LƏNKƏRANDA NƏLƏR BAŞ VERİR?

BU VƏHŞİLİKDƏN HAMININ XƏBƏRİ OLSUN!

[29 iyul 2021 ci il]

Qədir-Xum bayramı (Həzrət Əlinin vilayəti) münasibətilə Lənkəranda bir neçə vətəndaş (təqribən 15-20 nəfərlik inanclı şəxs) tərəfindən bir evdə bayram yığıncağı keçirilib. Məclis Ruhani Kərbəlayi İlqar müəllimin evində təşkil olunub. Məclis zamanı polislər evin içinə ayaqqabı ilə daxil olublar, Həzrət Əlinin (ə) şəninə hazırlanan süfrəni ayaqları ilə tapdalayıb dağıdıblar. Ev sahibini hamının yanında təhqir edib və məclisdə iştirak edən insanları zorla polis bölməsinə aparıblar. Hadisə gecə saat 23:00- radələrində baş verib. Hadisənin səs-küyündan bütün məhəllə camaatı hadisə yerinə gəliblər. İlqar müəllimin təqvalı və mömin bir insan olmasını hamı yaxşı bilir. Məhəllə camaatı polislərə etirazlar ediblər və polislər camaatı, məxsüsən qadınları çox kobud şəkildə təhqir ediblər. Sanki erməni tutublarmış kimi şəhərdə polis maşınları güclü siqnal səsləri ilə gecə saatlarında bütün camaatı narahat ediblər. Hadisənin vahiməli olması və camaatı təhqir etmələrinə görə şəhər sakinləri polis bölməsinin qabağına axışaraq polis zorakılığına və biyabırçılığına etiraz ediblər. Lənkəran rayon şəhər polis idarəsinin baş rəisi polis bölməsinin qabağına etiraz üçün yığışan camaatın həbsinə, polislər tərəfindən təhqir edilməsinə və pis söyuşlər ilə qovulmasına göstəriş verib. Polislər rəisin göstərişlərini yerinə yetirərək bölmənin qabağına bu haqsızlığa görə etiraz üçün yığışan camaatı çox ağır söyüşlər ilə təhqir ediblər və camaatı həbs ilə hədələyiblər.
Kərbəlayi İlqar müəllimi də insanların yanında ağır söyüşlər ilə təhqir ediblər və onu polis bölməsində saxlanılanların qabağında ağır halda bir neçə polis tərəfindən döyüblər. İlqar müəllimin bir neçə Quran oxuyan tələbələri də polis bölməsinə gətirilib və müəllimlərini tələbələrin yanında təhqir edərək döyublər. Subh saat 6 radələrində bəzi vətəndaşları azad ediblər, İlqar müəllim və bir neçə şəxsi isə buraxmayıblar. 30 iyul 2021-ci il tarixində Ruhani Kərbəlayi İlqar müəllim və bir neçə digər vətəndaşın məhkəməsi olacaq.
Bu cur vəhşiliyə görə etiraz edirik və camaatdan bu kimi haqsızlıqlara susmamalarını xahiş edirik. Bu kimi haqsızlıqlara nə qədər sussaq o qədər də xalq təhqir olunacaq.

#Azərbaycan🇦🇿

"İslam Dünyası Xəbərləri"
https://t.iss.one/iswnews_az/5977