Maktablarda raqamli texnologiyalar takomillashtiriladi

▶️Bugun Abdulla Avloniy nomidagi Milliy pedagogik mahorat ilmiy-tadqiqot institutida raqamli texnologiyalar va STEM ta’limiga tayyorgarlikni oshirishga bag‘ishlangan ikki kunlik seminar o‘z ishini boshladi.

😄Mazkur seminar Maktabgacha va maktab ta’limi vazirligi hamda YUNIСEF hamkorligida tashkil etildi.

✅Seminarda maktablarning raqamli ta’limga tayyorgarligini baholash natijalari muhokama qilinib, EdTech texnologiyalarini joriy etishning yetuklik mezonlarini ko‘rib chiqish belgilangan.

✅Shuningdek, seminar davomida o‘quv jarayonida raqamli resurslardan samarali foydalanish strategiyalarini ishlab chiqish, texnologiyalarni ta’lim tizimiga integratsiya qilish va uning barqarorligini ta’minlash bo‘yicha yo‘l xaritasi ishlab chiqiladi.

❇️Mazkur seminarda YUNISEF xalqaro eksperti Frederik Karvalyu ishtirok etib, maktablarning raqamli ta’limga tayyorgarligiga oid asosiy tadqiqot natijalarini taqdim etdi. Seminar doirasida ishtirokchilar ta’limda AKTdan foydalanish, EdTech ekotizimini qo‘llab-quvvatlash, texnologiyalarning o‘quv natijalariga ta’sirini monitoring qilish va baholash bo‘yicha amaliy muhokamalar olib boradi.

Tadbir BMT Ishonch jamg’armasi tomonidan moliyalashtirilgan loyihaning muhim bosqichlaridan biri bo‘lib, O‘zbekistonda ta’lim tizimini modernizatsiya qilish va barcha o‘quvchilar uchun raqamli muhitni rivojlantirishga xizmat qiladi.

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin