Бүтүн Россиятааҕы "Семья года" күрэх өрөспүүбүлүкэтээҕи түһүмэҕэ Дьокуускай куоракка түмүктэннэ.

Күрэх 7 номинацияннан ыытылынна. Онтон Үөһээ Бүлүү улууһуттан дьиэ кэргэттэр 5 номинацияҕа кытыннылар.

Күрэх түмүгэр улууспут дьиэ кэргэттэрэ 3 номинацияҕа 3 бириистээх миэстэҕэ тигистилэр.

Ол курдук, "Молодая семья" номинацияҕа Хоро нэһилиэгиттэн 5 оҕолоох Саввинов Егор Егорович уонна Базюк Мария Степановна дьиэ кэргэнэ 2-с бочуоттаах миэстэҕэ таҕыстылар.

"Приемная семья" номинацияҕа - Ороһу нэһилиэгиттэн 5 оҕолоох Семенов Александр Валентинович уонна Евсеева Айталина Адамовна дьиэ кэргэнэ 3-с миэстэ буоллулар.

"Семья - хранитель традиций" номинацияҕа Кэнтик нэһилиэгиттэн 9 оҕолоох Павел Антонович уонна Антонина Васильевна Константиновтар 3-с миэстэни ыллылар.

Улууспут киэн туттар дьиэ кэргэттэрин үрдүк ситиһиигитинэн эҕэрдэлиибит. Баҕарабыт уостубат тапталы, дьоллоох олоҕу, чөл доруобуйаны.

#ГодСемьи
#ГодДетства
#СемьяГода
#ВерхневилюйскийУлус

t.iss.one/ValeriNikolaev

Бүгүн Бүлүү улууһун баһылыгын Винокуров Сергей Николаевич ыҥырыытынан кырылас кумахтаах, кырдьаҕас Бүлүү куоратын 390 сылыгар, биллэр бэлэтиичэскэй диэйэтэл Степан Аржаков 125 сааһыгар анаммыт үбүлүөйдээх ыһыахха Үөһээ Бүлүү улууһун делегацията ыалдьыттыыбыт.

Ыһыахха Саха Өрөспүүбүлүкэтин Бырабыыталыстыбатын Бэрэсэдээтэлин солбуйааччы Георгий Михайлович Степанов, Россия геройа, лётчик-космонавт Дмитрий Петелин, кытай сириттэн делегация, Алроса хампааньыйа бэрэстэбиитэллэрэ ыалдьыттыыллар.

Бүлүү улууһун сиригэр үктэнээт, бастатан туран, Бүлүү эбэбитин арыылаах алаадьыннан күндүлээтибит.

#Бүлүү
#ҮһүөБүлүү

t.iss.one/ValeriNikolaev

Бүлүү куоракка Роскосмос бэлэхтээбит "Союз Т2" ракета макетын паамытынньыгар сибэккии дьөрбөтүн уурдубут.

#Бүлүү
#ҮөһээБүлүү

t.iss.one/ValeriNikolaeva

Ыһыахтыыр түһүлгэҕэ киирэн салама баайдыбыт, алаадьы, кымыс амсайдыбыт.

Уустар түһүлгэлэригэр киирэн тимир уустарын кытта көрүстүбүт.

#ҮөһээБүлүү
#Бүлүү

t.iss.one/ValeriNikolaev

Бүлүү улууһун ыһыаҕын үөрүүлээх арыллыыта саҕаланна.

#ҮөһээБүлүү
#Бүлүү

t.iss.one/ValeriNikolaev

Икки күннээх Кэнтик нэһилиэгэ тэриллибитэ 125 сылыгар анаммыт үбүлүөйдээх ыһыаҕа түмүктэннэ.

Үбүлүөйдээх ыһыахха Саха Өрөспүүбүлүкэтин култуураҕа уонна духуобунаска миниистирин солбуйааччы Марина Владимировна Силина ыалдьыттаата, наҕараадалары туттартаата уонна эҕэрдэ ырыатын ыллаата.
Биир дойдулаахпыт СССР норуодунай артыыһа Анегина Ильина ыһыахха кэлэн Кэнтик библиотекатыгар бэлэх кинигэлэри туттарда уонна көмүс куолаһынан ырыатын бар дьонугар бэлэх уунна.

Кэнтик нэһилиэгин бочуоттаах олохтооҕо, Кэнтик нэһилиэгин "Албан Аат" бочуоттаах хаһаайката, Россия орто үөрэхтээһинин бочуоттаах үлэһитэ, педагогическай үлэ бэтэрээнэ Тамара Сергеевна Николаева биир дойдулаахтарын ыһыаҕынан эҕэрдэлээтэ.

Ыһыахха икки күн устата оһуохайга, фольклор көрүҥүгэр, хапсаҕайга, мас тардыһыытыгар, тимиртэн оҥоһукка күрэхтэстилэр.

Дьиэ кэргэн уонна оҕо саас сылыгар анаммыт Эдэр ыал күрэҕэ ыытылынна. Кыайыылаахтарга 6 кыыс оҕолоох Петровтар дьиэ кэргэҥҥэ 125.000 солкуобай уу харчыннан бириис туттарылынна.
Ону тэҥэ Оһуохай Кылаан чыпчаалыгар 125.000 солкуобай, "Эр хоһуун-2024" многоборье күрэҕин муҥутуур кыайыылааҕар 125.000 солкуобай, мас тардыһыы муҥутуур кыайыылааҕар 125.000 солкуобай, Хапсаҕай муҥутуур кыайыылааҕар 125.000 солкуобай уу харчыннан туруорулуннулар. Миэстэлэспит, анал ааты ылбыт кыттааччылар араас сыаналаах бириистэринэн наҕараадаланнылар.

Бары кыайыылаахтары ситиһиигитинэн, Кэнтик нэһилиэгин олохтоохторун үбүлүөйдээх ыһыах үрдүк таһымнаахтык ыытыллыбытынан эҕэрдэлиибин.

#Кэнтик125
#Ыһыах
#ҮөһээБүлүү

t.iss.one/ValeriNikolaev