ASOSIY FAN OLIMPIADASINING VILOYAT BOSQICHI G‘OLIBLARI TAQDIRLANDI

Xabaringiz bor, joriy yil 4-noyabr kuni start olgan asosiy fan olimpiadasining uchinchi viloyat bosqichi bugun yakunlandi.

Olimpiadaning tuman va shahar bosqichlarida g‘olib bo‘lgan 265 nafar 9-sinf, 327 nafar 10-sinf, 295 nafar 11-sinf o‘quvchilari o‘zaro bellashdilar.

Ular orasidan eng iqtidorli va bilimli o‘quvchilar matematika, informatika, fizika, kimyo, biologiya fanlaridan xolisona va shaffof tarzda o‘tgan bilimlar sinovi orqali tanlab olindi.

Bugun Urganch shahridagi IT markazida g‘olib o‘quvchilarni taqdirlash marosimi bo‘lib o‘tdi.

Tadbirni viloyat maktabgacha va maktab ta’limi boshqarmasi boshlig‘i Xamro Bektemirov kirish so‘zi bilan ochib berdi.

Boshqarma boshlig‘i so‘zida o‘z o‘quvchilariga puxta bilim berib, ularni g‘oliblar safidan joy egallashlariga hissa qo‘shgan fan o‘qituvchilariga va haqiqiy bilim egalarini tanlashda qilgan xizmatlari uchun hakamlarga minnatdorchilik bildirdi.

Shundan so‘ng olimpiadada o‘quvchilari g‘olib bo‘lgan Bog‘ot ixtisoslashtirilgan maktabi, Bog‘ot tumani 47-maktab, Gurlan tumanidagi 6-IDUM, 30-son, 43-son, Hazorasp tumanidagi To‘lqin FM nodavlat ta’lim muassasasi, Hazorasp ixtisoslashtirilgan maktab, 45-son maktab, Qo‘shko‘pir tumanidagi 42-son, 1-son maktab-internat, Shovot tumanidagi ixtisoslashtirilgan maktab, Tuproqqal’a tumanidagi ixtisoslashtirilgan maktab, Urganch shahar 1-son ixtisoslashtirilgan maktab-internat, 29-, 7-son, UrDU huzuridagi akademik litsey, Urganch tumanidagi 45-IMI, 27-son maktab, Xiva shahar 2-son Ixtisoslashtirilgan maktab, Xiva shahar, Prezident maktabi, Xiva tumani 20-son, Xonqa tumani ixtisoslashtirilgan maktab, Yangiariq tumanidagi 11-son, 38-son maktablar va ixtisoslashtirilgan maktab, Yangibozor tumanidagi ixtisoslashtirilgan maktablar pedagoglari hamda o‘quvchilari taqdirlandi.

Olimpiada nizomiga ko‘ra, 1-o‘rinni qo‘lgan kiritgan o‘quvchilarning har biriga 1980 000 ( bir million to‘qqiz yuz sakson ming) so‘m, 2-o‘ringa 1 320 000 (bir million uch yuz yigirma ming) so‘m, uchinchi o‘ringa 990 000 (to‘qqiz yuz to‘qson ming) so‘m miqdorda pul mukofotlari ham topshirildi.

Telegram/Youtube/Facebook/Instagram/Web-sayt

"BESH TASHABBUS PARALIMPIADASI"NING RESPUBLIKA BOSQICHI G‘OLIBLARI MUNOSIB KUTIB OLINDI

Alohida ta'lim ehtiyojlari bo'lgan bolalar uсhuп ixtisoslashtirilgan maktab va maktab-internatlari o'quvchilari o'rtasida tashkil etilgan "Besh tashabbus paralimpiadasi" ning respublika bosqichida viloyatimiz o'quvchilari faxrli o'rinlarni egallab, umumjamoa hisobida 1-o'rinni qo'lga kiritgani haqida xabar bergan edik. Bugun g'olib o'quvchilarimiz viloyatga qaytib keldilar. Ularni viloyat maktabgacha va maktab ta'limi boshqarmasi mas'ullari, maktab direktorlari va o'qituvchilar munosib kutib oldilar.

Telegram/Youtube/Facebook/Instagram/Web-sayt

#Hazorasp_tumani
#Maʼnaviyat_marafoni

Biz bir bo‘lsak – yagona xalqmiz, birlashsak – Vatanmiz!

Bugun mamlakatimizda ilk bor O‘zbekiston Respublikasi Prezidenti Shavkat Mirziyoyevning “Biz bir bo‘lsak – yagona xalqmiz, birlashsak – Vatanmiz!” degan ezgu daʼvatlari asosida “Maʼnaviyat marafoni” ochilish tadbirida Hazorasp tumanida ham o‘tkazildi.

Xususan, tumandagi 45-son maktabda o‘quvchilar ishtirokida “Qadrdon maktabimga kitob sovg‘a qilaman”, “Kitob-mening taqdirimda”, “Yosh ijodkor”, “Targ‘ibotchining bir kuni” loyihalari  amalga oshirildi.

Telegram/Youtube/Facebook/Instagram/Web-sayt