İran İR Qum elmiyyə hövzəsində təhsil alan azərbaycanlı ruhani tələbələr, məscidlərlə bağlı son qadağalara etiraz bəyanatı yayıblar. Bəyanatı sizə təqdim edirik:

Bismillahir Rəhmanir Rəhim

إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الْآخِرِ وَأَقَامَ الصَّلَاةَ وَآتَى الزَّكَاةَ وَلَمْ يَخْشَ إِلَّا اللَّهَ

“Allahın məscidlərini yalnız Allaha və qiyamət gününə iman gətirən, namaz qılıb, zəkat verən və Allahdan başqa heç kəsdən qorxmayanlar abad edə bilərlər.” (Tövbə,18)


İnanclı insanların uzun müddətli həsrətindən sonra nəhayət məscidlərin açılması hər kəsin sevincinə səbəb oldu. Pandemiya şəraitində xalqın dini inanclarına qarşı sayqısız yanaşmaq və bu bəla ilə ümumxalq mübarizəsində xalqın mənəvi potensiallarını görməzdən gəlmək əksəriyyəti müsəlman olan xalqın xatirəsində heç də yaxşı izlər buraxmadı. Amma bununla belə gec də olsa səhvləri düzəltmək və qırılan bağları bərpa eləmək təqdirəlayiq olardı. Təəssüflər olsun ki, xalqın bu qısa sevinci belə ürəyində qaldı. Əslində məscidlərin və müqəddəs məkanların qapılarının xalqın üzünə açılması qərarı bu müqəddəs məkanların qapılarına vurulan növbəti qıfıl idi. Xalqın gözləntisinin əksinə olaraq bu qərar nəinki möminlərin konstitusion hüququ olan vicdan azadlıqlarının bərpasına kömək etmədi, hətta onun ciddi şəkildə pozulmasına belə yol açdı. QMİ-nin məscidlərin açılması ilə bağlı elan etdiyi son qərarlar, daha dəqiq desək ayrıseçkiliklər xalqın dərdinin üzərinə bir dərd gətirdi. Biz Qum Elmiyyə Hövzəsində təhsil alan azərbaycanlı ruhanilər bu ayrıseçkiliyə, əslində isə konstitusiya hüquqlarının pozulması kimi qiymətləndirilən özbaşınalığa ciddi etiraz edirik. QMİ-nin əsl vəzifəsi inanclı insanların hüquqlarının təmin olunması və Allah dininə yönəlik təhdidlərə sinə gərmək olduğu halda təəssüflər olsun ki, bu gün bu qurumun qərarlarının tamamilə əks müstəvidə olmasının və düşmən sifarişlərinin bu qərarlarda özünü biruzə verdiyinin şahidi oluruq. Biz Azərbaycanlı ruhanilər və din xadimləri belə ayrıseçkiliklərin heç də müsbət ictimai nəticələrə səbəb olacağını düşünmürük. Əksinə belə qərəzli və ictimai fikirlərdə xaos yarada biləcək qərarların həm xalq və hakimiyyət münasibətlərinə mənfi təsirlər göstərə biləcəyini, həm də adı çəkilən bu qurumun öz mahiyyətini əldən verməsi ilə nəticələnəcəyini hesab edirik. Bizlər bu xalqın ziyalıları olaraq pandemiya ilə mübarizə məsələsini çox gözəl anlayırıq, lakin bu qadağalarda və verilən qərarlarda xalqın dindar kəsiminin nəzərə alınmamasına və məhdudiyyətlərdə qoyulan ciddi ayrıseçkiliklərə göz yuma bilmərik. Bu gün ümumi vaksinasiyon prosesinin bitmədiyi və xalqın əksər hissəsinin bu proseduranı keçməməsinə baxmayaraq hansı dəlilə əsasən məscidə daxil olmaq üçün Covid-19 pasportunun olması şərt kimi qəbul edilib? Dünya Səhiyyə Təşkilatının və ya bu sahənin mütəxəssislərinin hansı birinin rəyinə əsasən 14 yaşdan kiçik olan şəxslərin məscidə daxil olmasını əngəlləyirsiniz? Hansı elmi əsaslara söykənib 50 nəfər məhdudiyyətini irəli sürmüsünüz? Məscidlərin 50%-indən istifadəni nəzərdə tutduğunuz halda, hansı riyazi hesablamalara görə bütün məscidlər üçün eyni qərar verilib? Bundan başqa bu müvafiq qərarlar niyə digər ictimai məkanlar üçün də nəzərdə tutulmayıb? Bütün bunlar inanclı şəxslərin hüquqlarına biganə yanaşmaq deyildirmi? Ona görə də bizlər qeyd olunan bu nüansları nəzərə alıb, xalqın da haqlı etirazlarını təqdirəlayiq hesab edərək tez bir zamanda insan haqlarını kobud şəkildə pozan və cəmiyyətin reallıqları nəzərə alınmadan qəbul edilən bu qərarların ləğv edilməsini və inanclıların mənəvi və konstitusion hüquqlarının təmin olunmasını tələb edirik!


Qum Elmiyyə Hövzəsində təhsil alan azərbaycanlı ruhanilər


Müqəddəs Qum Şəhəri, 05/06/2021

"İslam Dünyası Xəbərləri"
https://t.iss.one/iswnews_az/5098

📢 DİQQƏT ‼️ DİQQƏT
🕒Elan. Bakı vaxtı ilə saat 21:30

,*...https://instagram.com/alimlerin_huzurunda?igshid=1om87fl9680db

(linkin üzərinə vuraraq bir başa instagram səhifəsinə daxil olun)

Zalım hakimiyyətə kömək etmək haramdır!

https://t.iss.one/Hicab_az

Təhqir edilən şəhid ailələri diqqətlə izləsinlər...

https://youtu.be/lSf66bBtxes

Mədəni itaətsizlik böyük cihaddır!

Ona görə də kafirlərə (Zalım və tağutlara) itaət etmə və bununla onlara qarşı böyük bir mübarizə apar! Furqan 52
فَلَا تُطِعِ الْكَافِرِينَ وَجَاهِدْهُمْ بِهِ جِهَادًا
#Mədəni_İtaətsizlik
#QadağalaraTəslimOlma

https://t.iss.one/Hicab_az

Bakı vaxtı ilə saat 18-də Şeyx Ramiz Sariyevin çixişini dinləyə bilərsiniz.
https://youtu.be/8fQEymOv_iQ

Məscidlər Allahın evidir.
Məscidləri müdafiə etmək vacibdir!
Məscidlərin müdafiəsinə qalxanları müdafiə etməmək İmam Hüseyni müdafiə etməməkdir. Məscidlər İslamın səngəridir. Bu gün düşmən bu səngərləri fəth etmək istəyir. Diqqətli olaq! ayıq olaq! Bəsirətlə və şücaətlə səngərlərimizi qoruyaq. Bəli səngəri qoruyan şəhid ola bilər, əsir ola bilər, amma zilləti və məğlubiyyəti qəbul etməz.
#MəscidQadağalarınaSon
#QadağalaraTəslimOlma
#Mədəni_İtaətsizlik
#məsciddiskriminasiyayox

Elan