«ТАРБИЯ» ФАНИНИ ҚАЙСИ ФАН ЎҚИТУВЧИЛАРИ ЎТИШИ МУМКИН?

Хабарингиз бор янги ўқув йилидан бошлаб умумий ўрта таълим муассасаларида “Одобнома”, “Ватан туйғуси”, “Миллий ғоя ва маънавият асослари” ва “Дунё динлари тарихи” фанларини бирлаштирган ҳолда ягона “Тарбия” фани 1-9-синфларда 2020-2021 ўқув йилидан, 10-11-синфларида 2021-2022 ўқув йилидан бошлаб босқичма-босқич амалиётга жорий этилиши режалаштирилмоқда.

Кўпчилик обуначиларимиз “Тарбия” фанини айнан қайси фан ўқитувчиси ўтиши мумкинлигини сўрамоқдалар.

Умумтаълим мактабларида янги жорий қилиниши кутилаётган “Тарбия” фанини “Бошланғич таълим”, “Миллий ғоя ва ҳуқуқ”, “Тарих” мутахассислигига эга ўқитувчилар ўтиши режалаштирилмоқда.

“Бошланғич таълим”, “Миллий ғоя ва ҳуқуқ”, “Тарих” фани ўқитувчилари эса халқ таълими ходимларини қайта тайёрлаш ва малакасини ошириш ҳудудий марказларида мақсадли малака ошириш курсларига жалб этилади.

Олий таълим муассасаларидаги “Бошланғич таълим”, “Тарих”, “Ўзбек филологияси”, “Миллий ғоя, маънавият асослари ва ҳуқуқ”, “Педагогика ва психология” йўналишларида таҳсил олаётган 2019-2020 ўқув йили битирувчи курсларининг ўқув режа, дастур ва малака талабларига “Тарбия” ўқитиш ҳуқуқини берувчи тегишли ўзгартириш ва қўшимчалар киритилган бўлиши ҳам эҳтимолдан ҳоли эмас.

Шунингдек, 2020-2021 ўқув йилидан педагогик кадрлар тайёрловчи олий таълим муассасаларида “Миллий ғоя, маънавият асослари ва ҳуқуқ таълими” йўналиши ўрнига “Тарбия ва ҳуқуқ таълими” йўналиши очилиши ҳам мумкин.

👉@Xorazm_XTB

9-синф ўқувчилари қизиқишига кўра касб-ҳунар мактабларига қамраб олинади

https://uzedu.uz/uz/9-sinf-ukuvcilari-kizikisiga-kura-kasb-unar-maktablariga-kamrab-olinadi


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

Хива шаҳридаги Огаҳий ижод мактаби жамоаси ва ўқувчиларининг ўз фаолиятини биринчи ўқув йилида таълим- тарбия жараёни ва уни карантин даврида янгича шаклда ҳам муваффақиятли амалга оширилгани , эришилган ютуқларининг айримлари ҳақида Хоразм телевиденияси томонидан репортаж тайёрланди ва эфирга берилди.
Марҳамат, томоша қилинг.
👉@Xorazm_XTB

Фрилансерларни қўллаб-қувватлаш чора-тадбирлари тўғрисида Президент қарори лойиҳаси муҳокама учун чоп этилди

Веб-фрилансерларни қўллаб-қувватлашга қаратилган Президент қарори лойиҳаси ёшларнинг замонавий касб эгаси бўлиши учун кўникма ва билимларни шакллантириш, уларни етук малакали мутахассислар даражасига етказиш учун бир қатор муҳим ўзгаришларни назарда тутади.

https://www.uzedu.uz/uz/frilanserlarni-kullab-kuvvatlas-cora-tadbirlari-tugrisida-prezident-karori-lojiasi-cop-etildi

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

​​📌 Халқ таълими бўлими ходими жиноятга қўл урди

Ота-оналар фарзандларини етук инсон бўлишини истаб, мактаб муассасаларига ўқитиш учун юборишади. Ваҳоланки, ушбу муассасалар фаолиятини мувофиқлаштириш вазифаси юклатилган халқ таълими бўлими ходимлари томонидан жиноятга қўл урилиши мактабда таълим олаётган ўқувчиларнинг тарбиясига салбий таъсир ўтказмасдан қолмайди.

