Ытыктабыллаах Үөһээ Бүлүү уулууһун олохтоохторо, биир дойдулаахтарбыт!
Эһигини «Үөһээ Бүлүү улууһа» муниципальнай оройуон дьаһалтатын аатыттан Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибит!
Бу бэлиэ күн чулуу сахалар Исидор Барахов, Степан Аржаков, Платон Ойуунускай, Максим Аммосов, Степан Васильев туруорсан ситиспит ыра санааларын түмэр, биһигини, аныгы көлүөнэ дьону, сайдар кэскилбит бэйэбититтэн тутулуктаах буоларын туоһулуур дириҥ ис хоһоонноох, суолталаах күн буолар.
Саха Өрөспүүбүлүкэтин бастакы Президиэнэ М.Е. Николаев ыыппыт быһаччы үлэтин түмүгэр балаҕан ыйын 27 күнүгэр 1990 сыллаахха Саха АССР ХII ыҥырыылаах Үрдүкү Сэбиэтин дьокутааттара Саха Өрөспүүбүлүкэтин Судаарыстыбаннай сүбүрүнүтүөтүн туһунан Декларацияны ылыммыттара.
Бу дьаһал олоххо киирэн, Сахабыт Сирин инники дьылҕата саҥалыы салаллан, олохпут сайдыытын далааһына кэҥээн биэрбитэ. Саха сирэ бэйэтин социальнай-экономическай сайдыытын, нэһилиэнньэ олоҕун-дьаһаҕын тупсарыы сүрүн хайысхаларын быһаарынар, туруорсар, сайыннарар кыахтааҕын уонна бырааптааҕын чопчулуур улахан суолталаах Конституция төрүттэммитэ.
Михаил Ефимович Николаев Россияҕа дьиҥнээх федерализм олохтонуутугар, бэйэни салайаныыга, регионнар статустара үрдүүрүгэр быһаччы дьайбыта.
Бастакы судаарыстыбаннаһы төрүттээбит Исидор Барахов, Платон Ойуунускай, Максим Аммосов, Степан Аржаков, Степан Васильев суолларынан Саха Өрөспүүбүлүкэтин бэйэтэ саланан олорор быраабын туруорсан ситиспит бастакы Президиэҥҥэ Михаил Николаевка махталбыт муҥура суох.
Үтүө үгэстэрбитин өрө тутан, биһиги саҥа сыаллары туруорунабыт. Соруктарбытын ситиһэргэ, олохпут таһымын үрдэтэргэ үлэ бары эйгэтигэр күүспүтүн түмэммит Сахабыт сирэ инники кирбиигэ тахсар олугун түстэһэ, Судаарыстыбаннаһа бөҕөргүүрүгэр кылааппытын киллэрэ туруохпут диэн эрэнэбит.
Дойдубутугар буола турар ыарахан кэмҥэ бары бииргэ тутуһан, биир сомоҕо буолан, өйдөһөн-өйөһөн, бэйэ-бэйэҕэ ытыктабыллаахтык сыһыаннаһыаҕыҥ.
Күндү биир дойдулаахтарбыт!
Чэгиэн‒чэбдик туругу, этэҥҥэ буолууну, кэскилгэ эрэли, ситиһиилэри, дьолу-соргуну баҕарабыт!
#ДеньГосударственностиРСЯ
#СахаСирэ
#ВерхневилюйскийУлус
t.iss.one/ValeriNikolaev
Эһигини «Үөһээ Бүлүү улууһа» муниципальнай оройуон дьаһалтатын аатыттан Саха Өрөспүүбүлүкэтин Судаарыстыбаннаһын күнүнэн итиитик-истиҥник эҕэрдэлиибит!
Бу бэлиэ күн чулуу сахалар Исидор Барахов, Степан Аржаков, Платон Ойуунускай, Максим Аммосов, Степан Васильев туруорсан ситиспит ыра санааларын түмэр, биһигини, аныгы көлүөнэ дьону, сайдар кэскилбит бэйэбититтэн тутулуктаах буоларын туоһулуур дириҥ ис хоһоонноох, суолталаах күн буолар.
