RASMIY MUNOSABAT

Ijtimoiy tarmoqlarda "O‘quvchini kaltaklagan direktormi?” sarlavhali videolavha tarqatildi. Mazkur lavhada Xiva shahar 6-sonli maktab direktori 2023-yilning 1-may kuni davlat imtihoniga kechikib kelgani uchun fuqaro G.Iskandarovaning nevarasini kaltaklagani, bu holat direktor tomonidan 4 marta takrorlanayotgani aytib, tegishli organlardan uni javobgarlikka tortishlarini so‘ralgan.

Holat viloyat maktabgacha va maktab ta’limi boshqarmasi ishchi guruhi hamda tegishli vakolatli tashkilot vakillari hamkorligida o‘rganildi.

Lavozim vazifalarini yetarli darajada bajarmaganligi, o‘z ish faoliyatida e’tiborsizlik va mas’uliyatsizlikka yo‘l qo‘yganligi uchun Xiva shahar 6-sonli maktab direktoriga nisbatan “Hayfsan” intizomiy jazo chorasi qo‘llanildi.

Xorazm viloyati maktabgacha va maktab ta’limi boshqarmasi Matbuot xizmati

Telegram/ Youtube/ Facebook/Instagram/ Web-sayt

Diqqat, tanlov!

“Inson huquqlari va erkinliklari sohasida ta’lim va innovatsiyalar” milliy tanlovi o‘tkazilmoqda

✅ Inson huquqlari sohasidagi Jahon ta’lim dasturining to‘rtinchi bosqichi, BMTning Inson huquqlari sohasida ta’lim va tarbiya to‘g‘risidagi deklaratsiyasi doirasida hamda Inson huquqlari umumjahon deklaratsiyasi qabul qilinganligining 75 yilligi munosabati bilan Inson huquqlari bo‘yicha O‘zbekiston Respublikasi Milliy markazi, Maktabgacha va maktab ta’limi vazirligi, Oliy ta’lim, fan va innovatsiyalar vazirligi, Yoshlar ishlari agentligi, Yoshlar ittifoqi hamkorligida “Inson huquqlari va erkinliklari sohasida ta’lim va innovatsiyalar” milliy tanlovi e’lon qilinmoqda.

❗️Talabgorlar tanlov ishlari, belgilangan namunadagi ariza va Nizom 10-bandida keltirilgan hujjatlarni 2023-yil 1-iyundan 1-noyabrga qadar [email protected] elektron manziliga yuborishlari lozim.

👉 Batasil: https://uzedu.uz/uz/news/1083

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

#Prezident_maktabi
#Qabul_2023
#10_iyundan_30_iyungacha

📢 DIQQAT E'LON!

❗️PRЕZIDЕNT MAKTABLARI 2023-2024-O'QUV YILI UCHUN QABUL E'LON QILADI!

⚡️ Ixtisoslashtirilgan taʼlim muassasalari agentligi tizimidagi Prezident maktablariga 2023/2024-o‘quv yili uchun hujjatlar qabuli 10-iyundan – 30-iyunga qadar ONLAYN shaklda ariza.piima.uz sayti orqali amalga oshiriladi.

❓ Prezident maktablariga qanday hujjatlar talab etiladi?
🗂 Talabgorning:
➖ tug‘ilganlik to‘g‘risidagi guvohnomasi;
➖ fotosurati (oxirgi 2 oyda olingan);
➖ ota-onasi yoki uning o‘rnini bosuvchi shaxsning pasport ma’lumotlari va telefon raqamlari (doimiy ishlab turgan telefon raqamlari) aniq va bexato kiritilishi lozim;
➖ baholar tabeli nusxasi (direktor tomonidan tasdiqlangan).

❗️DIQQAT
🔖 Talabgorning baholar tabelidagi matematika va tabiatshunoslik fanlaridan 4-sinfdagi yillik baholari "5" baho (a'lo) bo'lishi lozim.

❓Prezident maktablariga nechanchi sinfdan qabul qilinadi?
➖ 2023-2024-o'quv yilida Andijon, Buxoro, Guliston, Jizzax, Qarshi, Navoiy, Namangan, Nukus, Nurafshon, Samarqand, Farg‘ona, Xiva, Termiz va Toshkent shaharlaridagi Prezident maktablariga 5-sinfga qabul qilinadi.

📌 Qabul jarayoniga oid yangiliklarni ijtimoiy tarmoqlardagi rasmiy sahifalarimiz orqali kuzatib borishingiz mumkin.

Agentlikning rasmiy sahifalariga ulanish:
Telegram | Facebook | Instagram | YouTube

✅✅✅✅✅✅

📣 1-iyun — "Xalqaro bolalarni himoya qilish kuni" munosabati bilan joriy yilning 25-may kunidan 2-iyun kuniga qadar "Yangi O‘zbekistonning baxtiyor bolalari!" shiori ostida Respublika bolalar kutubxonasi va viloyat bolalar kutubxonalari tomonidan kitobxonlikni targ‘ib qilishga qaratilgan bir qancha tadbirlar o‘tkazib kelinmoqda.

➡️ Maktabgacha va maktab ta'limi vazirligi hamda Respublika bolalar kutubxonasi tomonidan ushbu bayram haftaligi doirasida 1-iyundan 3-iyunga qadar soat 18:00 da "G‘afur G‘ulom" nomidagi madaniyat va istirohat bog‘ida "Bolalar kitob festivali" o‘tkaziladi.