Хаққулов Жонибек Одилович(исм-шариф шартли) 2017 йил 7 ноябрдан 2019 йил май ойига қадар Хатирчи туман Халқ таълими бўлимининг таълим сифатини мониторинг қилиш бўлимида инспектор-методист вазифасида ишлаб келиб, аттестациядан ўтувчи педагог кадрлар рўйхатига ўзгартириш киритиш бўйича таклифлар бериш каби вазифаларни бажариш чоғида ғаразгўйлик ва паст мақсадларни кўзлаб, гўёки сохта ҳужжатлар билан туманнинг таълим кўрсаткичларини яхшилаш мақсадида аттестациядан ўта олмаган, шунингдек, тоифа сертификатининг амал қилиш муддати тугаганлиги сабабли тоифага эга бўлмаган ўқитувчилар номига сохталаштирилган ҳолда расмийлаштириш ҳаракатларини муассасадаги компьютер воситаси ва рангли принтери ёрдамида сертификат серия-рақами, унга қайд қилинадиган ўқитувчининг фан тури ва шахсига оид маълумотларини ўзгартириш йўли билан амалга ошириб, сохта сертификатларни тумандаги мактаб директорлари орқали иш ҳақини ҳисоблаш “УЗАСБО” электрон дастурига ҳамда мактаблардаги тарификация ҳужжатларига киритиб, сохта буйруқ чиқариш йўли билан тўловга тақдим этиши натижасида, жами 83 та умумтаълим мактабларининг 379 нафар аттестациядан ўтмаган ўқитувчиларига асоссиз равишда ортиқча тўловларга йўл қўйилиб, жами 132 млн. 263 минг 250 сўмлик жуда кўп миқдордаги бюджет маблағларини растрата қилиш йўли билан талон-торож қилиб, қонун билан қўриқланадиган давлат ва жамият манфаатларига жиддий зарар етказган.

Мазкур жиноят иши жиноят ишлари бўйича Нурота туман суди раиси З.Ибрагимов томонидан кўриб чиқилиб, Хаққулов Жонибек Одиловичга мансабдорлик ва моддий жавобгарлик лавозимларида ишлаш ҳуқуқидан маҳрум қилиб, ахлоқ тузатиш ишлари жазоси тайинланди.

Ж.Ҳаққулов томонидан жиноят йиллар давомида содир этилганлиги бу борада юқори турувчи органлар томонидан ўз вақтида назорат қилинмаганлиги, жиноят содир этилишига бамайлихотир қараб турилганлигидан далолат беради.

Ҳар бир соҳада ҳаққонийлик, чин кўнгилдан ишлаш, адолатлилик ҳукм сурмас экан, ушбу турдаги жиноятлар содир бўлаверади. Шу сабабли, ҳар бир ходим фаолиятини тизимли ва изчил назорат қилиш келажакда адолатли ва самарали ишлаш механизми яратилишида асос бўлим хизмат қилади.


Хуршид Асомов,
Жиноят ишлари бўйича
Нурота туман суди девонхона мудири

✍"Ta'lim yangiliklari" канали
👉@Xorazm_XTB

Жорий йилнинг 28 май куни FACEBOOK ижтимоий тармоғининг “Коррупция ва ноҳақликлар” гуруҳида Отабек Нуритдинов томонидан матн эълон қилинди. Мазкур матнда Урганч шаҳридаги 28-сон мактабнинг тасвирий санъат фани ўқитувчиси Низамутдинова Альбина Ренатовна томонидан мактабда содир қилинаётган ноҳақликлар, қонунбузарликлар бўйича бир қанча маълумотлар келтирилган.
Ижтимоий тармоқда эълон қилинган мазкур маълумот Хоразм вилоят халқ таълими бошқармаси ишчи гуруҳи томонидан ўрганилмоқда. Ўрганиш жараёни якунига етгач, ишчи гуруҳ хулосасини эълон қиламиз.