Саха Өрөспүүбүлүкэтин бастакы Президиэнэ М.Е. Николаев ыыппыт быһаччы үлэтин түмүгэр балаҕан ыйын 27 күнүгэр 1990 сыллаахха Саха АССР ХII ыҥырыылаах Үрдүкү Сэбиэтин дьокутааттара Саха Өрөспүүбүлүкэтин Судаарыстыбаннай сүбүрүнүтүөтүн туһунан Декларацияны ылыммыттара.
Бу дьаһал олоххо киирэн, Сахабыт Сирин инники дьылҕата саҥалыы салаллан, олохпут сайдыытын далааһына кэҥээн биэрбитэ. Саха сирэ бэйэтин социальнай-экономическай сайдыытын, нэһилиэнньэ олоҕун-дьаһаҕын тупсарыы сүрүн хайысхаларын быһаарынар, туруорсар, сайыннарар кыахтааҕын уонна бырааптааҕын чопчулуур улахан суолталаах Конституция төрүттэммитэ.
Михаил Ефимович Николаев Россияҕа дьиҥнээх федерализм олохтонуутугар, бэйэни салайаныыга, регионнар статустара үрдүүрүгэр быһаччы дьайбыта.
Бастакы судаарыстыбаннаһы төрүттээбит Исидор Барахов, Платон Ойуунускай, Максим Аммосов, Степан Аржаков, Степан Васильев суолларынан Саха Өрөспүүбүлүкэтин бэйэтэ саланан олорор быраабын туруорсан ситиспит бастакы Президиэҥҥэ Михаил Николаевка махталбыт муҥура суох.
Үтүө үгэстэрбитин өрө тутан, биһиги саҥа сыаллары туруорунабыт. Соруктарбытын ситиһэргэ, олохпут таһымын үрдэтэргэ үлэ бары эйгэтигэр күүспүтүн түмэммит Сахабыт сирэ инники кирбиигэ тахсар олугун түстэһэ, Судаарыстыбаннаһа бөҕөргүүрүгэр кылааппытын киллэрэ туруохпут диэн эрэнэбит.
Дойдубутугар буола турар ыарахан кэмҥэ бары бииргэ тутуһан, биир сомоҕо буолан, өйдөһөн-өйөһөн, бэйэ-бэйэҕэ ытыктабыллаахтык сыһыаннаһыаҕыҥ.
Күндү биир дойдулаахтарбыт!
Чэгиэн‒чэбдик туругу, этэҥҥэ буолууну, кэскилгэ эрэли, ситиһиилэри, дьолу-соргуну баҕарабыт!
#ДеньГосударственностиРСЯ
#СахаСирэ
#ВерхневилюйскийУлус
t.iss.one/ValeriNikolaev
Бүгүн, балаҕан ыйын 27-с күнүгэр, Саха Өрөспүүбүлүкэтин судаарыстыбыннаһын бэлиэтиир өрөгөйдөөх күммүтүгэр Кэнтик нэһилиэгэр 4 уулусса асфальт суола үөрүүлээх быһыыга-майгыга арылынна!
Бү үөрүүлээх түгэҥҥэ Кэнтик нэһилиэгин олохтоохторун СӨ тыраанспарга уонна суол-иис хаһаайыстыбатыгар миниистирэ Владимир Сивцев эҕэрдэлээтэ.
Кэнтик нэһилиэгэ бүтүн Өрөспүүбүлүкэ үрдүнэн бастакы уонна соҕотох асфальт суолунан бүрүллүбүт элбэх уулуссалаах нэһилиэк буолла.
Бу сыалы ситиһиигэ «Тыа сирэ биир кэлимник сайдыыта» Российскай Федерация судаарыстыбанай бырагыраамматын «Тыа сиригэр тыраанспар, суол-иис сайдыыта» федеральнай бырайыак көмө, тирэх буолла.
Бырайыак көмөтүнэн Кэнтик нэһилиэгэр 4 уулуссаҕа (ул. им. Героя Советского Союза Миронова А.А., Советская, Харыялахская, Кентикская), уопсайа 2,25 км уһуннаах суол оҥоһулунна.
