«JADIDLAR IZIDAN» TANLOVINING XORAZM VILOYAT BOSQICHI BO‘LIB O‘TDI

Maktabgacha va maktab ta’limi vazirligi tomonidan umumiy o‘rta ta’lim maktablari o‘quvchilari o‘rtasida buyuk jadid alloma, adib va mutafakkirlarimizning boy ma’naviy merosini keng targ‘ib qilish, ma’naviy dunyosini boyitish maqsadida tashkil etilgan “Jadidlar izidan” tanlovining Xorazm viloyat bosqichi nihoyatda qizg‘in kechdi.

O‘tkazilgan sinovlar natijasiga ko‘ra,
➡️6-7-8-sinflar o'rtasida:
I-o‘rin Urganch tumanidagi  45-son ixtisoslashtirilgan maktab o‘quvchisi Akbar Boboxonov,
II-o‘rin Hazorasp tumanidagi 20-maktab o‘quvchisi Madina Olimboyeva,
III-o‘rin Yangiariq tumanidagi 5-maktab o‘quvchisi Qutlibika Xushnudovaga,

➡️9-10-sinflar o'rtasida:
I-o‘rin Yangiariq tumanidagi 4-maktab o‘quvchisi Esayeva Shabnam,
II-o‘rin Xonqa tumanidagi 48-son ixtisoslashtirilgan maktab internati o‘quvchisi Dilobar Bahtiyorova,
III-o‘rin Yangibozor tumanidagi 33-maktab o‘quvchisi Sabrina Jumaboyevaga nasib etdi.

Endilikda 1-o‘rinni qo‘lga kiritgan o‘quvchilar tanlovning respublika bosqichida viloyatimiz sharafini himoya qiladilar.

Gʻoliblarni tantanali taqdirlash marosimida viloyat Maktabgacha va maktab ta’limi boshqarmasi boshlig‘i Xamro Bektemirov ishtirok etib, tanlov g‘oliblari va faol ishtirokchilarga diplom va tashakkurnomalar hamda esdalik sovg‘alarini topshirdi.

Xorazm viloyati Maktabgacha va maktab ta’limi boshqarmasi Axborot xizmati

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌

Xushxabar! Nodavlat maktabgacha va maktab tashkilotlari barcha turdagi soliq va yig‘imlardan ozod qilinadi

“Ta’lim sohasida xususiy sektor ishtirokini oshirish bo‘yicha qo‘shimcha chora-tadbirlar to‘g‘risida”gi Prezident qarori qabul qilindi.

Qaror bilan 2030-yil 1-yanvarga qadar nodavlat maktabgacha va umumiy o‘rta ta’lim tashkilotlari:

➖barcha turdagi soliq (bundan ijtimoiy soliq mustasno) va yig‘imlardan ozod qilinadi;

➖unda mehnat faoliyatini amalga oshirayotgan chet ellik o‘qituvchi va mutaxassislar jismoniy shaxslardan olinadigan daromad solig‘i va ijtimoiy soliq to‘lamaydi.

Shuningdek, 2030-yil 1-yanvarga qadar nodavlat maktabgacha va umumiy o‘rta ta’lim tashkilotlarining quyidagi O‘zbekiston Respublikasida ishlab chiqarilmaydigan tovar jihozlariga bojxona to‘lovlari to‘lanmaydi (bojxona rasmiylashtiruvi uchun yig‘imlar bundan mustasno):

zamonaviy o‘quv va laboratoriya uskunalari;
kompyuter texnikasi va dasturiy mahsulotlar;
o‘quv va ilmiy-metodik adabiyotlar, anjomlar va moddiy-texnik resurslar.

2025-yil 1-yanvardan boshlab:

➖nodavlat ta’lim tashkilotlariga doimiy jalb etiladigan pedagog xorijiy mutaxassislarga “A-2” o‘qituvchilar kirish vizalarini berish yo‘lga qo‘yiladi;

➖davlat va nodavlat ta’lim tashkilotlari tomonidan xorijdan jalb qilingan mutaxassislarga mehnat qilish huquqini beruvchi tasdiqnoma berish yig‘im miqdori BHMning 30 baravaridan 1 baravarigacha kamaytiriladi.

@hilola_umarova

«JADIDLAR IZIDAN» TANLOVINING XORAZM VILOYAT BOSQICHI BO‘LIB O‘TDI

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