Хоразм вилоят халқ таълими бошқармаси Ахборот хизмати.
👉@Xorazm_XTB

📣 Mazkur postni ulashing va Edu Marketdan 100.000 so'm miqdoridagi vaucherga ega bo'ling!!!

❗️Tanlov shartlari:
1️⃣ Edu Market ilovasini yuklab oling va qurilmangizga o'rnating
Android | iOS

2️⃣ #ITSM ning Facebook sahifasiga obuna bo'ling
https://www.facebook.com/itsc.uz

3️⃣ Mazkur postni Facebook`dagi shaxsiy sahifangizda ulashing
https://bit.ly/2AdpSEy

4️⃣ Izohda 5 ta do'stingizni belgilab, ilovadagi ro'yxatdan o'tgan ID raqamingizni #iplayedumarket heshteg yozuvi bilan yozib qoldiring.

📆 Tanlov: 29.05.2020 dan 20.06.2020 ga qadar o'tkaziladi

💳 Vaucherlar soni: 1️⃣0️⃣0️⃣
❗️Eslatib o‘tamiz, yuqoridagi barcha shartlarni to'liq bajargan ishtirokchilar tanlovda ishtirok etgan hisoblanadi.

🏆G‘oliblar yuqoridagi barcha shartlarni bajargan ishtirokchilar orasidan tasodifiy sonlar generatori orqali aniqlanadi.

Batafsil:
👉 https://itsm.uz/uz/press-releases/view?id=56

"Ta'lim yangiliklari" телеграм каналида "Хоразм вилояти Хива шаҳридаги 2-сонли умумий ўрта таълим мактаб директори ўқитувчиларини СМС орқали Хива шаҳридаги 56-мактаб интернатига чақиртириб, синф журналига йиллик баҳоларини қўйишни сўраганлиги, бу эса қонун қоидаларга тўғри келмаслиги" ҳақидаги маълумотга Хоразм вилоят халқ таълими бошқармаси томонидан
РАСМИЙ МУНОСАБАТ

