BOSHQARMA BOSHLIG'INING NAVBATDAGI SAYYОR QABULI XIVA TUMANIDA BO'LIB O'TDI

Fuqarolar hamda maktabgacha va maktab ta’limi xodimlarining tizimga doir murojaat, taklif va shikoyatlarini qabul qilish hamda joyida o‘rganib, bartaraf etish bo‘yicha joylarda Xorazm viloyati Maktabgacha va maktab ta’limi boshqarmasi boshlig‘ining sayyor qabullari tashkil etilmoqda.

Viloyat Maktabgacha va maktab ta’limi boshqarmasi boshlig‘ining navbatdagi sayyor qabuli Xiva tumanidagi 8-sonli umumiy o'rta ta'lim maktabi binosida bo'lib o'tdi.

Jonli va ochiq muloqot shaklida o'tgan sayyor qabulda maktabgacha va maktab ta’limi xodimlari hamda fuqarolarning maktablarda ta’mirlash ishlariga bo‘lgan talab, ta’lim muassasalariga ishga joylashish va boshqa yo‘nalishlardagi yigirmadan ortiq murojaat va takliflari qabul qilindi.

Xorazm viloyati Maktabgacha va maktab ta’limi boshqarmasi Matbuot xizmati

SHOVOT TUMANIDA ZAMONAVIY SHAROITLARGA EGA YANGI REKONSTRUKSIYA QILINGAN 28-SON DAVLAT MAKTABGACHA TA'LIM TASHKILOTI BINOSI FOYDALANISHGA TOPSHIRILDI

Viloyatimizda ko‘plab yangi ta’lim tashkilotlari zamonaviy qiyofaga keltirilib, tarbiyalanuvchilarni bilim va tarbiya olishi uchun imkoniyatlar yaratilmoqda.

Bugun Shovot tumani Idalliqal'a mahallasida Davlatimiz Rahbarining topshirig‘iga asosan 150-o‘rinli yangi maktabgacha ta'lim tashkiloti tantanali tarzda foydalanishga topshirildi.

Ochilish marosimida Shovot tuman hokimi O.Xolboyev hamda Maktabgacha va maktab ta’limi bo'limi boshlig'i B.Rajabov, keng jamoatchilik vakillari, mahalla faollari, shuningdek ota-onalar qatnashdilar.

Ishtirokchilar yangi binoda o‘g‘il-qizlarning munosib ta’lim-tarbiya olishlari uchun yaratilgan sharoitlar bilan yaqindan tanishdilar.

Maktabgacha ta'lim tashkilotda tarbiyalanuvchilar uchun barcha qulayliklar yaratilgan. Zamonaviy jihozlanganligi barchani birdek quvontirdi.