🔻Ushbu festivalga barcha kitobxon bolajonlarni chorlab qolamiz. Festival davomida faol kitobxon o‘quvchilar o‘rtasida savol-javoblar viktorinasi, raqslar guldastasi, estrada xonandalari tomonidan ajoyib kuy-qo‘shiqlar hamda she'riyat kechasi bo‘lib o‘tadi.

➡️ Respublika bolalar kutubxonasi Matbuot xizmati

Telegram|You tube|Facebook|Instagram|Web site

Maktabgacha hamda maktab ta’limi yangi bosqichga olib chiqiladi

Davlatimiz rahbarining maktabgacha hamda maktab ta’limini yangi bosqichga olib chiqish, uning sifatini oshirish hamda ta’lim dasturlarini takomillashtirishga doir tegishli Farmoni imzolandi.

Xo‘sh, ushbu Farmon bilan maktabgacha hamda maktab ta’limida qanday o‘zgarishlar amalga oshirilishi ko‘zda tutilmoqda?

Maktablarda o‘quvchilarni baholashda ularning yodlash ko‘nikmasini baholashdan voz kechilib, ularning mavzuni amaliyotda qo‘llay bilish, tanqidiy fikrlash va berilgan materialni tahlil qila olishlariga ko‘proq e’tibor qaratiladi.

Amaliy mashg‘ulotlar ulushini 60 foizgacha oshirish orqali mavzular aniq muammoni hal qilish orqali o‘rgatiladi.

Bog‘cha va maktablar malakali kadrlar bilan ta’minlanadi

Farmonga asosan, bog‘cha va maktablarni malakali kadrlar bilan ta’minlash yo‘nalishida ham oldimizga muhim vazifalar belgilab berildi. Unga ko‘ra, endilikda maktablarga ishga qabul qilinayotgan pedagoglarni sertifikatlash tizimi joriy etilmoqda. Bunda, ular 1 yil davomida o‘qituvchi-stajor sifatida faoliyat yuritadi va ushbu muddat davomida sertifikat olishi lozim bo‘ladi. Bu esa maktabga kelayotgan yoshlar orasidan eng malakalilarni tanlash imkonini beradi.

2024-yil 1-yanvardan boshlab o‘qituvchilarga malaka toifasini berish bo‘yicha sinovlar 2 bosqichda o‘tkazilishi orqali pedagogning nafaqat bilimi, balki pedagogik mahoratini baholash mumkin bo‘ladi. Bugungi kungacha o‘qituvchilarning mahoratini baholashda asosan test savollariga tayanilib kelinar edi.

Bundan tashqari, 2025-yil 1-yanvarga qadar malaka toifasini berish tizimi vakolatli xorijiy kompaniyalarda akkreditatsiyadan o‘tkazilishi, pedagoglarga xalqaro malaka sertifikati berilishi va 70 foiz miqdorda qo‘shimcha ustama to‘lanishi belgilanmoqda. Bunda ularning o‘rtacha oyligi 3,5 mln.dan 6 mln. so‘mgacha oshirish imkoniyati mavjud.

Maktabgacha ta’lim tizimidagi ayni vaqtdagi muammolardan biri, xodimlar oylik maoshi miqdorining pastligi sababli malakali pedagoglarning maktab yoki xususiy bog‘chalarga ishga o‘tib ketayotganidir. Oqibatda davlat maktabgacha ta’lim tashkilotlarida 113 ming nafar pedagogdan atigi 41 ming nafari (37 foizi) oliy ma’lumotli bo‘lib qolmoqda.

Shu nuqtai-nazardan kelib chiqqan holda, maktabgacha ta’lim tashkilotlariga malakali tarbiyachilarni jalb qilish maqsadida 2024-yil 1-iyundan boshlab ularning tarif stavkalari maktab o‘qituvchilarining amaldagi stavkalariga tenglashtirilmoqda. Bunda ularning oyligi 2,5 mln.dan 3,5 mln. so‘mgacha oshishi ko‘zda tutilgan.

Direktorlarning huquqlari kengaytiriladi

Mazkur Farmon bilan maktab direktorlariga ham o‘z faoliyatiga doir qator vakolat va huquqlar berilmoqda. Bu esa ularning kasbiy rivojlanishiga ko‘mak berish asnosida, ularning yangilik qila olish, zamon talabiga javob beradigan rahbar bo‘lishlariga imkon yaratadi.

Shu bois endilikda Qoraqalpog‘iston, viloyatlar va Toshkent shahridagi eng tajribali maktab direktorlaridan iborat “Direktorlar kengash”lari tashkil etiladi. Bunda maktab direktorlariga o‘z o‘rinbosarlarini ishga qabul qilish va ishdan bo‘shatish, o‘quv rejalarga 15 foizgacha o‘zgartirish kiritish masalalarini mustaqil hal qilish huquqi beriladi.

Vazirlikning tuman (shahar) bo‘limlari maktablar faoliyatini tekshirmaydi

Maktablarga ortiqcha aralashuvlar ham kamaytirilib, vazirlikning tuman (shahar) bo‘limlarining maktablar faoliyatini tekshirish va ta’lim sifatini baholash vakolatlari tugatilmoqda.

Bir so‘z bilan aytganda, imzolangan mazkur Farmon bilan oldimizga yaqin muddatlarda amalga oshirishimiz lozim bo‘lgan muhim vazifalar belgilab berildi. Bu vazifalarni bosqichma-bosqich bajarish davomida maktabgacha hamda maktab ta’limi sohasini yangi pog‘onaga olib chiqish yo‘lida navbatdagi qadamni tashlaymiz.