2020 йил 26 май куни "Ta'lim yangiliklari" телеграм каналида "Хоразм вилояти Хива шаҳридаги 2-сонли умумий ўрта таълим мактаб директори ўқитувчиларини СМС орқали Хива шаҳридаги 56-мактаб интернатига чақиртириб, синф журналига йиллик баҳоларини қўйишни сўраганлиги, бу эса қонун қоидаларга тўғри келмаслиги" ҳақидаги матн эълон қилинди.
Мазкур маълумот Хоразм вилоят халқ таълими бошқармаси ишчи гуруҳи томонидан тегишли тартибда ўрганилди ва ўрганиш хулосаси бўйича қуйидагиларни маълум қиламиз:
Халқ таълими вазирининг 2020 йил 20 майдаги “Умумий ўрта таълим мактабларида 2019-2020 ўқув йилини якунлаш ҳамда ўқувчиларни аттестат (шаҳодатнома) билан таъминлаш тўғрисида”ги 130-сонли буйруғида жорий йилнинг 5 июнига қадар битирувчиларга аттестат (шаҳодатнома) бланкаларига қўйиладиган якуний баҳоларни attestat.uzedu.uz электрон тизимига киритиш лозимлиги кўрсатиб ўтилган. Буйруқнинг мазкур банди ижросини таъминлаш мақсадида Хива шаҳридаги 2-сон мактаб директори телеграм гуруҳи орқали мактаб ўқитувчиларини карантин талабларига риоя қилган ҳолда келишларини сўраган. Хива шаҳридаги 2-сонли мактаб биносида қурилиш жараёнлари бўлиб турганлиги сабабли Хива шаҳридаги 56-сонли ихтисослаштирилган мактаб интернати биносида 9-, 11-синфларига фанлардан дарс берувчи ўқитувчилар томонидан карантин қоидаларига риоя қилган ҳолда синф журналлари тўлдирилган. Ўқитувчилар вазиятдан фойдаланиб, ўзлари дарс берадиган қуйи синф журналларига ҳам йиллик баҳоларини қайд қилганликлари аниқланди. Мазкур жараёнда мактаб жамоасининг карантин талабларига қай даражада амал қилганликлари бўйича ваколат доирасида ўрганиб, хулоса беришларини сўраб, Хоразм вилояти ДСЭНБ бошлиғи А.Исмаиловга Хоразм вилоят халқ таълими бошқармасининг 2020.29.05 даги 02/7-13-546–сонли хати юборилганлигини маълум қиламиз.
Бундан ташқари, телеграм каналида эълон қилинган суръатдаги синф журнали Хива шаҳридаги 2-сонли мактабга тегишли эмаслигини аниқланди.
Шунингдек, ижтимоий тармоқда тарқатилган матнда мактабдаги қурилиш ишларига эркак ва аёл ўқитувчиларининг ҳам жалб қилинганлиги бўйича маълумот келтирилган. Бу юзадан ҳозирда Хива шаҳридаги 2-сонли мактабда қурилиш ишларини олиб бораётган “Хива Пирнахос қурилиш” хусусий ширкати иш юритувчиси Ойбек Худайберганов билан суҳбатлашилганда, қурилиш ишлари олиб борилаётган майдоннинг девор билан ўралиб, кириш қисмига соқчи қўйилганлиги, ҳамда мазкур ҳудудга бегоналар кириши қатъиян тақиқланганлигини маълум қилди. Шунингдек, қурилиш жараёнига 113 нафар ишчининг жалб қилинганлигини, ёрдамчи кучга эҳтиёжи йўқлигини таъкидлаб, мазкур қурилишда ўқитувчилар аралашувига гувоҳ бўлмаганлигини таъкидлади.
Хива шаҳридаги 2-сонли мактаб ўқитувчилари билан онлайн тарзда суҳбатлашилганда, улар мактаб директори томонидан ҳеч қандай мажбурий меҳнатга жалб қилиш ҳолатлари содир бўлмаганлигини, фақат мактаб таъмирланиши муносабати билан синф хоналари жиҳозларини кўчиришда иштирок қилганликлари юзасидан онлайн тарзда тушунтириш хати тақдим қилдилар.
Юқоридагилардан келиб чиқиб, мактаб директори томонидан ўқитувчилар мажбурий меҳнатга жалб қилинмаганлигини маълум қиламиз.

Хоразм вилоят халқ таълими бошқармаси Ахборот хизмати.
👉@Xorazm_XTB

❗️❗️❗️DIQQAT TANLOV!❗️❗️❗️
Xalq ta’limi vazirligi O‘quvchi va yoshlar tashkilotlari bilan ishlash boshqarmasi, UNFPA, Birlashgan Millatlar Tashkilotining Aholishunoslik jamg‘armasi hamkorlikda Men o‘smirman (qizlar uchun) kanalida “YOZGI TA’TILNI SAMARALI O‘TKAZISHNING 10 TA QOIDASI” nomli tanlovini e’lon qiladi!

