Xabaringiz bor, 2024-yil 25-30-mart kunlari Turkmaniston davlatida turkman shoiri Maxtumquli Firog‘iy tavalludining 300 yilligiga bag‘ishlab Xalqaro matematika olimpiadasi bo‘lib o‘tdi va 2 nafar o‘quvchimiz yuqori natijani qo‘lga kiritishgan edi.

Xususan, Bog‘ot tumanidagi ixtisoslashgan maktab o‘quvchisi Egamberdiev Maqsadbek oltin medalni, Yangiariq tumanidagi ixtisoslashgan maktab o‘quvchisi Toirov Tohirjon bronza medalini qo‘lga kiritdi.

Bugun o‘quvchilarimiz viloyatimizga qaytib keldi.

Ular Xorazm viloyati Maktabgacha va maktab ta’limi boshqarmasi mas’ullari, maktab direktorlari, o‘qituvchilar, o‘quvchilar va ota-onalar ishtirokida munosib kutib olindi.

Tadbir davomida boshqarma boshlig‘i Xamro Bektemirov o‘quvchilarimizni erishgan yutuqlari bilan yana bir bor samimiy tabriklab, o‘qishlariga muvaffaqiyatlar tiladi. Ularning ota-onalari va ustozlariga minnatdorchilik bildirildi.

-o‘quvchimiz Egamberdiyev Maqsadbek bitta masalani “xitoy qoldiqlari” usulida ishlagan bo‘lib, masalani baholagan hakam o‘quvchi boshqacha usuldan foydalangan deya shu masalaga pastroq ball qo‘ygan, o‘quvchi esa o‘z e’tirozi bilan hakamlarga murojaat qildi. Ertasi kuni mazkur hakam ushbu usul bilan yaxshilab tanishgach, masala muallifi ishtirokida appelyatsiya jarayonida qayta ko‘rib chiqilib, eng yuqori ball bilan qayta baholandi. Shuning hisobiga o‘quvchimiz oltin medalni qo‘lga kiritishga muvaffaq bo‘ldi. Barchamiz bundan yanada xursand bo‘ldik. Safar hamda olimpiada taasurotlari barchaning xotirasida saqlanib qoladi deb o‘ylayman, - deya boshqarma bo‘lim boshlig‘i Tursunbek Nurmetov o‘z fiklarini bildirdi.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt

2024-yil 25-30-mart kunlari Turkmaniston davlatida turkman shoiri Maxtumquli Firog‘iy tavalludining 300 yilligiga bag‘ishlab o'tkazilgan Xalqaro matematika olimpiadasi jarayonlari.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt

#hududlardan_xabarlar
#kunlik_dayjest

⏺Jizzax shahridagi Prezident maktabi oʻquvchilari ayol pedadog-murabbiylar haqida hujjatli film tayyorladi.

⏺Toshkent shahridagi Prezident maktabi jamoasi Abdulla Qodiriy nomidagi ijod maktabi tashabbusi bilan oʻtkazilgan "Zakovat" oʻyinida gʻolib boʻldi.

⏺30-mart – Xalqaro chiqindisiz dunyo kuni doirasida Buxoro, Nukus shahridagi Prezident maktablari, Muhammad Yusuf nomidagi ijod maktabi, Urganch, Guliston, Yangiyer shaharlari, Xonqa, Yozyovon, Fargʻona, Sariosiyo, Qorovulbozor, Mirzaobod, Norin, Kosonsoy, Oqdaryo, Do‘stlik tumanlari ixtisoslashtirilgan maktab va maktab internatlarida plogging aksiyalar tashkil etildi.

⏺Andijon shahridagi Prezident maktabida “Milliy qadriyatlar yoshlar nigohida” shiori ostida tadbir oʻtkazildi.

⏺Ogahiy nomidagi ijod maktabi va Yangiyer shahar ixtisoslashtirilgan maktabi oʻquvchilari IELTS sertifikatlarini qoʻlga kiritdi.

⏺Muhammad al-Xorazmiy nomidagi ixtisoslashtirilgan maktabi oʻquvchilari "IT Park Uzbekistan" bilan yaqindan tanishdi.

⏺Oltinsoy tuman ixtisoslashtirilgan maktabi oʻquvchisi Diyorbek Abdujabborov Kurash musobaqasining Respublika bosqichiga yoʻllanma oldi.

⏺Qoʻqon shahar 1-son ixtisoslashtirilgan maktabida favqulodda holatlar boʻyicha nazariy-amaliy mashgʻulot oʻtkazildi.

⏺ Buxoro tuman ixtisoslashtirilgan maktabi oʻquvchilari Intellektual olimpiadada umumjamoa hisobida 2-oʻrinni egalladi.

⏺Urganch shahar 1-son ixtisoslashtirilgan maktab-internatida "Yashil makon" umummilliy loyihasi doirasida mevali daraxtlar koʻchatlari va manzarali gullar ekildi.

⏺Shirin shahar ixtisoslashtirilgan maktabida harbiy qism bilan hamkorlikda harbiy estafeta oʻtkazildi.

⏺Hazorasp tuman ixtisoslashtirilgan maktabida "Hech kim hech qachon unutilmaydi" shiori ostida xotira tadbiri boʻlib oʻtdi.

⏺Bekobod shahar ixtisoslashtirilgan maktabi 11-sinf o‘quvchisi Jasur Isroilov xalqaro taʼlim grantini qoʻlga kiritdi.

Telegram | Facebook | Instagram | YouTube