланилмайдиган ер майдонларидан доимий фойдаланиш ҳуқуқи асосида ер участкалари ажратилади.

👉 @YHXX_UZ

⚡️Ўзбекистон Республикаси Ички ишлар вазирлиги:

- бир ой муддатда Жамоат хавфсизлиги департаменти Йўл ҳаракати хавфсизлиги хизматининг амалдаги штат бирликлари доирасида Йўл ҳаракати хавфсизлиги хизмати ва унинг ҳудудий бошқармаларида олий педагогик маълумотга эга бўлган, умумий ўрта ва ўрта махсус таълим муассасалари билан ҳамкорликда хизмат олиб борувчи бир нафардан катта инспектор лавозимини жорий этади;

- Мактабгача таълим вазирлиги ва Халқ таълим вазирлиги билан биргаликда 2022 йил 1 сентябрдан бошлаб “Йўл ҳаракати интизоми болаликдан бошланади” шиори остида мактабгача таълим ташкилотлари тарбияланувчилари ва мактаб ўқувчиларига йўлларда, чорраҳаларда ва пиёдалар ўтиш жойларида ҳаракатланиш асосларини амалий-кўргазмали тарзда ўргатишни йўлга қўяди.

👉 @YHXX_UZ

⚡️Ўзбекистон Республикаси Ички ишлар вазирлиги Халқ таълими вазирлиги билан биргаликда:

✔️икки ой муддатда “Ҳаракат хавфсизлиги синфхоналари” намунавий лойиҳаларини ишлаб чиқиб, ушбу лойиҳалар асосида 2022–2025 йилларда умумий ўрта ва ўрта махсус таълим муассасаларида “Ҳаракат хавфсизлиги синфхоналари”ни ташкил этиш дастурини тасдиқлайди ва ижросини таъминлайди;

🔹икки ой муддатда ҳар йили умумий ва ўрта махсус таълим муассасалари ўқувчилари ўртасида ўтказиладиган йўл ҳаракати қоидаларини фаол тарғиб қилувчи “Яшил чироқ” мусобақасини ташкил этади;

‼️умумий ва ўрта махсус таълим муассасаларига бириктирилган ходимларни, шу жумладан “Йўл ҳаракати қоидалари ёш тарғиботчиси” клуби фаол аъзоларини улар томонидан амалга оширилган ишларнинг натижадорлигидан келиб чиққан ҳолда, Йўл ҳаракати хавфсизлиги хизматининг моддий-техник базасини ривожлантириш, ходимларни рағбатлантириш ва мукофотлаш жамғармаси маблағлари ҳисобидан рағбатлантириб боради.

👉 @YHXX_UZ

⚡️Ўзбекистон Республикаси Ички ишлар вазирлиги:

- Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ой муддатда маҳалла фуқаролар йиғинлари ҳудудида фуқароларнинг ўзини ўзи бошқариш органларига ажратилган ер майдонларида 2022–2024 йилларда “Йўл ҳаракатини ўрганиш майдончалари”ни ташкил этиш дастурини ишлаб чиқиб тасдиқлайди ва ижросини таъминлайди;

- Транспорт вазирлиги, Халқ таълими вазирлиги, Олий ва ўрта махсус таълим вазирлиги, Ёшлар ишлари агентлиги, Ўзбекистон Миллий телерадиокомпанияси билан биргаликда уч ой муддатда “Йўл ҳаракати қоидаларининг асослари” видеокурсларини яратади ва таълим муассасалари ҳамда оммавий ахборот воситалари орқали оммалаштириш чораларини кўради;

- Транспорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда 2022–2024 йилларда таълим муассасалари атрофида белгиланган тартибда ҳаракат тезлигини камайтирувчи сунъий нотекисликлар ёки шовқин чизиқлари босқичма-босқич ўрнатилиб, тўлиқ жиҳозланишини таъминлайди.

👉 @YHXX_UZ

🔹Ўзбекистон Республикаси Халқ таълими вазирлиги:

- Олий ва ўрта махсус таълим вазирлиги, Ички ишлар вазирлиги, Ёшлар ишлари агентлиги билан биргаликда уч ой муддатда умумий ўрта ва ўрта махсус таълим муассасаларида кўнгилли ёшлар иштирокида йўл ҳаракати қоидаларини фаол тарғиб қилувчи “Йўл ҳаракати қоидалари ёш тарғиботчиси” клубини ташкил этади;

❗️Ички ишлар вазирлиги билан биргаликда бир ой муддатда:

- 2022–2025 йилларда умумий ва ўрта махсус таълим муассасаларида “Ҳаракат хавфсизлиги синфхоналари”ни ташкил этиш бўйича тасдиқланган дастурга мувофиқ умумтаълим муассасаларида тегишли синфхоналар ташкил этиш учун зарур хоналар ажратилишини таъминлайди;

- умумий ва ўрта махсус таълим муассасаларида йўл ҳаракати қоидалари соҳасида назарий билим ва амалий кўникмаларни шакллантириш мақсадида ички ишлар органлари ходимлари иштирокида ўқув-семинарлар ташкил этади.

👉 @YHXX_UZ

⚡️ 26 апрель — Ўзбекистон халқ шоири Муҳаммад Юсуф таваллуд топган кун

🔹 Шоирнинг таваллуд топган куни муносабати билан Тошкент вилояти ИИББ ЖХХ ЙҲХБ ходимлари "Адиблар ҳиёбони"га ташриф буюришди.

👉 @YHXX_UZ

#Муносабат

📱Ижтимоий тармоқда тарқалган, Чироқчи туманида ЙПХ ходимлари ва фуқаролар ўртасида тортишувли вазият акс этган видео юзасидан маълумот

👉 Батафсил

👉 @YHXX_UZ

#Об_ҳаво

🔹“Ўзгидромет” хабарига кўра, бугун кундуз куни Ўзбекистон бўйича ёғингарчилик кутилмайди, фақат Андижон, Наманган, Фарғона вилоятларида баъзи жойларда қисқа муддатли ёмғир ёғади, момақалдироқ бўлиши мумкин. Шамол баъзи жойларда 17-22 м/с гача кучайиши мумкин. Ҳаво ҳарорати 23-28° бўлади.

🔹Пойтахтимизда ёғингарчилик кутилмайди. Шамол 3-8 м/с тезликда эсади. Ҳаво ҳарорати 25-27° бўлади.

🔹Тоғ олди ва тоғли ҳудудларда баъзи жойларда қисқа муддатли ёмғир ёғади, момақалдироқ бўлиши мумкин. Шамол 7-12 м/с тезликда эсади. Ҳарорат 13-18° бўлади.

👉 @YHXX_UZ

#Диққат

⚡️Айрим ҳудудларда сел-сув тошқин ҳодисалари юзага келиши мумкин

👉 Батафсил

👉 @YHXX_UZ