Ishtirokchilar kategoriyasi! Tanlovda ixtiyoriylik asosida umumta’lim maktablarining faqat 7-11 sinf o‘quvchi-qizlari ishtirok etishlari mumkin.💁🏻‍♀️
Tanlov platformasi! Tanlov onlayn tarzda telegramm tarmog‘idagi @yoshqizlarga kanalida tashkil etiladi.
Asosiy shartlar! Tanlovda ishtirok etish istagidagi o‘quvchi qizlar “YOZGI TA’TILNI SAMARALI O‘TKAZISHNING 10 TA QOIDASI” mavzusida ma’rifiy, ijtimoiy video rolik yoki video taqdimot tayyorlashi hamda uni @yoshqizlarga telegramm kanalining administratoriga yuborishi lozim.
📽Video material 10 megabaytdan va davomiyligi 3 daqiqadan oshmasligi hamda video+izoh tarzida yuborilishi talab etiladi. Izohda ishtirokchi ism/sharifi, ta’lim olayotgan maktabi (hudud va tumanni ko‘rsatgan holda)ni, sinfini hamda video mavzusini ketma-ketlikda ko‘rsatishi kerak. Bitta shaxsdan faqat bitta material qabul qilinadi. Tanlov materiallari va undagi matnlar imlo xatolarisiz bo‘lishi shart.
⏰Muddat! Tanlovga materiallar 2020-yil 10-iyun soat 18:00 ga qadar qabul qilinadi. Materiallar 10-iyun sanasiga qadar dushanbadan – jumagacha kunduzi soat 10:00 dan – 18:00 ga qadar bo‘lgan oraliqda yuborilishi lozim. Belgilangan muddatlardan tashqari va kechikib topshirilgan videolar qabul qilinmaydi.
Baholash mezonlari:
⚖️ Ijodiy yondoshuv va orginallik uchun - 0 dan 5 ballgacha;
⚖️ Ekspert fikrlaridan foydalanilganligi va izlanish uchun - 0 dan 5 ballgacha;
⚖️ Muallifning shaxsiy fikrlari mavjudligi va dunyoqarashining boyligi uchun - 0 dan 5 ballgacha;
⚖️ Qizlarga milliy va umuminsoniy qadriyatlar hamda ijtimoiy odob, etika qoidalari nuqtai nazaridan mosligi uchun - 0 dan 5 ballgacha;
⚖️ Berilayotgan tavsiyalarning qishloq va shahar sharoitidagi o‘quvchi qizlar uchun mosligi uchun - 0 dan 5 ballgacha;
⚖️ Vaqt reglamentiga amal qilinganligi uchun - 0 dan 5 ballgacha;
⚖️ O‘quvchi-qizlarning yoz davomida bo‘sh vaqtlarini (karantin qoidalarini inobatga olgan holda) maksimal foydali o‘tkazishga qaratilganligi uchun - 0 dan 5 ballgacha;
⚖️ Kanal a’zolari tomonidan kamida 20 ta ijobiy e’tirof olganligi (“like” - yoqtirish belgisiga egalik) uchun - 5 ball;
⚖️ Tengdosh-tengdoshga tamoyili asosidagi ijobiy, motivatsion, rivojlantiruvchi chaqiriqlarga boyligi uchun - 0 dan 10 ballgacha baholanadi.
☝️Eslatma! Tanlov shartlari hamda baholash mezonlariga mos kelmagan videolar tanlovga qabul qilinmaydi va @yoshqizlarga kanalida e’lon qilinmaydi. Material yuborilgandan so‘ng 24 soat ichida kanalda e’lon qilinmagan videolar tanlovga qabul qilinmagan hisoblanadi.

👏Natija!15-20 iyun kunlari barcha materiallar ko‘rib chiqiladi va baholangach @yoshqizlarga telegram kanalida e’lon qilinadi.
G‘oliblar tashkilotchilar tomonidan diplom hamda esdalik sovg‘alari bilan taqdirlanadi.🎁
Faol va yaxshi natija ko‘rsatgan ishtirokchilar sertifikat bilan rag'batlantiriladi.
😊Tanlov g‘oliblari hamda faol va yaxshi natija ko‘rsatgan ishtirokchilarning videolari ijtimoiy tarmoqlardagi sahifalar va boshqa telegram, youtube kanallariga joylashtiriladi. Ularning videolari orqali butun Respublika bo‘ylab boshqa o‘quvchi-qizlarning ham yozgi ta’til vaqti samarali va foydali o‘tishiga erishiladi.
☝️Tanlovning bosh maqsadi o‘quvchi qizlarning dunyoqarashini kengaytirish, bo‘sh vaqtlarini mazmunli o‘tkazishlarini ta’minlash, notiqlik va zamonaviy shaxs ko‘nikmalari, jumladan AKT dan foydalanish bo‘yicha bilimlarini boyitishga, karantin sharoitida ijtimoiy faolliklariga ertishish, 5ta muhim tashabbusni amalga oshirish.

