Оҥхой нэһилиэгэр саха ынахтарыгар аныммыт 50 төбөлөөх хотон тутуллан үлэҕэ киирдэ.

"Саха ынаҕа" СӨ генофоднай тэрилтэтин Үөһээ Бүлүүтээҕи филиалыгар билиҥҥи туругунан уопсайа 51 төбө иитиллэр. Манна эбии бүгүн Горнай улууһун Маҕарас нэһилиэгиттэн 15 сүөһү кэллэ, сарсын Ньурба улууһун Акана нэһилиэгиттэн 10 сүөһү уонна эһиил 5 сүөһү Горнай улууһуттан кэлэрин кэтэһэбит.

Бырайыак быһыытынан хотон 50 төбөлөөх диэн да буоллар, саха ынаҕа атын боруода ынахтартан ураты дьүһүннээх буолан, уопсайа 80 саха сүөһүтэ батар хотоно тутулунна.

Хотон үөрүүлээх арыллыытыгар "Якутский скот" өрөспүүбүлүкэтээҕи генофоднай тэрилтэ салайааччыта Артемьев Александр Еремеевич үөрүүлээх түгэнинэн эҕэрдэлээтэ уонна Үөһээ Бүлүүтээҕи филиал салайааччытыгар Пантелеймон Михайлович Дмитриевка хобо чуорааны үөрүүлээх быһыыга-майгыга туттарда. Эҕэрдэ тылыгар Александр Еремеевич инникитин 120-130 сүөһүгэ тиийиэхтээхпит диэн сыал-сорук туруорда.

Оҥхойго тутуллубут хотон 5 сыл иһигэр саха ынахтарыгар анаммыт 10-с хотон буолла.

Саха ынаҕа инникитин биһиги улууспутугар өссө элбиэ, кэҥиэ диэн эрэлбит улахан.

"Якутский скот" өрөспүүбүлүкэтээҕи генофоднай тэрилтэ салайааччытыгар Артемьев Александр Еремеевичка өйөбүлгүт иһин истиҥ махталбытын тиэрдэбит. Саха ынаҕын харыстыыр, элбэтэр сырдык сыаллаах тэрилтэҕит өссө сайда чэчирии турдун, үлэҕит таһаарыылаах, ситиһиилээх буоллун!

#ТыаХаһаайыстыбата
#СахаЫнаҕа
#ЯкутскийСкот
#ВерхневилюйскийУлус

t.iss.one/ValeriNikolaev

Саха Сирин Ил Дархана Айсен Николаев Ил Түмэҥҥэ туһаайан этиитин Саха Сирин бары олохтоохторугар дойдубут сайдыытыгар түмсүүлээх кылааттарын иһин махталыттан саҕалаата. Маны тэҥэ анал байыаннай дьайыы кыттыылаахтарыгар, Россия геройдарыгар махтанна.

#ПосланиеГлавыРСЯ

t.iss.one/ValeriNikolaev