Кэнтик нэһилиэгин дьаһалтатын хамаандата хас да сыллаах сыралаах үлэтин түмүгэр былырыын 2023 сылга федеральнай конкурска кыайан, суол өрөмүөнүгэр уопсайа 91 033 550 солк., ол иһигэр федеральнай бүддьүөттэн - 55 741 000 солк., өрөспүүбүлүкэ бүддьүөттүттэн - 25 374 060 солк., Кэнтик нэһилиэгин бүддьүөттэн - 720 000 солк., эбии үбүлээһининэн - 9 198 390 солк. көрүллэн суол оҥоруутун үлэтэ быйыл саҕаламмыта.
РИК "Автодор" хампаанньыйа атырдьах ыйын 11 күнүттэн суолу өрөмүөннээһин асфальтынан бүрүйээһин үлэтин саҕалаан бу күннэргэ түмүктээтэ.
Бүгүҥҥү бэлиэ күҥҥэ - Саха Өрөспүүбүлүкэтин Судаарыстыбыннаһын күнүгэр Кэнтик нэһилиэгэр 4 уулусса асфальтынан бүрүллэн оҥоһуллубута Сахабыт Сирэ балысхан сайдыытын биир бастыҥ ситиһиитэ уонна көрдөрүүтэ буолар.
Оҥоһуллубут суоллар үйэлээхтик, Кэнтик нэһилиэгин олохтоохторун үөрүүтүгэр алгыстаах айаны хааччыйа турдуннар!
#СтроительствоДорог
#АсфальтированиеДорог
#Кэнтик
#ВерхневилюйскийУлус
#ДеньГосударственностиРСЯ
t.iss.one/ValeriNikolaev
Бү үөрүүлээх түгэҥҥэ Кэнтик нэһилиэгин олохтоохторун СӨ тыраанспарга уонна суол-иис хаһаайыстыбатыгар миниистирэ Владимир Сивцев эҕэрдэлээтэ.
Кэнтик нэһилиэгэ бүтүн Өрөспүүбүлүкэ үрдүнэн бастакы уонна соҕотох асфальт суолунан бүрүллүбүт элбэх уулуссалаах нэһилиэк буолла.
Бу сыалы ситиһиигэ «Тыа сирэ биир кэлимник сайдыыта» Российскай Федерация судаарыстыбанай бырагыраамматын «Тыа сиригэр тыраанспар, суол-иис сайдыыта» федеральнай бырайыак көмө, тирэх буолла.
Бырайыак көмөтүнэн Кэнтик нэһилиэгэр 4 уулуссаҕа (ул. им. Героя Советского Союза Миронова А.А., Советская, Харыялахская, Кентикская), уопсайа 2,25 км уһуннаах суол оҥоһулунна.
Кэнтик нэһилиэгин дьаһалтатын хамаандата хас да сыллаах сыралаах үлэтин түмүгэр былырыын 2023 сылга федеральнай конкурска кыайан, суол өрөмүөнүгэр уопсайа 91 033 550 солк., ол иһигэр федеральнай бүддьүөттэн - 55 741 000 солк., өрөспүүбүлүкэ бүддьүөттүттэн - 25 374 060 солк., Кэнтик нэһилиэгин бүддьүөттэн - 720 000 солк., эбии үбүлээһининэн - 9 198 390 солк. көрүллэн суол оҥоруутун үлэтэ быйыл саҕаламмыта.
РИК "Автодор" хампаанньыйа атырдьах ыйын 11 күнүттэн суолу өрөмүөннээһин асфальтынан бүрүйээһин үлэтин саҕалаан бу күннэргэ түмүктээтэ.
Бүгүҥҥү бэлиэ күҥҥэ - Саха Өрөспүүбүлүкэтин Судаарыстыбыннаһын күнүгэр Кэнтик нэһилиэгэр 4 уулусса асфальтынан бүрүллэн оҥоһуллубута Сахабыт Сирэ балысхан сайдыытын биир бастыҥ ситиһиитэ уонна көрдөрүүтэ буолар.
Оҥоһуллубут суоллар үйэлээхтик, Кэнтик нэһилиэгин олохтоохторун үөрүүтүгэр алгыстаах айаны хааччыйа турдуннар!
#СтроительствоДорог
#АсфальтированиеДорог
#Кэнтик
#ВерхневилюйскийУлус
#ДеньГосударственностиРСЯ
t.iss.one/ValeriNikolaev