😊Hurmatli singiljonlar, mazkur kanal Sizning sirdoshingiz bo'lib, sog'lom, farovon va baxtli hayot kechirishga yordam beradi!
👇kanalga ulanish uchun quyidagi havolaga bosing!
https://t.iss.one/joinchat/AAAAAE-CzNkKTKpb7R2KQg

👉@Xorazm_XTB

FACEBOOK ижтимоий тармоғининг “Коррупция ва ноҳақликлар” гуруҳида Отабек Нуритдинов томонидан эълон қилинган маълумотга Хоразм вилоят халқ таълими бошқармаси томонидан
РАСМИЙ МУНОСАБАТ.
Жорий йилнинг 28 май куни FACEBOOK ижтимоий тармоғининг “Коррупция ва ноҳақликлар” гуруҳида Отабек Нуритдинов томонидан матн эълон қилинди. Мазкур матнда Урганч шаҳридаги 28-сон мактабнинг тасвирий санъат фани ўқитувчиси Низамутдинова Альбина Ренатовна томонидан мактабда содир қилинаётган ноҳақликлар, қонунбузарликлар бўйича бир қанча маълумотлар келтирилган.
Ижтимоий тармоқда эълон қилинган мазкур маълумот бўйича қуйидагиларни маълум қиламиз.
А.Низамутдинова мурожаатида келтирилган маълумотлар бўйича вилоят халқ таълими бошқармаси томонидан расмий муносабат билдирилган бўлиб, фақат битта банди бўйича қуйидагиларни маълум қиламиз:
А.Низамутдинова 2020 йил 20 май куни мактаб касаба уюшмаси раиси Л.Сапарова номига Ф.Ибрагимова томонидан унга нисбатан қилинаётган ноҳақликлар юзасидан ёзма мурожаат қилган.
2020 йил 26 май куни эса Ф.Ибрагимова ўқитувчи А.Низамутдинова билан ўзаро келишмовчилик юзасидан ёзма шаклда телеграм орқали касаба уюшмаси раисига мурожаат қилган.
Мактаб касаба уюшмаси раиси Л.Сапарова мазкур мурожаатларни ёлғиз ўзи кўриб чиқа олмаслиги, карантин муносабати билан касаба уюшмаси аъзоларини йиғиш имкони йўқлигини, карантин тугагач кўриб чиқиши ҳақида мурожаатчиларни огоҳлантирган. Сўнгра, Урганч шаҳар касаба уюшмаси масъулларидан крантин талабларига риоя қилган ҳолда касаба уюшма аъзоларини ва мурожаатчиларни йиғиши мумкинлиги бўйича ижобий фикр олгач, 2020 йил 27 май куни йиғилиш ўтказишни режалаштирган. Бироқ А.Низамутдинова мазкур йиғилишга келишни рад қилганлиги сабабли йиғилиш тўхтатилган.
Хулоса ўрнида, Урганч шаҳридаги 28-сон мактаб ўқитувчилари А.Низамутдинова ҳамда Ф.Ибрагимоваларнинг мурожаати юқорида келтирилган сабабларга кўра ҳозирги кунга қадар мактаб касаба уюшмаси томонидан кўриб чиқилишининг имкони бўлмаганлигини маълум қиламиз.
Хоразм вилоят халқ таълими бошқармаси Ахборот хизмати.
👉@Xorazm_XTB